Accueil
Envoyer à un ami
Version imprimable
Partager

O Signore paràtemi sta vacca !

« Maghrébins, ne partez pas tout de suite ! » dicìanu Les Inconnus. Era per ride tandu. Ange Rovere, primu agiuntu à a merrìa di Bastìa vole ellu, in sèriu, una pulitica « un peu répressive » (Corse-matin, 07/09/09). Vòlesi dì chì ci vole à falle falà, ma à l’usu cumunistu soca, cù u surrisu… Eccu un curagiu pulìticu chì face piacè !



O Signore paràtemi sta vacca !
Per i lettori di a Piazzetta chì ùn bàttenu pè Bastia, eccu ciò chì ci accade : in Piazza d’À, una mansa di scaramassuffiò, scempia tutte e notte tighjati, luminelli è erba piantata ùn hè ch’è tantu. I flicchi cuntinuèghjanu à spazzà fume è à surveglià u Palazzu di Ghjustì, à 100 metri da quì, in casu ch’ellu vulessi scappà di notte, ùn si sà mai…

Allora ?
Allora per u nostru primu agiuntu, l’affare si puderebbe scioglie incù un rinforzu pulizzeru è una pulitica un pocu ripressiva. Ma ghjustu un pocu allora, chè.
Soca u so stintu d’omu di Manca l’averà purtatu à piglià in cunsiderazione chì s’è sta banda di giovani s’appieca cusì bè à scempià u bè cumunu (ch’è no paghemu noi), serà (perchè micca) ch’elli ùn ci si ricunnòscenu micca, nù a nostra cumunità. È dunque, ci vole à mètteli u contu, ma micca troppu chì ùn hè un usu di Manca®.

Moltu più chì ste viulenze ùn anu nunda à chì vede cù quelle di sti gattivi Corsi chì, à l’occasione di una manifestazione à ogni morte di vescu, sbòndanu unicamente banche di a Traversa (ch’è no ùn paghemu micca noi), ghjustu per u piacè di sciappà, è chì ùn sò ch’è fascisti è terruristi… A tulerenza dinù, a insegna a pulitica.

È dopu ?
L'emu capita, ùn hè colpa nostra, ùn anu ch'è da falle falà i flicchi, noi ùn ci pudemu nunda... O Signore, paràtemi sta vacca...
Ma in tantu, sta manera di gestisce l'evenimenti hà datu l'edee à d'astri, è per a prussima greva di a CGT ci pudemu forse aspettà à què : « Vulemu i soldi per piacè, o spacchemu guasi tuttu », è u slogan di u Partitu per 2012, « tutti à paru, s’è ùn vi dirangia micca ! ». In Furiani pratècanu digià : « Minaaate piaaanu !! », è i naziunalisti duri anu attaccatu à pitturiccià i muri longu à a strada : « Francesi Fora, ma micca troppu luntanu ! ».

Ùn hè mancu male in fin'di conti...

l'8 di Sittembre 2009
Ussamà Ben Lazezu



1.mandatu da Eddy u 08/09/2009 01:45
Eccu, aghju buscu u prim'articulu veramente ouch annant'à stu sittu. M'hè parsu di leghje ouch o di fammi una sega cum'è tutti i ghjorni.. Ma in Corsu. Sperendu ch'ellu sia ouch cusì.Ma ouch socu ch'ellu hà da piace assai...

Eviva u lonzu

2.mandatu da estrimei u 08/09/2009 07:33
a dillà franca, a mè mi piace !
in Corsica ,c'he ghjente chi pianu pianu -per via di a pulitica economica calculata- he puntata for di l'isula: so i corsi. e di quessi , so pochi a pigliane a pratesa ; aghjusteraghju chi , ancu i corsi , elli stessi, chi pianu pianu si puntanu for di u Paese.
da qui a pocu , mancu i pulitichi, mancu i manghjoni , seranu corsi

3.mandatu da filidatu u 08/09/2009 14:38
aghju avutu a rovere in scola quandu facia nice di studià è un ghjornu in scola hà quantunque messu in dubbitu l'esistenza di e purghe staliniane dunque più nunda ùn mi stona da a so parte

4.mandatu da Paulu u 08/09/2009 15:16
... piccula quistiona: ma qual'hè stu Anghjulu Rovere ... ? :-\

5.mandatu da filidatu u 08/09/2009 15:27
hè unu di l'ultimi staliniani sempre vivi

6.mandatu da Eddy u 09/09/2009 18:25
Cuntinuate à chjavà i missaghji chì vi suchjanu, avete raggiò, bandarete luntanu cusì...

7.mandatu da Paulu u 09/09/2009 19:55
?

u to primu missaghju hè statu mudificatu ?

8.mandatu da Marina u 11/09/2009 12:22
Un la sapete chì in Bastia, u Quartiere Generale di u guasi Partitu Cumunista si trova guasi in LU CARRUGHJU SUMERA!!!!!!!!!!!!!!!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta