Accueil
Envoyer à un ami
Version imprimable
Partager

Oghje hè u ghjornu u più deprimante di l'annu (in teuria)

U terzu luni di u mese di ghjennaghju hè u famosu "blue monday", u ghjornu u più deprimante di l'annu. Ma ùn hè micca una ragione per tichjavvi di Lexomil.



Duvemu l'invenzione di u "blue monday" à un certu duttore Cliff Arnall, psicologu à l'università di Cardiff. U terzu luni di u mese di ghjennaghju presenta tutte e ragione d'esse in deprima nera : e feste di Natale è capu d'annu sò luntanu, a paga ùn hè ancu cascata, u portamuneta hè viotu, e ghjurnate sò corte, e vacanze ùn venenu micca, u tempu hè goffu.

In più di quessa, avete capitu chì e bone risuluzione sò digià abbandunate (innò, quist'annu non più ùn ci la ferete micca à mettevi à u sport).

È ùn parlemu mancu di i macciacci di u Sporting.

Dunque hè vera, ci sò unepoche di ragioni di fà u musu oghje.


Ma sì a teuria di u "luni goffu" pare vera, hè sopr'à tuttu un colpu marketing d'una sucetà di cumunicazione. U "blue monday" ùn hè ch'è un'invenzione per vende sughjorni à u sole per una cumpagnia di trasporti inglese.

Ciò chì ùn impedisce micca i sustenidori di u Sporting d'esse in depressione.

u 16 di Ghjenaghju 2017


Novu cumentu :