Accueil
Envoyer à un ami
Version imprimable
Partager

Olmeta: pichjate 1, Delarue: pichjate lu…

Mentre « Ca se discute » toccava à a so fine, sta notte, nant’à France 2 (à 1 ore menu 25, precisamente), hè natu un grand mumentu di televisiò, in direttu !



U famosu presentadore spechjettinu, Jean-Luc Delarue, avia invitatu unepoche di ghjente esciute di a « TV Realità » per cunnosce oghje u parcorsu d’ognunu.

Trà e celebrità presente, l’anzianu ghjucadore di ballò nustrale, Pascal Olmeta, chì avia vintu, ellu, « La Ferme Célébrités » (prugrama di TF1). Sinu à quì, tuttu va bè...

Ma ùn era micca prevista cusì, secondu quellu chì hè dinù presidente di « Un sourire, un espoir pour la vie ». A produzzione li avia dettu à u telefonu, chè in u mentre di l’emissione, puderia parlà ghjustappuntu di u so associu chì vene in aiutu à i zitelli soffrendu di maladie gravule.

Ùn fermava chì qualchì seconda nanzu à u genericu finale, quandu Jean-Luc Delarue li hà lasciatu a parulla. Pascal Olmeta s’hè puru incazzatu è li hà subitu dettu, chì s’è l'avia sappiuta, si ne seria statu in Bastia. Un bellu scontru chè nò vi prupunimu di rivive in video.

O Pasquà, gloria à tè !

l'8 di Ghjenaghju 2009
U Sbulicarinu



1.mandatu da Calligari u 08/01/2009 13:01
Ghje bè di podè sente stu generu d'affari.
E trista che'lu ci sia che troppu pochè emissioni in diretta, di regula so chi passa ghje alisciatu per un "montage" per piatta so chi porebi sdiranghja.
A surpresa nant'a i detti ghje poca, Olmetta è statu scoccu è Delarue ghje un veratimente una nerpia.

2.mandatu da heliofobu u 08/01/2009 15:31
E simu torna a 'a risa...

3.mandatu da Marcu u 08/01/2009 16:08
Mi facenu tutti caga incu e so cunerie di Télé Réalité, ci seremu campati si Pasquale Olmeta averia pichjatu in vera issa facciaccia di Delarue d'una bella capata in a so nappa

4.mandatu da Marcu Zuccaberg u 08/01/2009 17:45
d'accunsentu incù eliocosu...
...o Pasquà, a to virtù ghjè u silenziu...
(ancu si Delarue=schifezza umana)

5.mandatu da Muammar u 08/01/2009 20:18
Inquanta mé, ci hé statu un mumentu, duve delarue un hé micca passatu luntanu di a sintenza.

6.mandatu da OMU SERIU u 08/01/2009 21:50
O MA PIANTATE A PENA

Chi Olmeta a sapià bè chi l'emissione avia dà parlà di i spezzi di pipolacci chi so a quaternu !!

E ellu chi ùn sà mette dui parole, una davanti a l'altra a fattu u bellu , u tipu onestu e dirittu !

Simu torna una volta a a risa di a francia e di i bauli chi guardanu e bestialità di a televisio francesa !

7.mandatu da tumasgiu u 08/01/2009 21:59
FORZA PASQUA, avvemu bisognu di ghjente cumè tè....

8.mandatu da filidatu u 09/01/2009 08:01
Olmeta hè bravu è bonu ma ùn ci scurdemu micca ch'ellu hà fattu campagna in corsica per l'anchitrianu di sarkosy

9.mandatu da Taravesu u 09/01/2009 10:59
ancu s'eddu t ha raghjo nantu a u fondu ,Olmeta ferma quantuqua un baullo.Sarà credibuli quiddu tipu ch'un he sempri bonu a cuntà listessu charabia è à parlà di a so famidda inveci di "venda" u so associu? Soca Delarue ghje una narpia, mà sè Olmeta avia presu i qualchi minuti passati à pienghja par parlà di u so associu, ava un saria micca cusi ridiculu

10.mandatu da DalOMalUMP u 09/01/2009 12:56
hè passatu pè u connu...cumè sempre

11.mandatu da Piratella u 09/01/2009 15:31

E chì ci hè andatu à fà ind'è sti carnavali?

Eiu ùn mi sentu ridicula, ùn mi sentu "riprisentata" da tutti i baulli corsi chì puderianu passà à a televisiò.

È una cosa ch'ùn supportu micca hè sta "paillote" ch'ellu hà fattu nantu à a spiaghja di "Stagnola", ch'ellu hà ribattizatu "Olmeta Beach" , hè a so "Playa Baya" à ellu, scusate a so mudestia,..

accnatu à tutttu què, face quantunque una bella cosa cù u so associu, anc'assai. Ma u megliu hè ch'ellu ùn parlessi in publicu, ohimè!

12.mandatu da Muhammad u 10/01/2009 23:36
O ma chì closcia st'olmeta

13.mandatu da Ave Bastia u 11/01/2009 08:20
A seguita nant'à l'onda di Hit&Sport: http://jeanmarcmorandini.tele7.fr/article-22466.html


14.mandatu da aio u 16/01/2009 12:19
aio o ghjente! un avete micca capitu??? olmeta si face a so PUBLICITA!!!!! e voi guardate e ne parlate!!!
allora basta!!

15.mandatu da A MUVRA RIBELLA u 22/03/2009 09:00
o pasqua ma fattu assai piesce di truvati cumme tu benia in casa in toga a fioredi macchia ti abracciu FORZA PASQUA a mamma d un amicu a te

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta