Accueil
Envoyer à un ami
Version imprimable
Partager

Omaha, parlami corsu !

Settant'anni dopu, hè u D-Day pè e residenze segundarie...



Omaha, parlami corsu !
A sapete, u turnagiu di a scena di u sbarcamentu in Nurmandia di u filmu Le Jour le plus long s'hè fattu in L'Agriate, in Saleccia.

Corse-Matin ci cunsacra oghje un articulu è a so prima pagina.

Durante qualchì ghjornu di l'estate 1961, Saleccia hè diventata Omaha Beach. A causa hè chì u realizadore Darryl Zanuck truvava chì u liturale di a Nurmandia era trovu goffu. Sedeci anni dop'à u sbarcamentu, e residenze segundarie avianu invaditu tuttu. A sturietta hè cunnisciuta.

Settanta anni dop'à u D-Day, L'Agriate sò sempre belle è priservate. Ci semu francati i prugetti immubiliari scemi di l'anni settanta, cù cumplessi è ottelli per purtacci millaie di turisti. Sapete, st'orrore ch'elle si ponu vede nant'à a costa spagnola...

Oghje, i tempi ùn sò più à i grossi cumplessi immubiliari. U liturale hè minacciatu da u "mitage", o u "grignotage". Hè l'orrore di ciò chì l'urbanisti chjamanu "étalement urbain". E terre priservate sò runzicate da una rapida è disurdinata stesa di e custruzzioni.

Settant'anni dopu à u D-Day, sò pochi i lochi induve Darryl Zanuck averia pussutu filmà Le Jour le plus long. In fine di contu, sò e casacce segundarie chì sò sbarcate nant'à u liturale...

(l'idea di u titulu di l'articulu hè di PO)

l'8 di Ghjugnu 2014



1.mandatu da mmi un colpu à beie u 09/06/2014 10:10
beatu u "réchauffement climatique"
u mare colla
si runzeca u bor' di mare , rena , paillottes , "villa les pieds dans l'eau", è tante altre custruzzione goffe

a natura face a ricunquista di u so territoriu

spazza a merda di l'omu

prighemucila bona ch'ùn appiinu l'idea di vulè parà u mare cun muri di bettone.......

cunniscendulli s'assumiglierebbenu più à i muri di a Palestina chè à a muraglia di China

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta