Accueil
Envoyer à un ami
Version imprimable
Partager

Ondeci ragioni d'andà à visità à Parma

Demuralizati da u ballò è da a situazione pulitica ? Fughjite qualchì ghjornu in Parma. A cità emiliana hè vicina, si manghja bè è ci sò tante cose à fà. A prova.



Flickr / Riccardo Francesconi
Flickr / Riccardo Francesconi

Parma hè vicina

Spessu i Corsi chì vanu in Italia sceglienu à Firenze è Roma, duie destinazione predilette. A regione di l'Emilia Romagna hè menu cunnisciuta, ma interessante assai è faciule d'accessu : bastanu duie ore di vittura da u portu di Livornu per ghjunghje in Parma.

Peccatu di privassine !
Ondeci ragioni d'andà à visità à Parma

A manghjusca

Duvemu duie invenzione culinarie magnifiche : u parmigianu è u prisuttu di Parma. Ùn vi pare nunda ? Hè inutile di divvi chì Parma hè una cità induve si manghja benissimu. Per ciò chì hè di a salumeria, di i furmagli è di e paste, hè una campa. Ùn mancate micca a torta fritta (chjamata dinù Gnocco fritto in Modena è Reggio Emilia), i tortelli d'erbette è di zucca, è bella sigura u vinu (Lambrusco, Malvasia...).
Ondeci ragioni d'andà à visità à Parma

Bon ci vole à prevede un regime per quand'è vo vultate.
Ondeci ragioni d'andà à visità à Parma

Un patrimoniu riccu

Custì, a lista hè longa ! Parma pare appena scunnisciuta, ma e belle cose da vede ùn mancanu.

U battisteru :
Hè unu di i simbuli di a cità di Parma. Edificatu à a fine di u XIIu seculu, compiu in u 1270, sott'à u cummandu di l'artistu è architettu Benedetto Antelami. Fattu di marmeru rusinu, stu munumentu hè cunsideratu cum'è impurtante perchè face a leia trà u rumànicu è u goticu.
Flickr / Franco Folini
Flickr / Franco Folini

U domu :
À cantu à u battisteru ci hè a chjesa a più impurtante di Parma. Nentru ci sò i magnifichi affreschi di Antonio Allegri, dettu Il Corregio (hà ancu u so nome in francese : Le Corrège). Hè u grande pittore emilianu di u Rinascimentu.
Ondeci ragioni d'andà à visità à Parma

Prufittate di a bellezza di a cùpula. Risicate u torcicollu, ma vale u colpu.
Wikimedia Commons
Wikimedia Commons

Ùn mancate a scultura d'Antelami (quellu di u battisteru), cun sta dipusizione di a croce, capidopera di u rumànicu (1178).
Ondeci ragioni d'andà à visità à Parma

Santa Maria della Steccata :
Ùn passate micca à cantu à sta basilica, tesoru di u Rinascimentu parmigianu.

Cum'è curiosità, sappiate chì in sta chjesa si trova u museu di l'Ordine custantinianu di San Ghjorghju, creatu da l'Imperatore Custantinu in u... 312. Ci si trova pitture, ogetti di i Burboni è ancu... a camisgia di Luigi XVI quand'ellu hè statu scapatu.

Glups.
Ondeci ragioni d'andà à visità à Parma

In Parma ci vole andà à vede u palazzu di a Pilotta, custruitu à u XVIu da a famiglia Farnese, i duchi di Parma. In stu cumplessu ci hè un museu archeologicu, una bibliuteca, a Galleria Nazionale (da ùn mancà : i capitoli d'Antelami, e belle opere di u Trecento è u Quattrocento, e pitture di Il Correggio è di Il Parmigianino, un'opera di Leonardo da Vinci).


Eppo ci hè u Teatru Farnese :
Era utilizatu pè e rapresentazione teatrale, i turnei è cum'è sala d'arme. Hè tuttu in legnu.
Ondeci ragioni d'andà à visità à Parma

Ùn passate à cantu à La Spiaggia, pittura di Renato Guttuso, in u 1955. È digià, una critica di a sucetà di cunsumu.
Ondeci ragioni d'andà à visità à Parma

Una pittura à l'affrescu di a Corsica

U munasteru benedittinu di San Giovanni Evangelista :
Postu ch'è vo ci site (ùn ci serete micca tutti i ghjorni in Parma...), lampate un ochju à l'abbazia ghjustu à cantu à San Giovanni Evangelista. Visitate l'antica farmacia (o « spezieria »). Traversate u chjostru.
Ondeci ragioni d'andà à visità à Parma

È prufittate una stonda di a calma è a bellezza di a bibliuteca. Tutta affrescata, hè un giuiellu di u Rinascimentu. A decurazione hè stata cumandata da l'abate Stefano Cattaneo di Novara.
Ondeci ragioni d'andà à visità à Parma

Hè discrittu cum'è un abate ribellu, in cunflittu cun l'autorità di a chjesa perchè vulia un dialogu cù e religione. Hè cusì chì in sta magnifica bibliuteca ci truverete scrizzioni in latinu, grecu, arabu, ebraicu, è cirillicu.
Ondeci ragioni d'andà à visità à Parma

L'affreschi sò di u 1573. Ci truverete ancu una bellissima è stunante carta di a Corsica.

L'opere di Il Correggio

A camera di San Paulu :
Stu munasteru hè statu affrescatu da Il Correggio (sempre ellu). Capulavoru di u Cinquecento.
Flickr / Darren and Brad
Flickr / Darren and Brad


Micca troppu turisti

In Parma vi piacerà di spassighjavvi pè e piazze è i carrughji (puliti) di sta cità calma chì ùn hè micca pigliata d'assaltu da i turisti.
Via Tommasini
Via Tommasini

A qualità di vita

U centru hè pedunale, e vitture sò poche è i parmigiani si spasseghjanu à bicicletta.
Wikimedia Commons / Alain Rouiller
Wikimedia Commons / Alain Rouiller

A sera ùn mancate di piglià l'apperitivu (un spritz bella sigura).
Ondeci ragioni d'andà à visità à Parma

A musica

Impussibule di parlà di Parma senza ammintà a so tradizione musicale.

Principiemu cù u Teatro Regio. Compiu in u 1829, hè un altu locu di a cultura taliana. Si pò visità.
Ondeci ragioni d'andà à visità à Parma

Hè statu cummandatu da Maria Luigia d'Austria (sapete, a moglia di Napuleone) chì era duchessa di Parma. Hè tenuta assai da i parmigiani pè u so regnu è u so ricordu hè sempre vivu.

Per esempiu, dicenu ch'ella permettia à i più poveri d'andà à u teatru, riservenduli piazze menu care. A chjamavanu "la bona duchessa".
Ondeci ragioni d'andà à visità à Parma

Sempre avà, i Parmigiani sò riputati pè a so finezza, a so passione pè a musica classica è l'opera. U publicu parmigianu hè cunsideratu cum'è duru è esigente.

Hè a cità di u grande direttore d'orchestru Arturo Toscanini. È vicinu di Parma hè natu u cumpusitore Giuseppe Verdi. Hè onoratu cum'ellu ci vole.
Ondeci ragioni d'andà à visità à Parma

Cunniscite tutti e so opere :  « La donna è mobile » di Rigoletto, u « Brindisi  La traviata, « Va, pensiero » di  Nabucco è a « Marcia trionfale » d'Aida.


Di u colpu, hè nant'à l'aria di a Marcia trionfale chì i ghjucadori di Parma entrenu in campu :


Ùn dà micca a listessa ambienza ch'è "Sò Elli", ma hè bè dinù.

È u ballò ?

Ùn si pò finisce senza parlà di futbol. Tutti quelli chì anu seguitatu u ballò talianu in l'anni novanta s'arricordanu di u bellu ghjocu praticatu da l'AC Parma, cun Brolin, Asprilla, Zola, Grün, Bennarivo, Di Chiara, Melli...
Ondeci ragioni d'andà à visità à Parma

A squadra hà vintu trè coppe d'Auropa (duie UEFA, una C2). U stadiu Ennio Tardini hà vistu ghjucadori cum'è Dino Baggio, Crespo, Sensini, Fernando Couto, Buffon, Cannavaro, Verón, Taffarel, Stoitchkov, Ortega...

Ma ancu Reynald Pedros. Face omancu un puntu cumunu cun Bastia.
Ondeci ragioni d'andà à visità à Parma

Ma tuttu què era à l'epica di Parmalat. A sucetà hè andata à fallimentu. In u 2014 u club ùn avia mancu più soldi per pagà u bus. Falata in quarta divisione, torna à ricullà pianu pianu à u livellu u più altu è oghje si batte per vultà in Serie B.
Flickr / verdi85
Flickr / verdi85

Per ciò chì hè di a tifoseria u gruppu u più vechju sò i Boys, nati in u 1977. Sò amichi cun l'ultras di Bordeaux.

Ritrattu : boysparma1977.it

Frà i so nemichi : quelli di a cità vicina di Reggio Emilia. U derby pè a cullata trà Parma è a Reggiana hà da esse caldu quist'annu...



A lingua parmigiana

Esiste una lingua parmigiana, chì hè una varietà di l'Emilianu. Per elli hè un "dialettu" ch'elli chjamanu "pramzàn". È si pò leghje ogni settimana in a rubrica futbol di u grande cutitianu "La Gazzetta di Parma".

Dop'à ogni partita di campiunatu, e note di i ghjucadori di Parma sò in "pramzàn".

(Un'idea pè i media nustrali ?)
Ondeci ragioni d'andà à visità à Parma

Bon ok, custì era un macciacciu (face un segondu puntu cumunu cù u Sporting).

E vitture fora

I citatini si primureghjanu di a qualità di vita è di l'ambiu. Vitture pruibite in u centru, misure pè incuragisce a pratica di a bicicletta è l'usu di i trasporti in cumunu. Da leghje nant'à Le Parisien chì cita à Parma in u so Top 10 des villes éco-intelligentes.

È quessa face di Parma una cità propiu piacente.








u 30 d'Aprile 2017


Novu cumentu :