Accueil
Envoyer à un ami
Version imprimable
Partager

Ondeci ragioni di fughje a festa di a musica

Cum'è tutti l'anni, a sola suluzione hè di scappà.



Ondeci ragioni di fughje a festa di a musica
1. Hà da piove. Sapete chì e voce di cazzerole arreganu a piogia è u tempacciu.

2. E sonò fragiche. Amatori di musica, statevi in casa. Ùn senterete nunda, trà e sonò troppu forte è quelle pùzziche, senterete una spezia di rimore di fondu insuppurtèvule.

3. E croce sò di surtita. Pè a festa di a musica, tutti i mostri sò di surtita. Sapete, quelli chì mettenu u nasu fora pè u Beaujolais, u 14 di lugliu è u 31 dicembre... È in più di quessa, beienu.

4. I peghji gruppi sò quelli chì càntanu. Hardos cughjosi, rappeurs mittomani, curale di vechji cucchi, culturali corsi in depressione... Pè u 21 di ghjugnu si face l'unione internaziunale di e voce di cazzerole.

5. Un ripertoriu spaventosu. Micca festa di a musica senza Michel Sardou, Claude François è Mike Brant.

6. I djembés. Ogni pusessore di djembé si crede in l'obligazione quellu ghjornu di fà una dimustrazione di stu strumentu di turtura.

7. Siate appena anti cunfurmistu. Luttate contr'à a mossa di e feste : di e mamme, di i babbi, di e mammone, di i babboni, di a Nazione, festa di i voisins, Saint Valentin...

8. Dr House. Ancu s'è vo u truvate azezu, hè sempre megliu ch'è d'esse in carrughju à sente una ripresa di Serge Lama o di a Compagnie Créole.

9. Hè l'anniversariu di Michel Platini è di François Baroin. Iè, ste duie narpie sò nate un 21 di ghjugnu. Ùn avete micca u dirittu di participà à sta cumedia.

10. È u nostru fucarè di San Ghjuvà ? Quessa sì chì hè una vera è bella festa !

11. Cummencia a carnavalata di l'estate. L'Estate, stagione di u turisimu, di e birkenstock è di i camping-cars. Ùn pudete micca participà à stu vituperiu !

Ondeci ragioni di fughje a festa di a musica

u 21 di Ghjugnu 2011



1.mandatu da Cugnome u 21/06/2011 17:57 (da un teleffuninu)
Orribile festa. Boycott !

2.mandatu da Pumata u 24/06/2011 12:47
A me cio chi mi stona ghje chi tutte e closce di a creazione si ritrovanu pe sta serata! 90% di sti musicanti ùn si vedenu di tuttu l'annu! Bon eu mi ne futtu a sola canzona chi tengu caru ghje "i corsi pe l'OM so PD"...

3.mandatu da Dominique u 15/08/2011 13:22
Sans compter les groupes corses d'un soir qui se croient obliger de reprendre Canta et les Chjami mais aussi Sardou et Goldmann... Eclectismu !!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta