Accueil
Envoyer à un ami
Version imprimable
Partager

Où vas-tu Bastia ? Mi ne vò in Rodez !

Hè statu publicatu u calendariu di a stagione di National. Eccu u girettu di i stadii di a Francia prufonda chì ci aspetta...



Ecculu, avà cunniscimu u calindariu di a stagione d'infernu in National (si principia u 7 d'agostu in Furiani contr'à Amiens).

Simu u 30 di sittembre 1997. Quindeci ghjorni dopu à a so vittoria 1-0 in Furiani (but di Pierre-Yves André), u Sporting di Freddy Antonetti è d’Eric Durand si ne và à ghjucà a so qualificazione per i 16mi di finali à u miticu Estadio de la Luz di Lisbonna. In faccia, u Benfica di u capitanu Joao Pinto conta bè di rifà u so picculu ritardu di pettu à una squadra bastiaccia à quale hè tuccatu à passà per l’Intertottò - quella cuppa di l’istate oghje smarita - per avè u dirittu di participà à l’UEFA. Quelli chì anu vistu u macciu, per via di u Multiplex di Canal o di a televisiò purtughesa RTPI, si ramintaranu di ‘ssu stadiu immensu di guasgi 100.000 piazze à l’epica. Magnificu.

Qualchì deci anni dopu, u nostru Sporting si n’hè falatu in Naziunale (D3). Quist’annu ghjucarà in Rodez, Luzenac o Plabennec. Picculu giru di Francia di i stadii…
Annu chì vene u Sporting ritruvarà vechje cunniscenze. Di quelle ch’aviamu cacciate di e nostra mimorie, chì ci parianu passi d’una altra vita. À l’epica, a D2 cuntava dui gruppi, a vittoria valia dui punti, Piotr Rzepka ghjucava à u Squeubeu è Onet (!) ci spunsorizava…

Si scuntrava à squadre cum’è Rodez o Orléans.
Rodez chì ci avia pistatu cun un 7-0 qualchì simana prima à a catastofa di Furiani. Orléans, chì ritrova oghje u Naziunale cù Yann Lachuer cum’è intrenore. Quì ne simu d’una visita di i stadii Paul Lignon (5.955 piazze) è di quellu di « La Source » (5.000 piazze).
Où vas-tu Bastia ? Mi ne vò in Rodez !

Où vas-tu Bastia ? Mi ne vò in Rodez !

Più vicinu à noi, era in 93, squadre cum’è Rouen o Beauvais ch’amu cunnisciutu in tempi di « Super D2 ». Vistuti da a nostra maglia « Pantofola d’Oro », per via d’una capata di Casanova in piena rete ci ne ricullavamu in Prima Divisione ! Ma ste squadre avaranu elle avveni più scuri à tal’puntu di ritruvà u mondu amatore. Ghjunghjaranu à ripiglià fiatu più o menu.

Rouen, Stade Robert Diochon (18.000 piazze) :
Où vas-tu Bastia ? Mi ne vò in Rodez !

Beauvais, Stade Pierre Brisson (10.178 piazze) :
Où vas-tu Bastia ? Mi ne vò in Rodez !

Invece sò parechje l’ecchippe, abituate à a D2, à campà oghje ind’è l’anonimatu di l’amatorisimu. Colpa à i risultati spurtivi, o più spessu à a seria di dipositi di bilanciu chì hà toccu a Siconda Divisione francese à a fine di l’anni 90. Sarà u casu di Saint-Brieuc (DH), Bourges (CFA2), Epinal, Toulon, Mulhouse, Dunkerque (CFA)…

Nutemu quantunque ind’è stu campiunatu, stadii storichi chì ci ramintaranu u nostru gluriosu passatu :

La Bocca, Cannes, Nizza hè vicinu, spiazzamentu ubligatoriu !
Où vas-tu Bastia ? Mi ne vò in Rodez !

Charléty, Paris FC (20.000 piazze)
Où vas-tu Bastia ? Mi ne vò in Rodez !

Eppò, ci sò di e squadra chì, à dilla franca, ùn sapiamu mancu duv’è si truvavanu qualchì mesi fà. Per certe ùn si sapia mancu ch’elle esistianu ! Quand’elle si vedenu e so stallazioni si spaventa ! È si capisce subbitu chì quì, omancu, ùn ci saranu micca prublemi d’umulugazione per Armand Cesari !

Per quelli ch’anu cunnisciutu u Gabriel Montpied Stadium di Clermont ghjera Byzance ! I nomi à vene sò di a listessa sterpa !

Eccu à Luzenac (600 abitanti è u so caffè… in paese simu 60 ci n’hè dui…) è u simpaticu stadiu Paul Fédou (1.600 piazze). Da dumandassi duv’elli c’anu da fà tene ? À un saltu di vechju d’Andorra è di Barcelona hè digià statu rimarcatu cum’è « spiazzamentu interessante ».
Où vas-tu Bastia ? Mi ne vò in Rodez !

Plabennec, eroe di a Cuppa di Francia nu a tradizione ben’francese di u « petit poucet ». Stadiu di Kervéguen (2.000 piazze) oimela corcia !
Où vas-tu Bastia ? Mi ne vò in Rodez !

U caldissimu stadiu Eugène Pourcin (4.000 piazze) di Fréjus ! Un bellu derbì à vene !
Où vas-tu Bastia ? Mi ne vò in Rodez !

U Didier Deschamps Stadium (ùn hè micca una macagna…) di l’Aviron Bayonnais ! 3.500 piazze.
Où vas-tu Bastia ? Mi ne vò in Rodez !

U summum di l’angoscia, u stadiu di Pacy-Ménilles ! 2.400 piazze…
Où vas-tu Bastia ? Mi ne vò in Rodez !

È tant’altri…

Menu unu, ci abbuchjavamu ancu u maravigliosu stadiu Marcel Cerdan (!) di Cassis-Carnoux ! 1.700 piazze…
Où vas-tu Bastia ? Mi ne vò in Rodez !

Peghju chè l’AJB…


Ma à dilla franca, à l’ora di u foot business, quandu certe grande cità cù i so stadii m’ai capitu strazianu per custruì un club chì tene a strada, a cullata in Liga 1 d’Arles-Avignon o a prisenza di ste squadre disgraziate in Naziunale ci porta à crede sempre à u nostru avvene. Torna una prova chì Bastia nu u mondu prufessiunale, ùn hè micca un « miraculu permanente », à partasi da u mumentu chì c’hè u travagliu, a cumpitenza è a vulintà.

È attenti à ùn andà micca ind’è sti lucacci cù l’idea in capu chì i trè punti l’avemu digià in la stacca. U nostru cumplessu di superiurità lachemulu da canta chì simu stati ancu noi u Luzenac di l’Auropa…

À tutte e vittime di Furiani… À quandu un stadiu degnu di ste vite arruvinate ?!..

u 6 di Lugliu 2010
Mazzone



1.mandatu da Antò u 06/07/2010 12:04
Preferiscu u stadiu di Miomu a quellu di Pacy-sur-Eure, è u Bastiò à Cassis-Carnoux.

2.mandatu da Oh imè !!! u 11/07/2010 16:58
Agjhù a voglia di pienghje o di rende...Oh imè !

Novu cumentu :