Accueil
Envoyer à un ami
Version imprimable
Partager

Padamalgame

Hè u ritrattu di u mese. L'Aiaccini anu dichjaratu u so amore pè a seria "Plus belle la vie". Ma ùn imbulighjemuli micca tutti.



L'Aiaccini anu dunque finitu per vutà vulenteri à Marcangeli, à una magiurità impurtante. Avemu capitu ch'elli eranu stufi di Tonton Simon, chì u putere usa. Ùn anu micca tenutu contu di e storie di cumbrincule, di false precure. Invece chì di e storie di parkings, sì.

A demucrazia hà parlatu, i citatini anu fattu a so scelta è ùn ci hè nunda à dì.

Ma ci hè un ritrattu chì hà suscitatu l'incumprensione è assai interrugazione :

Padamalgame

Parechji anu cridutu à un muntagiu Photoshop, ma nò. Stu ritrattu hè statu publicatu nant'à u contu twitter di France 3 Via Stella :


Si ritrovanu i dui striscioni in prima pagina di Corse-Matin :


Bon, digià, forse chì l'allusione à "Simu Charlie" hè appena esagerata. Ch'è no sappiamu, nimu hà mitragliatu a permanenza di Laurent Marcangeli à colpi di kalash.

Ma chì pensà di stu striscione chì face riferenza à a seria tv "Plus belle la vie" ?

Padamalgame

U ritrattu vene da u contu Twitter di F3 Via Stella

Ma ùn imbulighjemu micca tuttu. L'Aiaccini ùn sò micca tutti accaniti di "Plus belle la vie". Pensemu forte à quelli chì preferiscenu Breaking Bad, Gomorra, Magnum, A Famiglia Pastasciù è puru Derrick.

Padamalgame

u 2ndu di Farraghju 2015



1.mandatu da marcangel u 02/02/2015 19:29
chì catini st'aiaccini....dumandavate a definizione di beauf..ecculi quì è po sò ancu numerosi!!!

2.mandatu da Tavacaux u 02/02/2015 19:43
spiecate mi u scopu o u sensu di quelli chi anu u pugnu tesu sott'à un striscione "Plus belle la ville".

3.mandatu da sardu u 02/02/2015 20:08
FASCISTI!!! SO TORNATI tavacaux ahahahahah

4.mandatu da Casalonga u 03/02/2015 09:31 (da un teleffuninu)
o marcangel l'aiaccini t'ammerdini va bè ?

5.mandatu da Marcang'hells angels u 03/02/2015 09:33
chì closce

lancemu u muvimentu : Sulidarità cù a minurità corsa d'Aiacciu !

i corci, vi lagnu da veru....

6.mandatu da Santunsky u 03/02/2015 11:24
L'amicale des Corses d'Ajaccio vi ringraziu di a vostra sulidarità.

7.mandatu da Santunsky u 03/02/2015 11:24
ringrazia*

8.mandatu da oasis u 03/02/2015 12:02
sulidarità cù l'ultimi Corsi d'Aiacciu. resistenza !

9.mandatu da simu tutti una mansa di capre u 03/02/2015 13:09
ma hè mortu Marcangeli ? l'anu fucilatu cume Cabu è Charb ?

10.mandatu da Luca u 10/02/2015 09:38
Forse chi fannu u brofist (polsu fraternu) cume PewDiePie

Novu cumentu :