Accueil
Envoyer à un ami
Version imprimable
Partager

"Parlu corsu" : un'applicazione per amparà u corsu nant'à iPhone



"Parlu corsu" : un'applicazione per amparà u corsu nant'à iPhone
A Piazzetta ùn hè più a sola applicazione in lingua corsa.

DuoApps, l'intrapresa corsa chì avia fattu l'applicazione iPiazzetta (pè iPhone è dinù nant'à Android) vene di lancià Parlu Corsu.

Finanzata da a CTC, l'applicazione hè dispunibule nant'à l'AppStore.

Cuncepitu cum'è un picculu ghjocu, l'applicazione hè fatta per i principianti chì volenu amparà a nostra lingua.

Allora caricatela è fatela caricà !

u 2ndu di Lugliu 2010
u webmaestru



1.mandatu da Dumè u 02/07/2010 18:42
Digià più di 600 caricamenti in trè ghjorni !

Eppò, l'applicazione hè passata davanti à "La Marseillaise" indè u Top 100 di l'applicazione "Enseignement" annatu à l'AppStore, per noi era u più impurtante...

Cuntinuate à falla caricà !

PS : Per iPiazzetta nè simu à più di 4500 caricamenti per l'applicazione iPhone è più di 100 per a versione Android. Hè dinù à a piazza 132 di l'applicazione d'attualità in Francia !

2.mandatu da Linguaccia u 02/07/2010 20:23
Serà veradimente un bè st'affare...a lingua ùn si tramanda più pè e vie naturelle, quelle di a famiglia.... incu st'affare ancu i pinzutti puderanu amparà u corsu, tandu ùn saremu mancu più tranquilli quand'ellu si parlerà....

3.mandatu da anto u 03/07/2010 06:15
Eco una bella cosa ,tuttu cio chi po fa sparghjesi a nostra lingua hè primurosu !Felicitemmu i creatori

4.mandatu da Barbarella u 03/07/2010 11:37
Parlemu corsu in casa nostra...chi ci puterebbi trigà l'ora..!

5.mandatu da estrimei u 04/07/2010 22:19
32000 X6.55957=209906 ,23 franchi , per quelli chi aopranu "iphone" o l' "ipad" !tutti l'astri chi nu i si ponu pazggà sqi steranu senza !
mi pare chi u regallu he di quelli !!

6.mandatu da tuttu u mondu fora u 05/07/2010 00:55
@estrimei

E i millioni d'euri dati per finanzà filmi o emissione di televisiò ? Un ghjovanu chè per quelli chi ne anu una...

E i millioni d'euri messi ind'e strade ? Se vo n'avete micca una vittura, serete bellu cuntentu...

Hè longa a cumpagnia...

Oghje ci so forse piu di 20.000 iPhone in corsica, e piu di 100 millioni ind'u mondu. Mi pare quantunque interresente di prupone a ssa ghjente di scopre a nostra lingua.

7.mandatu da mamacorsica u 05/07/2010 09:21
addiu inviatu u "lien" a u me vidolu ...

8.mandatu da Circinelludiguagnentivupeliguagnesusosanguavirsatu u 05/07/2010 11:03
" u liamu " ;-)
a quistione hé di sappè s'e pà una volta ùn hè micca bè di essa in punta, o Estrimè ?!

9.mandatu da estrimei u 05/07/2010 13:12
o Circinelludiguagnentivupeliguagnesusosanguavirsatu,
dicenu ch'eli ci so 45000 corsi chi aopranu l' "iphone " , l' " ipad" , l' "iphone ". si si 32000€ permettenu a 10000 corsi di praticà a lingua , un seranu micca stati ghjittati , ma eu ne dubbiteghju!
cusi ch'o mi sbagliessi!

10.mandatu da Circinelludiguagnenativupeliguagnesusosanguavirsatu u 05/07/2010 16:56
ùn ti scurdà di l'utilizatori di l'ipod touch (u walman di u 21° seculu): tutti i giovanni n'anu unu !
Eppò hè cum'è s'è tu avii dettu in 1990: "Popopò, eti fattu un metudu nantu à u DVD ?! Ma quali hè chì t'hà un DVD ?"
Aiò o Zitè, ùn hè un bè di avè un pruduttu, corsu, fattu in Corsica, da corsi, classificatu 2u ind'a categuria "enseignement" di l'appstore...?

11.mandatu da ifonu u 05/07/2010 17:57
ghjè benissimu st'applicazione, ma forse appena troppu semplice... ùn si po micca amparà à parlà corsu cun que.

ma l'iniziativa hè benissima.forse una seguita ?

12.mandatu da estrimei u 05/07/2010 20:23
un so micca oppostu a st'aplicazione.
u mio parè , he chi i solli publichi un devenu esse dati che s'ell' he ghjustificatu.
parecchji dicenu : si ne ghjetta tanti! ma i solli so schersi , e ci so tanti affari a fà .

13.mandatu da Tarzan di a vechja cità u 06/07/2010 09:38
Hè bè ma saria statu megliu di fà un applicazioni pà pudè schisà i cruciacci à u zincu...

14.mandatu da francesca u 06/07/2010 18:02

Ci serà un sicondu modulu à l'auturnu...

digià 2000 caricamenti in menu d'una settimana, classamentu di l'applicazione : 2nda ,in Francia,di tutte l'applicazione "insignamentu" , davanti à tutte e lingue "maiò".

Un successu tamantu. Un veru "buzz" , vistu chì publicità ci n'hè statu pocu.

15.mandatu da Corsicana u 07/07/2010 17:01

Ci sò i zitelli chì sortenu di terza, supposti d'avè avutu u corsu da a scola materna è ch'ùn sanu tuttu ciò chì hè in u ghjocu iPhone

16.mandatu da Culomba u 22/02/2011 19:03

Si ne parla assai in i mezi specializati... Oghje ci hè digià 10 500 caricamenti (in solu 6 mesi ! hè un successu tamantu, perchè cù 4 000 in un annu seria statu cunsideratu da i specialisti cum'è una riescita!! )

A lingua deve esse presente in tutti i campi è particularmente in e nove tecnulugie ch'elli adopranu i giovani, da ch'elli ùn la cunsidereghjinu più cum'è un simbulu di u passatu .

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta