Accueil
Envoyer à un ami
Version imprimable
Partager

Patrick Bruel hà una casa in indivisione in Castagniccia

Eccu, l'avemu u nostru clip cun Patrick è Patrick chì cantanu in corsu. Ùn vale a pena di circà à cuntrastà : ci seranu quelli chì mughjeranu à u scempiu è quelli chì truveranu ch'ellu hè simpaticu. Circhemu piuttostu di vede ciò ch'ellu dice stu clip.



Avete avutu u trimuleghju quandu avete intesu dì chì Patrick Fiori avia da fà un discu di canzone corse ? Avete ghjestimatu quandu avete intesu chì Patrick Bruel era di a partita ?

Troppu tardi, l'affare hè fattu. Hè venutu u mumentu di scopre u clip di a ripresa di "Corsica" di Patrick Fiori feat. Patrick Bruel :


A Corsica si sparte in duie categurie...

À partesi da avà, a Corsica s'hà da sparte in duie categurie : quelli chì anu da mughjà à u scandalu naziunale (Baptiste Giabiconi ne sà qualcosa...) è quelli chì truveranu chì "nò perchè ? ùn hè micca male i corci, facenu i sforzi, piantate appena di criticà !".

Un'altra categuria di ghjente truverà chì "c'est sympô et puis ça donne une chouette image de la Corse".

Bon. Ùn entreremu micca in stu dibattitu, ognunu averà a so opinione. Ma pudemu scumette chì nant'à e rete suciale, u tazzeghju hà da principià.

Allora circhemu piuttostu d'analizà u clip.

Prima fiura : principia male. Patrick Fiori hè in campusantu.

Hè normale, l'ultimi Corsi sò tutti morti in Ponte Novu. O in Ponte Leccia, ùn si sà più.
Patrick Bruel hà una casa in indivisione in Castagniccia

Ghjunghje l'altru Patrick

Pocu dopu ghjunghje l'altru Patrick. Hè vestutu cum'è un veru corsu : cù una beretta è un curpettu grisgiu. Iè iè, sò tutti vestuti cusì i veri Corsi.
Patrick Bruel hà una casa in indivisione in Castagniccia

E fiure sò belle ma induve sò i pumataghji ?

Simu cuntenti, e fiure sò belle. Ma manca qualcosa. Induve sò i turisti cù e so serviette "Corsica" ?
Patrick Bruel hà una casa in indivisione in Castagniccia

Ritornu in paese : una prucessiò ? un matrimoniu ? una manifestazione ?

Patrick Fiori hè in testa di a prucessiò. Ma tuttu vestutu di neru, chì face ? Forse u bodyguard di a sposa.
Patrick Bruel hà una casa in indivisione in Castagniccia

A gioia

Và bè, a ghjente sò cuntenti. Si ride, si sciaccamaneghja. Ùn simu dunque micca à una manifestazione d'azezi naziunalisti o di a CGT.
Patrick Bruel hà una casa in indivisione in Castagniccia

A chjave di a casa in indivisione

Elementu novu : Patrick sorte una chjave da un inviluppu. Felicitazione ! Simu felici d'amparà ch'ellu hè pruprietariu d'una casa in Castagniccia.

Ma s'ella hè una vera casa di Castagniccia, hè chì i spartimenti ùn sò ancu fatti.
Patrick Bruel hà una casa in indivisione in Castagniccia

A disillusione

A scena dopu, Patrick pare stumacatu. Face u puntu solu nant'à a so terrazza. Ùn hà micca vista nant'à u San Petrone è mancu wifi. Si stà megliu in Portovèque.
Patrick Bruel hà una casa in indivisione in Castagniccia

U fucile

Nisun dubbitu sta volta. Patrick hè un veru corsu viulente : entratu in casa, a prima cosa ch'ellu face hè di tuccà u fucile.

Bravu ! Eccu un omu chì ùn si vergogna micca di dì ch'ellu li piace a viulenza.

Ma serà statu dichjaratu in prefettura ? È Valls chì ne pensa ?
Patrick Bruel hà una casa in indivisione in Castagniccia

A zitella

Miraculu ! Bruel trova a manera di buscassi una zitella in paese. Chì tippu.

Ma attenti. Avà anu da affaccassi l'azezi di u paese è ci hà da nasce una cazzuttata.
Patrick Bruel hà una casa in indivisione in Castagniccia

L'azezi

Ecculi. Parenu decisi à mette una concia à un Patrick, pocu impreme qualessu.
Patrick Bruel hà una casa in indivisione in Castagniccia

U duel

I spartimenti ùn sò ancu fatti, una zitella, i barbuti azezi à mezu, un vechju fucile in casa... Ci sò tutti l'elementi per una bella baruffa. Di Patrick o di Patrick, quale hà da vince ?
Patrick Bruel hà una casa in indivisione in Castagniccia

Happy end

Ma facenu a pace. Hè custì ch'ellu hè n'importa chè. Una vera storia di famiglia nustrale finisce à u megliu in tribunale.
Patrick Bruel hà una casa in indivisione in Castagniccia


Patrick u più forte

Bruel dà a chjave di a so casa à a giuvanotta. Perchè ? Averà rinunziatu à a so parte ? N'hà vistu abbastanza cusì, piglia u so 4x4 è si ne rifala in piaghja ?
Patrick Bruel hà una casa in indivisione in Castagniccia

Ultima fiura : a Castagniccia hè verde...

A pace hè vultata, Patrick & Patrick si beienu un colpu inseme, hè festa in paese. È a Castagniccia hè verde : u cynips hà persu, i castagni sò salvi.

Ùn hè bella a vita ?
Patrick Bruel hà una casa in indivisione in Castagniccia

NOTA : SCUSATECI.

Iè, a sapemu chì in Corsica ùn ci vole micca à parlà male di Patrick Bruel. I so fans sò numerosi è speremu ch'elli ci parduneranu.

Ma bon, postu ch'ellu ùn ci vole più à parlà di pulitica, noi rendemu omagiu à Patrick Fiori è Patrick Bruel chì omancu ci danu l'occasione di fà un articulu.

Eppo aspettemu a seguita cun impazienza. In u so prussimu clip, ampareremu cumu Patrick Fiori (chì s'hè compru un 4x4 cù a so prima à a vacca) hà da fà a pace cù u so vicinu chì tene i porci chì sò passati è chì anu arruvinatu u so ortu.

To be continued...

u 28 di Lugliu 2015



1.mandatu da patriccu u 28/07/2015 16:52
puttanaccia, ci parimu in Corsica !!!!

2.mandatu da Oscrianzat'''' u 28/07/2015 19:24
per piacè, fate un sforzu e scrivite puru "postu chi" invece di "essendu datu"

3.mandatu da Ivan u 28/07/2015 23:54 (da un teleffuninu)
Tamenta merda...

4.mandatu da gengis-cane u 29/07/2015 00:26
Ha ha patriccu ! 1

Hè quessa, ci parimu in Corsica. Peccatu ch'ellu un sia micca cusi a vera vita

A ghjente in paese, i matrimonii, e case di tetti rossi goffi....

5.mandatu da J G u 11/08/2015 10:19
Ci campemu a leghje l'articulu , a sente ssu clip e si campa ancu l'autore di ssa bellissima canzona chi si toccherà qualcosa da a SASSEM e si spera ancu i dui Patrick chi hanu proprio fattu un sforzu tamantu di cantà un veru corsu

6.mandatu da talavesu u 29/08/2015 19:28
giabiconi ha tombu a canzone di Canta e di Papi e avà,bruel e fiorinian amazzanu un'altra canzona.

7.mandatu da lola u 31/08/2015 10:45
U gorcciu Patrick Benguigui a Castagnicccia hé peda di Jérusalem

8.mandatu da ubabbu u 20/09/2015 08:37
Bellu articulu. Pensu chì ripiglià canzone corse hè diventatu moda parigina. Avete smiticati di parlà Di a cuzzione murale stu pianu cù Guelfucci hè una meraviglia.

9.mandatu da guillaume u 25/10/2015 10:43 (da un teleffuninu)
Auuf! Petru... ún hè ellu u synips ?
E po l''avete digia vista una traversa senza qualchi animale? Canta à me anu cacciatu pediolu o bruscu per pudè filmà, issi coni...

Novu cumentu :