Accueil
Envoyer à un ami
Version imprimable
Partager

Paul Giacobbi elettu... catinu di l'annu !

I lettori di A Piazzetta anu vutatu per u catinu di u 2009. Trè catini sortenu di u lottu. In testa Paul Giacobbi (20,6 %), dopu vene l'attore còmicu Christophe Barbier (14,8) è infine l'anzianu ghjucadore di futbol Salim Arrache (11,6). L'altri catini ùn passanu a barra.



Paul Giacobbi elettu... catinu di l'annu !
Ramintatevi, i premiati annu passatu sò stati Christian Clavier (20%) davanti à Barbier (9,5% digià !), u PADDUC è i famosi "Obamistes ajacciens" (9%).

Quist'annu, hè Paul Giacobbi, dettu "Paul Emploi", à fà tòmbula : in testa cun 20,6% di i voti. Sunnieghja di ghjunghje in testa à e prùssime elezzioni, per avà si cuntenterà di u scrutinu di u catinu di l'annu. Serà u fattu di u feuilleton di l'estate è u rimore di a so allianza à Sarko ? I lettori di A Piazzetta l'anu plebicitatu.

Sempre segondu per u segondu annu à fila, u còmicu Christophe Barbier (14,8% di i voti) ch'ùn si presenta più. Per ciò chì tocca à ellu, semu per una volta d'accordu cun Sarkozy quand'ellu dice chì "les médias, il faudrait les passer à la kalachnikov ".

Terzu, l'anzianu ghjucadore di u Sporting Salim Arrache. Un bunissimu attore anch'ellu. Si n'hè andatu per ùn fassi minà dopu à una storia di donne, ellu hà dettu ch'ellu era razzisimu. Oghje ghjoca in Grecia, à u PAS Giannina chì si batte per ùn falà in segonda divisione greca. Bof. Cunclusione di Fred Antonetti : Je pense qu'il y en a qui justifient leur médiocre performance sur le dos du racisme et ça, ça commence à me gonfler sévère". Eccu.

In daretu truvemu a povera Grippa A (6,5%), Susan Boyle (5,6%), Thierry Henry cù a so manu (5,4%) è Séguéla (5,2%) è Sarko (5%).

Jean Sarkozy, David Guetta è Eric Besson (tutti 3,7%) averianu meritatu un premiu.

Roman Polanski, u sempre pupulare Jean-Pierre Treiber, Rachida Dati, Michael Jackson, Frédéric Mitterrand è Johnny Hallyday facenu menu di 2%.

Eccu per u catinu di u 2009... Per quellu di u 2010, si principia forte.

Màrcuri 24 Farraghju 2010
u webmaestru


Da u più recente à u più anzianu | Da u più anzianu à u più recente

61.mandatu da What a fair foot u 2010-06-28 13:15


è avali hè prisidenti di a Cullitività tarrituriali di i Catini....

60.mandatu da OBAMO u 2010-03-28 00:22

Era primonitoriu u vosciu artìculu! :)

59.mandatu da Dumè u 2010-03-09 09:42
Ò @disingannu, què ghjé ne "manca", ne "dritta", ghjé solu pulitichella (si puderebbe di : "puliticaccia") di "partitu" (a u sensu sputicamente corsu di sta parolla : ìn francese dicenu "clan", mà ùn'hé mica una traduzzione veramente esatta di a parolla corsa "partitu")... .

58.mandatu da disingannu u 2010-03-05 21:08
Giacobbi, cù l'affissi di u Partitu sucialistu (o gué vive " la rose") chì prumette piazze à più pudè, cù l'aiutu di tutti i merri chì devenu assicuralli un "score". Eccula a pulitica di manca ...

57.mandatu da Dumè u 2010-03-05 12:04
Avete rimarcatu ? : quandu voi parlate ad'ellu, ùn vi feghja mai indè l'occhji, salut'apena a ghjente quandu ellu camina in li carrughji. Pare ch'ellu disprezza un mondu sanu. U cuntrariu di u Babbu : si pò pinsà ciò ch'ellu si vole di a pulitica di François Giacobbi, mà, alemenu, ellu sappia parlà a a ghjente semplice, ellu sappia fà u sciaccamanu, ellu avia u sensu di u cunttatu umanu direttu all'usu corsu, e, anzi tuttu, elle sappia parlà benissimu a lingua nustrale... .

56.mandatu da Dumè u 2010-03-05 09:47
All'iniziu di a sò carriera pulitica, aghju credutu per un mumentinu chi ghjera un tipu bè e chi puderia rinnuvà u sistema puliticu corsu : chi dispettu !!!.... .

55.mandatu da Dumè u 2010-03-04 16:13
Precizione : quand'aghju dettu : "senza un "colpu di manu" di Babbu", vulia di, di u sò Babbu, mica di u meu...

54.mandatu da Dumè u 2010-03-04 15:49
Eu l'aghju cunnisciutu zitellu e ghjuvanottu stu pretinziunusu di Paul : ùn seria nunda in Corsica e anch'in altrò s'ell'ùn'era mica u figliolu di u sò Babbu.

Ùn seria mai entratu all'ENA senza u "colpu di manu" di Babbu (sò esattamente ciò ch'eu dicu).

Mancu capace di truvassi una donna da per ellu : ci hé vulsutu a sò surella maiò pè truvàlli a sò moglie.

Allora ch'ellu pianta infine di muntàssi a sega e di fighjulà l'altri cumme s'elli fussinu pezzi di merda !!!

53.mandatu da jack obi u 2010-03-03 00:16
più chè un catinu, hè una rubaccia stu giacobbi... da vede u dibattitu di LCI :


http://www.wat.tv/video/debat-sur-regionales-en-corse-2a5i9_1ezx5_.html

52.mandatu da zavarov u 2010-03-02 23:14
egalizazione di bartabà ! 1 à 1...

ognunu e so cazzerole, ma e più grosse so per l'UMP è di GIACOBBFATHER....

o zitè, trà di naziunalisti, ùn ci sbagliemu micca di nemichi

51.mandatu da bartabà u 2010-03-02 23:02
O petit bar, ti scordi di l'imperatore Carlu u primu, capu cuncultaghju spatriatu chì si lancia in u BTP cù i so tenenti firmati quì. Corsica libera, iè, ma per quale ?

50.mandatu da vargaglionu u 2010-03-02 15:34
U catinu di l'annu, innò ùn socu micca d'accunsenttu piottostu u rè di i catini, cù à so tencia di ruspu macinatu da un trenta trè tonni annant'à a naziunali, chi hè mezzufemina è chi hà circatu di tumbassi pà duii volti ( un piccatu ch'iddu si sia mancatu... mancu à quissu ùn l'hà si facci!!! )
Chi vituperghju!!!
Ch'iddu si ni falessi com'è un peru mezzu...

49.mandatu da So eiu u 2010-03-01 07:57
O L.E.F cio chi vogliu di ghjé che a lingua corsa si sente di menu. E quand'omu vede certi nazionalisti chi parlanu francese cu i so figlioli, c'hé da dumandassi cio ch'ha da scambia a pulitica per a nostra lingua

48.mandatu da Petitbar.... u 2010-02-28 16:22
Corsica : Cosa nostra !!!... incu u restu di à Brise, certi di Jean-Gé, i "Pastori" di giacobbi è a squadra d'Alain...FEMU a Corsica !!!

47.mandatu da Danton u 2010-02-28 13:21
A quandu a "guillutina"pè i nostri traditori d'oghjè è di dumane....!! Eccu pè u Prufeta in o su paese !!, avà si po di a "Franciaccia" chi "Marianne et le Prophète..." faranu un bellu coppiu à l'avvene....

46.mandatu da UPatrignu u 2010-02-28 10:52
O cumpalliols !!, cio chi ci vole à ritene d'issu filmu al dilà di u Razzisimu francese contra i corsi, ghjé una vuluntà di vedeci sottumessi à quelli chi so digià i "patroni "di a francia, sè omu vede u filmu ci hè à a fine una "murale più che vera " : "un sangue ùn hè acqua." !!.. ùn ci nè scurdemu ......mancu noi !!! è cume elli fermemu cio che no simu, luttendu pè e nostre fedeltà, e vere, micca quelle di u pseudo-idealisimu franco-ripubblicanu...

45.mandatu da Cumpalliols u 2010-02-28 09:50
È induve u mettite u filmu "Un Prophète" da u quale ùn avemu ch'è troppu parlatu, chì hà pigliatu ùn sò quanti cesari ; bella prova di u razzissimu di una certa categuria di Francesi contr'à i Corsi !
Eiu, ufficialmente, à u nome di i putere chì sò i mei, dò à stu filmu un catinu d'onore !


PS : senza nisun ligame, ne pruffitu dinù per invitàvvi à vene vede u mio situ, u mio foru, è à scrivevvi nantu.
http://appuntamentu-corsu.forums-actifs.net/

44.mandatu da anto u 2010-02-27 16:08
Un ci vole mica a di male di uomu chi passa (l'ha detta ellu stessu ) quatr'ore pè ghjornu a cultivassi !!Eo mi dumandu quand'èllu travaglia !Prestu saremu a "se cultiver +pour gagner +"....quand'èllu andera a u guvernu !
http://anto.over-blog.org

43.mandatu da Per ride u 2010-02-27 15:01
I corsi volenu esse tombi da corsi, ch'ella sia detta!

Vannina d'Ornano ùn hà vulsutu cà e mane di u maritu pà more.

Per la miseria, rispittemu e tradizione!!!!

42.mandatu da UPatrignu u 2010-02-27 13:13
Maffia corsa Vincerà..!!!!!!!!!!!!!!!!!!!!!!!!

41.mandatu da Danton u 2010-02-27 12:06
Vulia scherzà o Estrimei. ùn ne vogliu manc'eo .!! Mà vulia di chi incu elli si puterà forse... raggiunà sè no simu "Forti" cume indè u 80.... è u princupiu di u 90...incu furesteri sarrebbe più difficiule...perchè vuleranu difende i so intaressi è a so cummunità cume avale, ch'ellu sia In Marseglia o in Pariggi.... è vulia dinò chi i pulitichi "Kollabo" à elli ùn li faceni rimproveri.....!!!

40.mandatu da estrimei u 2010-02-27 11:54
o Danton ,
di quessi un ne vogliu, di chi razza ch'elli sienu .
e un vi scurdate, quessi per fà i s'affari , s'inframettenu in tutte e pulitiche

39.mandatu da Danton u 2010-02-27 11:28
O ghjente !! CHI VULETE ?? una maffia lucale è "cursista" o maffia straniera..russia , araba o chi ne so ancu !! di tutte e manera quessi esisteranu sempre, allora forse megliu avè ghjente nostra..!!

38.mandatu da Briseur... u 2010-02-27 11:22
Aiooooò !!!! basta !!! incu i vostri "sgaiuffi" in Corsica ùn ci n'hè di quessi, so soli putaghji, ce n'est qu'un "MYTHE" avia dettu un famosu pilotu di Rallye....è vaccahjolu..!!

37.mandatu da Fedeltà... u 2010-02-27 09:44
Giacobbi ùn omu fidu à e so cunvizzione : quella di u so putere, quella di a so Francia...è pè quessa, hé prontu à tutte e crumprumissione, mà quandu elle si permette di dà lezzione à l'altri.....tandu, mi dà a voglia di rende....!!!!

36.mandatu da balbuzar u 2010-02-26 22:09
O L.E.F s'eo mi ricordu bè in 2004 "Paul emploi" avia cum'è principale culistieru un certu Guazzelli nò ? I fratelli di 'ssu Guazzelli eranu di listessa sterpa chè quelli di Baltazar, dunque Paul Emploi resta fidu à a so ligna, vale à dì aleassi cun a putenza di u mumentu

35.mandatu da Farid "Le rotisseur".. u 2010-02-26 20:55
Eiu ùn ci era pè nunda, ghjé razzismu puru, m'anu tombu cusi à laziu..!!!!!!

34.mandatu da L.E.F u 2010-02-26 20:51
Impurtante no o "Balbuzar" (In corsu sarebbe megliu..), mà chi un omu cume "Paul emploi" u si pigliessi incu ellu è po elighjevule mi pare à mè dinò assai stranu cume dimarchja, forse sarà pè falli pighjà una strada più diritta..... ùn smentichemu e dichjarazioni di "U signore di Venacu" pè a "cummissione d'inquiesta parlamentaria" nant'à " delinquance organisée en Corse" ùn vi n'arricurdate........!!!!!!!!!!

33.mandatu da balbuzar u 2010-02-26 17:53
quessa sì chì a candidatura face parlà ! Serà un persunagiu cusì impurtante baltazar

32.mandatu da estrimei u 2010-02-26 17:48
a per ride,
ti ringraziu ma un vogliu micca impuntella, he ghjustu per signalà chi a parulla he ammuzzata

31.mandatu da per ride u 2010-02-26 17:16
O Estrimè

s'e mi possu parmette, quand'è tù voli mette l'aletta nantu à una lettara, es. O Pasturè, devi incalcà à tempu nantu à "Alt Gr" è "7è`", è dopu incalta nantu à a lettara ch'è tù voli cù l'aletta sopra.

30.mandatu da estrimei u 2010-02-26 16:29
o Pasture' ,
m'hai apertu l'occhji , sentia ammentà stu Baltazar e un capia.
puru,puru, aghj'apertu l'occhji !

29.mandatu da L.E.F u 2010-02-26 15:29
Ai a ragiò "SO Eiu" parlemu corsu ùn costa nunda è ùn n'hè ancu difesu !! è femucci un 'Amicale des corse de Corse".....cusi ci ritruveremmu trà di noi ...

28.mandatu da So eiu u 2010-02-26 09:25
O ghjente mi possu sbaglia ma mi pare che questu annu un ci sera micca tante surprese.
A revoluzione culturale,duvemu falla da per noi parlendu corsu a piu pude ancu di piu incu sti pinzutti. Si sciglimu sta strada un averemu micca bisognu di a pulitica.

27.mandatu da Pasturellu.. u 2010-02-26 09:20
Parlate d'issa famiglia, chi ghjé una famiglia di pastori....., cume i" Re maghi" anu seguitatu à so "stella" mà avale preferiscenu e stelle nant'à i so "Alberghi di lussu" in Corsica è altrò.... E vera ch'anu fattu a pulizia in marseglia contra u mezu "kabilu" mà u feranu ancu qui, e forse anu digià principiatu..............ùn vi ne scurdate, perchè si sente digià di ch'elli so "bravi tipi".......cume tutti quelli chi so morti dapoi 2/3 anni.....

26.mandatu da "Les marronniers"... u 2010-02-26 08:29
U sgio Baltazar, pè piàce !!! Eccu un tecnicu, un omu di "dossiers", un "umanistu"...face passà l'altri nanzu a so famiglia (Micca un clanistu ellu..),ghjé contra a violenza è contra l'arme....sopratuttu quelle di l'altri.......diceremu "Un omu di manca" . Ghjé cunisciutu in Casinca pè avè bon'appititu.....hè grassu quante Giacobbi mà ellu hé "Gambicortu".........Sarà forse à a CTC,incu u Angelini è Baltazar sarà u "CASINCA POWER"....aio o ghjente !!! dumandemu l'Indipendenza..ghjé ora !!!

25.mandatu da Eurobazar u 2010-02-26 00:23
Iè, ma baltazar nanta a lista di giacobbi, ne parlemu o micca ?

24.mandatu da estrimei u 2010-02-25 19:53
o Culune',
custi po , so d'accunsentu 'ncu tè!

23.mandatu da per ride u 2010-02-25 18:57
O Casimì,

era solu irunia, sai cum'è "l'astutu di Quenza", ma ci era forse dinò appena di seriu.

Pensu chì francesi cum'è tù a dici volenu "gode a so pace", è si capisce, ma ùn ci vole micca à piglialli pà scemi o niscentri.
Anu capitu cum'ellu viaghja l'affare in Corsica: ci vole à fà i rincchini à i clanisti (cù u votu in prima) è dopu omu pò avè ciò ch'ellu dumanda (parmessu, strada, piazza...).

Sta realità quì l'anu capita più cà bè.

A sanu longa ancu elli.

...è e cose longhe diventanu sarpe.

Bon'appititu




22.mandatu da per ride u 2010-02-25 18:48
"allora per piacè, criticate ma ùn vi scurdate di certi affari !!! " BN

È torna Vignale...

À e critiche ùn si risponde micca cù argumenti assinati (spiigà parchè ch'ellu si face cusì o cusì, l'utulità di stu dettu o di stu fattu...), nò si risponde dicendu :

"voi avete fattu listessu o peghju"

Ciò chì ghjè una manera di palisà ch'elli sò malfatti (eiu ùn dicu nulla...)

Dopu tuttu ciò chì ghjè (o saria) unestu (parolla strana è for di staghjò...) hè di dì cù quale si farà u pattu è di chì manera NANZU à l'alizzione.

21.mandatu da casimiru... u 2010-02-25 18:46
o ride, quessi ùn anu pigliatu un viziu, vutanu incu à so cunscenza di "colons" parli d'intragrazione, quessa ùn esiste chi inde i cerbelli francese p di l'eletti, ci po esse solu l"assimilazione cumpleta, cume i taliani di u principiu di u seculu, e per quesse ùn anu bisognu di nimu ci face dà per sè...incu à vulintà tutale di pigliassi una altra cultura ed altra manerà di campà è di pensa, tu credi ch'ellu volenu esse corsi, volenun ghjustu campà ed esse sereni in Corsica, è andà à stà à sente i Muvrini.....

20.mandatu da Culunellu.. u 2010-02-25 18:41
Eccu Babbu Natale, ghjé cio chi dicia eo dinò...ci vole à tene à mente...!! O estrimei eo dinò aghju fattu a mo celta, mà vulia ghjustu di chi a" roba di scartu" c'hè ancu indè i patriotti...è ci volerebbe sta volta ghjunghje à tenela à u largu... sinò, avemu dà riprincipià i "malanni" di u 90....

19.mandatu da babbu natale u 2010-02-25 17:59
ECCU !

ghjè faciule di criticà "i mous", ma ùn vi scurdate chi à un epica Corsica Nazione ci spiegava ch'ellu ci vulia à andà à piglià a CTC cù i "corsistes" (en français dans le texte)...

GIACOBBI in cuprendula di U RIBOMBU, un grande mumentu !

allora per piacè, criticate ma ùn vi scurdate di certi affari !!!

18.mandatu da per ride u 2010-02-25 17:47
Postu ch'è no semu in la merda, i più astuti anu un catinu...

I più astuti sò sempre stati i clanisti.

17.mandatu da per ride u 2010-02-25 17:38
O Casimì

Hè certa è sicura ci sò tutti quessi è po ci semu noi...

Tutti quessi o l'altri (cum'è tù i chjami tù) anu pigliatu u versu di i corsi...

È dopu ci lagnemu ch'elli ùn si volenu micca integrà à l'usi corsi.

Eccu, l'affare hè fattu. Quessi l'usi (o i vizii) sò prestu pigliati.

Ci hè da ride!

16.mandatu da anto u 2010-02-25 17:32
Salute a tutti .Allora so cuntentu chi u mio paisanu Paulu sia sagratu rè di 'catini pè l'annu scorsu .Ma so un ni mi sbagliu fara l'unione cu Camellu a u terzu giru !Ghjè cio ch'elli chjamanu l'apertura e ognunu sa chi i catini un so mica tutti chjusi cum'ellu ci vurebbe !!!
http://anto.over-blog.org

15.mandatu da estrimei u 2010-02-25 16:32
o Culune',
eu aghju fattu a mio scelta e pensu ch'ell'he un bè chi ognunu facci a soia . so chi mi dispiece he ch'omu voglia fà svia a ghjente 'ncu parafanfulle .
dici ch'elli ci so i manghjoni in ogni locu , un ne so micca sicuru (avà, he u mio parè e un sò micca u salviu d'Ascu) ; ma i famittoni chi un so mai tecchji i cuniscimu tutti (ch'elli sienu di razza , o ch'elli sienu in principiu di carriera)

14.mandatu da casimiru... u 2010-02-25 14:39
o "per ride" i corsi ié mà micca solu......Ci hé dinò tutti l'altri chi principianu à contà avà nant'à e liste ...

13.mandatu da Culunellu.. u 2010-02-25 14:26
o ESTRIMEI, si in campagna tù ? Qui parlemu, scambiemu i nostri parè...l'elezzioni so un altr'affare...è po i manghjoni sai, ci so in tutti i partiti....disgraziatamente...!!,

12.mandatu da estrimei u 2010-02-25 12:42
in tempi di guerra bucie quante in terra!
un so s'ellu he ch'o siamu in tempi d'ellezzione , o ch'ellu sie apertu a l' "iphone" ,mi pare chi stu foru diventi piu viziosu .
un andemu a circà a luna 'nu u pozzu , ci so chi volenu difende i disgraziati (quale ch'elli sienu ), ci sò chi volenu difende u Populu corsu -tuttu- nantu a so terra , ci so chi sò pè a manghjeria (e elli so numerosi) . l'affari so chjari, un aghju bisognu d'ammentà i nomi, basta a riflette.

1 2
Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter