Accueil
Envoyer à un ami
Version imprimable
Partager

Per a difesa di u Dahu...

Soca, site cum'è mè, gnurantone, pocu è micca spezialista in fatti di biulugia è di zuulugia. L'animali ch'elli fussinu mansi o salvatichi v'interessanu pocu è micca? Peghju! Vi stumacanu incù i so peli longhi è u so muscu puzzicosu made in e sapare di u Monte Cintu by Uchì Puzza ? Allora, site cum'è mè! Ùn n'avemu pò abbastanza à dà capu à tutti l'omi è à tutte e donne chì ci ingiranu è chì, di e volte, ci incantanu o chì troppu spessu, ci rompenu e stacche... Ùn face nunda. A quistione di u Dahu in Austria pone quella di e rilazione trà l'Omu è l'Animali...



U dahu hè un animale chì hà duie zampe più corte chè e duie altre. A so murfulugia u rende trochjulu. A sfarenza di a lunghezza hè laterale. E zampe di manca sò più corte chè quelle di diritta... Vole si dì chì st'animale ùn la face micca à corre. Postu ch'ellu stà in e muntagne di l'Austria, li tocca à girà in tondu à e cime muntagnole di stu paese. Chì laziu !

Oramai, l'Unione Eurupea hà pruibitu a caccia à i Dahi postu ch'ellu era troppu faciule per i cacciadori di tumbà li... Sentite què... Per caccighjà lu, un tirulianu bravissimu, Hartmutt ci spiega chì certi andavanu di notte tempu à spone appena di sale nant'à a so coda. Postu ch'ellu hà pocu di sale in zucca, ingordu ch'ellu hè, u dahu si gira è casca in a trappula... Cum'elli sò astuti i cacciadori austriani ! Un antru metudu, menu periculosu cunsiste à chjamà à u Dahu da luntanu. "O baullò, cumu stai? " Tandu, stu baullu si gira ma postu ch'ellu hà duie zampe ammuzzate è più corte ch'è e duie altre, quandu si gira, ùn pò chè cascà... S'è ne vulete cunosce di più, basta à guardà u filmu...

Allora, à tutti i cacciadori è à tutti i lettori di A Piazzetta chì n'anu una techja di "riflette" sottu à l'invitu di a "Bistuca", li prupongu di "riflette" à una manera di caccighjà, micca u Dahu ma un animale metrosessuale di e nostre muntagne : A Bistuca...

u 5 d'Aprile 2008
Sbanditu



1.mandatu da yvanuterribule u 07/04/2008 20:32
è qual'hè chi u li mette u sale nant'à a coda à a bistuca ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta