Accueil
Envoyer à un ami
Version imprimable
Partager

Per esse felice, ci vole à esse azezu

Bona nutizia per l'azezi di Corsica : una inchiesta dimostra chì furzassi à surride tutti i ghjorni hè periculosu per a salute.



Per esse felice, ci vole à esse azezu
Per a vostra salute, fate u musu ! Hè ciò ch'ellu dice The New York Times ripigliendu un studiu scentificu di l'Academy of Management Journal.

Hè dimustratu chì furzassi à surride, furzassi d'esse bravu hè gattivu è ancu periculosu. Si facenu sforzi tremendi (cum'è un attore di sinemà) chì facenu perde a cuncentrazione, è dunque a pruduttività.

Peghju : un'altra inchiesta, alemana sta volta, avia dimustratu chì i mistieri induve ci vole à surride assai (cummercianti, otesse di l'aria...) sò sottumessi assai à prublemi di core, di stress, di depressione.

A so cunclusione (tenitevi bè !) hè chì u surrisu furzatu dumanda troppu sforzi muscularii è accresce u rìtimu di u core.

Bon, ind'è noi micca troppu rìsichi ch'elli ci sianu depressione è accidenti cardiachi per via d'eccessu di simpatia, ma ùn sà mai.

L'articulu sanu nant'à Slate.

u 25 di Farraghju 2011
U Sgaiuffu



1.mandatu da Risu u 25/02/2011 20:25
Aahh! Alora Sarkozy ùn avaria da tardà à mori! :) è questu ùn hè micca fursatu

Novu cumentu :