Accueil
Envoyer à un ami
Version imprimable
Partager

Perchè certi parenti di a scola di Prunelli di Fiumorbu sò in zerga 

À a festa di fine d'annata di a scola l'elevi duvianu cantà « Imagine » di John Lennon in inglese, in corsu, in francese, in spagnolu è in arabu. Certi parenti ùn anu micca vulsutu. Pruvemu di sapè perchè.



- Ùn li piace micca a musica pop in generale è a roba di Beatles in particulare
- Cunfundenu Lennon è Lenine è anu avutu a pauru d'un' invasione russia
- Cunfudenu Lennon è Lesnuls : o pitò, e scole sò lochi di Cultura, per la Madonna ! 
- Li piacenu i Beatles ma preferiscenu Paul Mac Cartney : ellu omancu ùn hà miccà spusatu una giappunesa goffa. Attenti quantunque s'è vo site cacciadori : Paulo hè vegetarianu.
- Ùn li piacenu micca e canzone chì parlanu di campà in pace, d'amicizia frà l'omi per l'eternità, di fratellanza è tutta issa merda « hippie »
- Sò tutti credanciuli sinceri è e parolle « imagina ch'ella ùn sia micca paradisu, nè infernu... micca religione » anu annerbatu à tuttu u mondu
- Tuttu u mondu a dice, a strufata in spagnolu puzzava u sciorizò, i musculi è u zafferanu
- Ùn si sò micca avvisti ch'ella era scritta « Libertà, Ugualità, Fraternità » sopra à l'entrata, pensavanu d'esse à a prigiò di Guantanamo : l'intoppu hè statu troppu forte
- Sò tutti grandi cantadori, techji di Star'Academy, anu l'arechja assuluta è timianu e note false.
- À cantà in coru, cusì à l'istretta, tutti inseme c'era u risicu chì l'elevi chjappessinu qualchì malatia (ancu di più chì i sculari ùn sò micca tutti Fiurmurbacci)
- Campanu in un « lotissement » è in quellu locu certe parolle nucente (« unitu » « spartera » « sunniadore » o «  micca pruprietà... ») sò parullacce tamante
Ultima ipotesi : tenenu l'Arabi in odiu (puru s'è elli sò chjuculetti è ch'elli a si provanu à cantà) . Vai, vai, chì u veru Fiumurbacciu un hè cusì.

u 16 di Ghjugnu 2015
Zenbucucciu



1.mandatu da sardu u 17/06/2015 11:12 (da un teleffuninu)
ARABUUU......AHAHAH....CHI LONZI STI PROF

2.mandatu da è noi u 17/06/2015 22:39
no comment....

3.mandatu da buzz a saetta u 18/06/2015 15:25
Forse à sti parenti di i prunelli li ci vulerebbe à and à nant'à Sta leia http://www.espacefrancais.com/les-mots-francais-dorigine-arabe/ chì anu da avè una mansa di parole à pruibisce à i si figlioli.

4.mandatu da basgialiscu u 19/06/2015 21:23 (da un teleffuninu)
Ùn ci vole micca cunfonde tuttu hè vera ..sopratuttu cù a parolla ''''arabi''''l''arabi cum''è vo dite chì campanu quì sò certe volte berbères ...è tandu ùn sò manc''appena arabi...parlanu A So Lingua chì ùn hè micca l''arabu insignatu à a scola ....allora .

5.mandatu da basgialiscu u 20/06/2015 15:50 (da un teleffuninu)
Marocani Tunisiani Berberi Sahariani è ancu puru Catarì di u PSG.....ùn cunnoscu micca e statistiche da l'insee ne quelle di a prefettura... Ma di sicuru tutti i zitelli chì campanu sò francesi è quessa nimu ùn la dice ?!

6.mandatu da O CORSU RIFLETTI u 22/06/2015 11:31
A canzona Imagine da John Lennon chì dice ? :
«Imagineghja : micca Paradisu, micca infernu, micca religione, micca ragiò di tumbà (quì d’accunsentu) o more, micca pusessione, micca cupidità (quì dinù a ragiò),
a fraternità, a ghjente spartesi u mondu sanu,
podi dì chì sò un sunnione ma ùn sò u solu
speru chì un ghjornu ci raghjunghjerai
è u mondu sarà unitu. »
U scopu di ‘ssa canzona ghjè a pace è a fraternità. Ghjè bè ma ci si pò ghjunghje senza religione ? È à nome di chì ragiò ? A ragione di l’omu solu ? Dopu a quistione : perchè a vita, perchè a morte ? Quale hè chì hà creatu u mondu ?
Avà, per a scola di Prunelli, u fattu di cantà qualchì parolla in arabu si pò accettà ma sè l’arabu diventa amparera, è l’altre lingue strangere dinù in u primariu piglià impurtenza, u corsu ne paterà chì hà digià e difficultà à inframettesi cù u francese chì ghjè una lingua difficiule pè a scrittura è sè i zitelli sò debbuli ne ponu lampanu a colpa nant’à u corsu.
Poi ci hè u prublema di a pupulazione d’origine strangera chì s’ell’hè troppu numerosa, mette in periculu a nostra civilizazione.

7.mandatu da O CORSU RIFLETTI u 22/06/2015 11:33
leghje : ne ponu lampà a colpa

8.mandatu da J G u 29/06/2015 03:37
Un bellu articulu di a piazzetta , un c'hé nunda à aghjustà

9.mandatu da J G u 29/06/2015 05:20
Scusate : Nunda a aghjunghje micca a < aghjustà> chi vole di ajuster et non ajouter

10.mandatu da Ghjuvanni u 14/08/2015 10:42
Ci sò ch'ùn si sò mancu avvisti chè no semu invasi da i musulmani in Corsica, in Francia è in l'Auropa sana. Ssi genitori hanu a ragiò di ricusà chì i so zitelli cantini in àrabu. Quandu si vede ciò chì ssa ghjente hè capace di fà pate à d'altri omi dapartuttu in ssu mondu ùn si pò esse chè inchietu di a so espansione.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta