Perchè ci vole à infuttesine

Un sketch nant'à Canal+ crea guasi di più indignazione chè l'affare di u cane Whisky.

U so nome hè Pierre-Emmanuel Barré. In l'emissione La Nouvelle Edition di Canal+ tene una cronaca induve interpreteghja un "sale con" (hè u nome di u so spettaculu).

Cunsiste à tene i prupositi d'un connu. Cìnicu, antipaticu, bestia, razzistu, omoffobu, misòginu... un connu dunque. È a face cun tutti. È francamente certe volte face ride.

È quand'ellu li tocca à parlà di i Corsi, hè una successione di clichés. Di conni dunque postu chì u so rollu hè d'esse un beauf. Bon d'accordu, si pò truvà ch'ellu ùn face micca ride, ch'ellu casca in a facilità, ch'ellu ùn hà talentu.

Allora nant'à Facebook dapoi trè ghjorni ùn si parla più chè di què. Hè u ritornu di l'indignati. Ancu quelli chì ùn si sentenu mai per difende a Corsica si discetanu per parte in cruciata contr'à u razzisimu anti-corsu.

È perchè ùn ci n'infutteriamu micca ?

Ùn hè chè un sketch induve stu cummediante ghjoca u rollu d'un beauf. Si pò pensà ch'ellu hè mal fattu, ma ùn hè chè un sketch d'un picculu umuristu.

Averemu da parte in "cruciata virtuale" una volta di più, per st'omu ?

Una settimana fà, u Conseil constitutionnel, sapete "les sages", i tercani di u Statu, i guardiani di u tempiu di Ripublica, quelli chì sò sopr'à tutti, elli, ci anu stupatu in faccia.

Per chì riazzioni ?

Puchissime...

È sì, in fine di contu, eranu i liceani (chì tuttu u mondu ghjoca à a risa d'altronde...) chì avianu ragiò di falà in carrughju ?

u 12 di Ghjenaghju 2014

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

1.mandatu da Faterideeghjalline u 12/01/2014 15:05

(da un teleffuninu)

à principiu m''hà fattu ride ancu à mè.a cronaca ùn preciseghja micca chì i so spetaculu si chjama cusì...è in u cuntestu di l''affare Dieudonné, chì hè diventatu un affare di statu si pò omu dumandà perchè chì si pò ride di certi, è micca di l''altri..

2.mandatu da Babbò u 12/01/2014 16:37

Iè avete ragiò,ci si vole a falà in carrughju cu i ghjovani,ma un pudemu piu lascia parlà coni simuli,chi si piatanu daretu a macagna per stupà nant'i corsi e altre minorita.
So i stessi chi hanu stirpati l'ebrei,e altri minorita chi a l'epica un eranu ricunisciuti cume Populu,e su" Dieudonné nouveau" bobo di manca di canal+ po fà ride i so amichi,cu un rassizimu legalu,permessu per u statu francese,un rassizimu pulmiticamentu curettu,senza teme a ghjustizia di u sgiò Valls, apostu chi u Populu Corsu un hè mica ricunisciutu e un esistà mica per su belu paese di i diriti di l'omu.
Per mè barré hè peghju che dieudonné e un ci si vole lascià passa affare simule

3.mandatu da Ramu u 12/01/2014 16:42

Non mi piace,trovo i suoi propositi orrendi.Forza Corsica bella!

http://ramu.over-blog.com

4.mandatu da ghjuva u 12/01/2014 18:14

ai rasgio babbo ci ne una techja di fassi spuda in faccia per sti francesi di merda.
fallemu in carughju incu a nostra ghjuventu..e spergu chi i muvimenti naziunalisti ci seranu dinu!

5.mandatu da ghjattuvolpa u 12/01/2014 20:37

O tantu un avemu capitu nunda : ha dettu cio chi diceraghju un conu, micca cio ch'ellu pensa!

6.mandatu da babbò u 12/01/2014 21:45

Un c'hè nissun dubitu,a sapemu cio ch'elli pensanu i francesi di noi corsi e ava basta,ch'ella sia macagna o rassizimu, basta, basta, a francisata,e lezione di sta ghjente chi si credenu superiori a u mondu sanu,un li possu piu sente.

7.mandatu da henry smart u 12/01/2014 22:12

ci n'he chi s'annoianu ind'a vita !
o allora un so stati felici da zitelli !
Eiu, so cuntentu cum'un pichju...sapete perche ? a televisio a guardu pocu è chi nant'à facebook un ci so.
A vi ghjurgu , ind'è a vera vita m'accade di scuntra francesi chi un mi sputanu micca in faccia !!

8.mandatu da babbò u 13/01/2014 10:58

Chi faci nant'a piazzetta alora ? vai a bei un colpu cu to amichi francesi

9.mandatu da SARDU u 13/01/2014 11:50

amichi corsi,discriminazioni ci stanu sempre,in tuttu u mondu...ma vo vi surprendete mica pé quesse persone sapete cume so fate,LASCIATE PERDERLE E FATE A VUSTRA VITA DIGNITOSA CUME AVETE SEMPRE FATU! ghiuva i pezzi di merda si lu dicenu loro stessi!!! FORZA CORSICA !
UN ISULA,UN IDENTITA.

10.mandatu da ghjuva u 13/01/2014 14:50

o henry vai puru incu i to amigi frencesi..e un ti quieta per me aghju una vita bella piena e a mi ghjuventu era bellisima..ma per te un a so ??

11.mandatu da ACCANITU ANTI BARRé u 13/01/2014 14:59

in francia anu a dieudonné a noi altri corsi ci anu affibiatu sa nerpia di barré racistu hè piu ché racistu .CI volé a aspità a riazioné di u ministru walls hé sapé cio c'chellu a da fà .S'ellu un volé fa nunda farému noi per chuddé a bocca di stu fascistu.

12.mandatu da Hantzu u 13/01/2014 16:05

Ha ha ha !

Aio site troppu azezi, à mè "Kirikou nant'à a bandera, m'hà fattu ride

13.mandatu da Hantzu u 13/01/2014 16:05

è dinù "qui fait saigner les oreilles et les prefets"

MDR

14.mandatu da anto u 13/01/2014 17:04

Prestu ci so élezioni ,circhemu a micca vuta pè quelli chi mantenenu ssi cunacci ,ma sara difficile di truvane chi un manghjanu micca di capu in a sacchetta !

http://www.blog-anto.be

15.mandatu da circinelludiguagnenativupeliguagnesusosanguaversatu u 13/01/2014 17:33

Kirikou !
:)))

16.mandatu da stumacatu u 13/01/2014 17:50

Mr M. Valls ne laissera "plus jamais, plus rien passer des mots qui divisent les Français"...

Eccu una bella manera di vede si in corsi valenu cume l'altri per u statu francese...

17.mandatu da stumacatu u 13/01/2014 17:57

Dunque un semu che un manza di salvatichi ch'un valenu mancu u prezzu pagatu per unu schiavu : grazie !

18.mandatu da stumacatu u 13/01/2014 17:59

Dieudonné, anch'ellu ridendu, hè statu cundanatu per parole qualificate di razziste...

19.mandatu da henry smart u 13/01/2014 19:06

babbo, ghjuva
Per me l'amichi, so l'amichi ! pocu impreme d'Induv'elli so.
per me i Francesi chi sputanu nant'à i corsi ghje a listessa razza chi i corsi chi sputanu nant'à i francesi o puru l'arabi. A pulitica he un antru capatoghju !
E po perche ch'un puderebbe micca esse nant'à,piazzetta. D'altronde so d'accunsentu cu a forma è u fondu di questu articulu di a piazzetta. voi no, mi pare.

20.mandatu da henry smart u 13/01/2014 19:09

ma ava, aghju da anda à vede issu sketch, cusi mi feraghju un pare persunale !

21.mandatu da Babbò u 13/01/2014 19:51

Face cume la ti pare o henry,un avemu da liticassi tra corsi,s'ellu ti piace di fatti insulta ghje u to prublema

22.mandatu da stumacatu u 13/01/2014 21:52

"I Francesi chi sputanu nant'à i corsi ghje a listessa razza chi i corsi chi sputanu nant'à i francesi"...

Ti pare, ô Henry...?!!

Senza vulè difende u gattivu spiritu o u razzismu - sogu per rispettà à tutti...

Quale hè u forte e quale hè u debulu ?
Quale hè chi impone à so legge ?
Quale hè in periculu ?
Quale hà da smari ?
Quale po cuntà parechje "sketch" sobra l'altru à a televizione ?

U corsu o u francesu ?

Ti pare che a situazione hè veramente listessa ?
Ti pare che u periculu hè listessu ?
Ti pare che u debulu po fà male à u forte o u cuntrariu ?

E si un corsu face listessa cosa, in publicu, sobra i francesi, hà da esse accettatu ...?

23.mandatu da henry smart u 14/01/2014 13:52

Esse in situazione di debbulezza in tantu che populu per rapportu à una putenza mundiale ghje un affare. U populu à u dirittu è u duvere di resiste !!
u populu deve dassi i mezi di strappa a cooficialita ecc...
ma francamente, un vecu micca u bisognu di sputa nant' à tale o tale francese. prima m'interessa micca. Dopu, di cunsidera una cumunita sana cum'un bloccu da cundanna solu per ciò ch'elli so un he ne a mo educazione, ne a mo furmazione pulitica.
Un so micca Valls per di generalità discriminative nant'à i roms ( e ava ci vole à chjamalli cusi. un vole di nunda ma bon) o i corsi !!

perche cerca à assumigliassi à u nemicu.

Eiu so fieru quandu vecu i mo figlioli parla a so lingua, campa felici ind'a so identità, è un ave bisognu di sputa nant' à ghjente ch'elli un cunnoscenu per sente si vivu.
ava, a so ch'elli un puderanu pate dinu l'inghjustizia, ch'Ella sia quella di un statu chi nega i diritti cullettivi d' un populu, quella d'un paisanu chi sputa nant'à u poveru immigratu, quella d'un patrone chi nega i diritti di i so impiegati ecc...
è forse si peseranu s'è averaghju riesciutu a so educazione.

...ava ancu assai chi ci pudemu letica tra corsi !?

24.mandatu da henry smart u 14/01/2014 13:55

E po, o ghjente, arrestate a televisio francese ! un he micca una macagna ! dopu ci sentimu megliu !

25.mandatu da henry smart u 14/01/2014 13:55

E po, o ghjente, arrestate a televisio francese ! un he micca una macagna ! dopu ci sentimu megliu !

26.mandatu da Babbò u 14/01/2014 14:30

U rispéttu, henry,u rispéttu, eccu cio ch'elli m'hanu amparati i vecchji, u rispéttu di l'altru indè noi face parte di a nostra cultura (e mica a viulenza),ma solu per quelli chi mi rispéttanu.
Eiu un aghju mai sputatu nant'u populu francese,ma nantu certa ghjente chi hanu traparlatu,e tandu un c'hè piu rispéttu,
Per a televisiò, ognunu face cume vole,ma chiòde l'occhji e tuppàssi l'arecchje un ha mai sguassàttu a realtà.

27.mandatu da stumacatu u 14/01/2014 17:16

A ripetu : quale sputa e t'hà u dirittu di sputà in publicu sobra l'altru ?

E po, va bè, quantu ne sentite ghjente di Francia chi difendenu i corsi ?!!

Per u rispettu, semu da cunsentu : un sogu micca di quelli chi faranu à d'altri cio chi certi l'hanu fattu...

28.mandatu da bonna aventura u 14/01/2014 21:01

Pensu chi stu tipu un'a manca appena di "talente" ,hé una narpia , un baschicciu chi puzza a cunneria ,so siguru chi quand"ellu era zitellu pigliava i colpi ,ava face quellu ca u spiritu ,e tutti i tonti di a creazione ridenu cun elli ,e trovanu chi u tipu ta a putenza.
Ch'ellu si secchi u so pipinu.

29.mandatu da nò u 15/01/2014 18:25

"È sì, in fine di contu, eranu i liceani (chì tuttu u mondu ghjoca à a risa d'altronde...) chì avianu ragiò di falà in carrughju ?"

Quand'ellu si vede una mansa di liceani chì ne chjamanu à a "cuuficialità" chì ùn sò mancu scritti in corsu, quand'ellu si sente un mansa di ghjuvanotti chì ùn cunnoscenu nulla nè di "l'arristati" nè di Miot, nè di u cuntestu storicu (era un amicu di Morand), ci da ride. È, di fatti, nimu ùn l'hà pigliati in seriu, mancu a pulizza.

Averemu da parte in "cruciata virtuale" una volta di più, per st'omu ?

Sò propiu d'accunsentu. Face ride o nò (à mè mancu appena, ghjè un clonu di Nicolas bedos ) , è chì pò fà, semu pà u dirittu à a spressione di tutt'ognunu. A magagna face parte di a nostra cultura (basta à sente i bastiacci chì parlanu di l'aiaccini o u cuntrariu). Ùn emu micca da fà cum'è l'abrei chì si lagnanu par un sì o un nò. È po, à dilla franca, E Facciacie e facenu falà à pezzu vechju nantu à i corsi, nò?

Mi pare chì a risposta a più bella saria di fà un cuncorsu di video di magagne nantu à i francesi di Corsica o d'altrò , è fà magagne di quelle putente, cum'è i sapemu fà.

Cusì saparanu ch'è no avemu u sensu di u ridiculu, vedaremu s'è elli dinò.

30.mandatu da John-Billu u 15/01/2014 19:57

+1000 incu l'autoru. Simu divintati un populu di pienghjitori, sempri pronti à indignassi, sempri à aspittà a prossima cosa chi ci permettera d'indignassi , di scrive u so sintimu (a spessu furzatu d'altronde ...) nant'a FB, nant'u so blog, sempre in brama di pienghje, di lagnàssi, di ramintà, nant'à n'importa chì è n'importa quale, listesse cose : l'impiccati di u niolu, a lingua corsa pruibita, a prima guerra, ponte-novu, i ghjudei di a siconda, etc ... fighjemu a pena l'avvena senza sminticcassine di u passatu a tutte l'ore ! U tipu ùn face ride, u so sketch hé merzu merzu, va bè, e dopu ? ci vole à impipassine !! ùn c'hè bisognu di parlane !! ci n'infuttimu ! O allora simu cusì intucchevuli e tanti parfetti ch'ellu ùn si po suppurtà d'esse a pena criticcati ancu s'ellu hè d'una manera cusì nulla ? U tipu ùn parla mancu di "i corsi" di a noscia cumunità, ùn manca di rispettu à nimù (ô alora à i turisti) mi pare, face un sketch di merda 'cu u so visu di "beauf", nant'i terroristi, e i turisti, incu a so manera di "face (micca) ride" : Cunsiste à tene i prupositi d'un connu. Cìnicu, antipaticu, bestia, razzistu, omoffobu, misòginu... un connu dunque" cum'ellu a dice l'autoru. Nimù ùn l'avia capita quessa ? Povera noì ... induva sara passata a DIGNITA di u nosciu populu ? Aspittemu i cumunicati indignati di li nosci eletti merzi ... in fattu femu sempri cume i "sionistes" i piu estremi (pleunasmu): ùn si parlà di i corsi senzà esse cusnideratu cume "razzistu anti-corse", hè ridiculu. c'era a pena di piu di "rinculu" et d'umurisimu qualchì anni fà, quand'ellu c'era una vera fierta d'esse corsu senza avè maì bosognu di rindica a so identità. "So corsu, ne so fieru, et t'ammerdu", c'hè un prublemu ? Oghji ? "So corsu, ùn parla miccà di mè ò aghju da pienghje e indignammi subbitù, c'hè un prublemu ?" Populu di riazziunari hyper-cunnettati, elevemu a pena u dibatittu e femu cresce e noscie idei in piazza di riaghjisce per ogni cosa in bocca di u primu connu di u "PAF" francese ...

31.mandatu da babbò u 15/01/2014 21:52

Ci so i piengjuloni,ci so quelli chi si n'impipenu,quelli chi si n'infutti,quelli piu inteligenti cume te chi capiscenu e "macagne" di su "populu superiore",postu che tu hai u stessu spiritu.
T'aspitemu per alsa u dibatittu,face piu di 200 anni ch'aspitemu un omu cume te,un omu charismaticu,un pastore per apre a strade per e tinte pecure che no simu.
Corsi cume te ci n'hè sempre di piu,sapientoni,astuti,pronti a da lezzione a u mondu sanu.
E po ci so l'altri,u populu, quelli chi falanu in carrughju,quelli chi si manghjanu colpi e anni di prigiò,senza riflete di tropu,ma sempre cu u fiatu e sperenza.
Ma hai ragiò,ci si vole a alsa u dibatitu,cume a facenu di poi 40 anni i capimachja e chi tombanu pianu pianu u nostru populu.
Quandu un ci sera piu corsi,un ci sera piu macagne,tandu si chelli riderenu

32.mandatu da bonna avantura u 15/01/2014 22:56

Un francese dice cunnerie nant'a noi ,e chi femu ci tazzemu,ghjustu per sapé si stu tipu ta a macagna ,un certu spiritu . Ma francamente avemu bisognu di pisa ,sottupisa i so detti.Oghje so chi si chjama u PAF permette di di tuttu e n'importa ché hé l'épica chi vole què ,e noi a pigliemu o cusi o cula secondu so ché no rissentimu perché a corsica dapoi piu di quarantina si trova ind'é un scumbugliu .U so micca qualé chi risponde nant'a piazzetta ma per micca inghjulia qualchissia provu a fa pianu ind'é i mo detti.
Quandu risponde ghjocu u ghjocu chi a piazzetta prupone.

33.mandatu da quellu u 16/01/2014 08:58

Bravu John-Billu !

+1

34.mandatu da babbò u 16/01/2014 12:51

un ci tazzemu o bonna avantura, so macagne,un aghju ne u talente ne u spiritu di Barré,ma mi piacenu anc'a me e macagne,aiò ridemu chi tuttu va bè.

35.mandatu da stumacatu u 16/01/2014 14:02

Comu semu bon cristiani, quandu pigliemu unu schiaffu devemu tende l'altra bucella !

O un n'avemu capitu nulla - per furtuna, ci so capizzoni per spiegaci...

Fami male, o maestru aduratu, dinu !!

36.mandatu da stumacatu u 16/01/2014 14:22

Avà, l'intelletuale chi capiscenu veramente a magagna e sanu cusi bè fà a sfarenza tra razzismu, magagna e cio chi ghje veramente impurtante, ch'elli ci contanu in pubblicu una folla cume quella di u sgio Barré sobra certi altre minorità prutette da a legge francese...

Per ride !

37.mandatu da stumacatu u 16/01/2014 14:25

Vederemu tandu si c'hè da ride, da pienghje... o buscà un avucatu à lestru !

38.mandatu da nò u 16/01/2014 15:15

PETILLON cù L'ENQUETE CORSE hà magagnatu corsi è francesi è ....hà fattu una mansa di soldi. L'altru troncheghjetta di Clavier hà capitu subitu subitu è ne hà fattu un filmu chì hà impiutu e so stacche più cà più. Uni pochi di corsi anu impiutu e soie participendu à u filmu (micca nomi) chì ...frà altru...magagnava i corsi. È i corsi ci sò andati belli numarosi, paghendu, à vede un filmu chì magagnava i corsi.

Và bè? Ù n hè micca un filmu d'intelletuali? Telerama li hà messu solu duie stelle nantu à 5.

E FACCIACE sò razzisti?

E nostre magagne nantu à i francesi basta à falle in corsu, ma par ciò ci vole à capisce è à parlà u corsu...cusì ùn saremu micca capiti da TUTTI.

39.mandatu da ghjuva u 16/01/2014 16:53

ai rasgio stumagatu tutti sti inteletuali corsi chi pardonanu tuttu...ma vulerebe sape selli seranu in carughju mercuri per esempie o a u caldu u cabu inde i so libri o davanti a TV frencese!!??

40.mandatu da stumacatu u 16/01/2014 20:22

Quantu semu à scrive nantu A Piazzetta e quantu magagne direttamente sobra "i francesi" ?

Vedu piu magagne sobra i corsi stessi...

E quantu so in Francia à scrive e di ignominie sobra i corsi, ni ghjurnale, à a radiu o à a televizione ?

Hè listessa cosa ?

Allora un ni parlemu piu chi tuttu va bè !

41.mandatu da stumacatu u 16/01/2014 20:23

« Il y a une chose pire encore que l’infamie des chaînes, c’est de ne plus en sentir le poids. »

Gérard Bauer, autore francesu...

42.mandatu da henry smart u 16/01/2014 20:35

Ah infine ava ci campemu !!!

Induve si po truva u sketch di stu tippu ?

43.mandatu da bonna avantura u 16/01/2014 21:16

Ci hé un pruverbe francese chi dice ,un connu chi viaghja andera sempre piu luntanu ché un capone chi sta a posa. Ma ci vole quantunque appena di cerbellu.osinno si gira in tondulu.

44.mandatu da babbò u 16/01/2014 21:24

Gerard Bauer autore francese ,pruverbii francesi,macagne francese,a culunisazione di i ciarbelli tombà ogni ghjorni u nostru populu.

45.mandatu da Cateddu Muntaninu u 18/01/2014 18:27

(da un teleffuninu)

http://www.youtube.com/watch?v=OZ7kAfsqkKE&sns=em

46.mandatu da nò u 19/01/2014 18:50

Ùn avemu micca bisognu di Pierre-Emmanuel Barré avemu ciò chì ci vole in casa nostra ...

https://www.youtube.com/watch?v=1S9yV1Tt6es

è cù duie parolle di corsu strappate, ça fait régional (ci campemu!).

47.mandatu da circinelludiguagnenativupeliguagnesusosanguaversatu u 19/01/2014 19:02

l'aghju ascultatu bè :
1 - si ride d'i turisti
2 - si ride di i Marsigliesi
3 - kirikou :)
4 - Si futte d'i l'islamisti
5 - Face ride cù Alizee, jennifer, Fiori... bon... avarà ancu a ragione !
6 - Lampa un motu di Strabon : Mi ramentu chi, da zitellu, eramu abbastanza fieri di sta frasa chi dicia chi i schiavi corsi si lasciavanu more piutostu che di campà ind'a schiavitù ! Hè a frasa d'un schiavagista (?) chi dinuncia i ribelli, è Barrè hè d'accordu... cù noi.
7 - Si ride di i Baschi...

48.mandatu da babbò u 20/01/2014 11:12

E di a "shoah" si ne ride ?

49.mandatu da circinelludiguagnenativupeliguagnesusosanguaversatu u 20/01/2014 11:57

... tuttu què pà dì ch'ellu ùn si futte micca di i corsi è chì u pocu ch'ellu dice in stu sensu... hè veru !
Tandu mi pare chi u veru sketch hè quellu di a LDH.
O A LDH ! LASCIATECCI TRANQUILLI !!!!

50.mandatu da babbò u 20/01/2014 13:32

Ancu s'ell'hè veru,eiu un la vogliu sente,sopratuttu di a a parte d'un francese,ma s'ellu piace a"circinello natif de guagno qui a versé son sang pour les guagnais",tuttu hè dettu,mi faci piu ride che barré.