Accueil
Envoyer à un ami
Version imprimable
Partager

Perchè ci vole à plasticà u ponte

Cunsternazione : u ponte genuvese nant'à a cumuna di U Poghju di Venacu hè statu plasticatu. Purtantu, ci sò pienu di ragioni di plasticà un ponte genuvese.



Perchè ci vole à plasticà u ponte
France 3 Corse chì hà datu l'infurmazione : u ponte genuvese di U Poghju di Venacu hè statu a vìttima d'una prova d'attentatu. Perchè ? Noi a vi dimu.

1. Chì n'ai da fà di u ponte ? Francà à Tavignani ? Per chì fà ? Si pò passà per Casamozza dinù.

2. Hè goffu. Un bellu ponte in béton, ùn saria più bellu chè un ponte di u Medievu ?

3. E vechje petre è u patrimoniu ùn ghjovanu à nunda. In Corsica oghje, si lascia more u patrimoniu, si custruiscenu e case segundari nant'à i siti archeologichi (iè iè ! Si passa in Paomia...) allora un ponte...

4. I Genuvesi fora ! U guvernu genuvese hè inghjustu contr'à i Corsi, è una rivolta hè ghjustificata ! Ma a rivolta anti genuvese hè principiata in u 1729. I clandestini di u ponte ùn anu chè 284 anni di ritardu...

5. I Pisani ùn eranu micca megliu. Femu saltà e chjese pisane postu chè no ci semu, à cummincià pè San Mighele di Muratu.

6. I Rumani ùn eranu micca megliu dinù. Femu tabula rasa cù Aleria è Mariana !

7. Femula finita cù a prestoria. Filitosa, Cucuruzzu... Ch'aspettemu pè plasticà i mullizzoni di l'età di u ferru ?

8. È e torre genuvese ? Quand'elle ùn sò micca à vende nant'à Le Bon Coin, e torre genuvese partenu in pistìcciuli. È di l'occupazione illegale di u liturale, ne parlemu ?

9. U piacè di sente "je condamne fermement". Tè ? Face un pezzu chì Zuccarelli è Rocca Serra ùn anu più avutu l'occasione di "cundannnà". Ma per un ponte vechju di 300 anni, bof...

10. Per fà u remake di "Le pont de la rivière Kwai".

11. Più ponti, più disgraziati chì dormenu "sott'à i ponti". Pè luttà contr'à a miseria, basta à fà saltà i ponti.

12. Quelli chì anu plasticatu u ponte anu capitu male "ci vole à fà saltà à Dupont". (bof).

13. Perchè a vera piazza di i ponti genuvesi, hè in i giratoghji. Un veru rond-point corsu, ùn ghjova micca solu pè Natale. Ci si mette ancu u patrimoniu corsu.

In cunclusione : tuttu và bè.

Perchè ci vole à plasticà u ponte

u 13 d'Utrovi 2013



1.mandatu da boemiana u 13/10/2013 21:53 (da un teleffuninu)
Ete sminticatu una ragiò!
Postu chì simu à l''era di a recup'' , pò dassi chì qualchissia avia bisognu di petre anziane pè a so casa...Face più "vintage" ! È i muri in bordu di strada sò digià sfatti.
Eppò à chì serverà un ponte?
Custernazione totale.

2.mandatu da bastiacciu stortu u 13/10/2013 22:35
Saltatu u pontè ... fèrèmu un 'Rond Point '...

3.mandatu da Geronimi u 13/10/2013 23:44 (da un teleffuninu)
Salvemu u pontettu

4.mandatu da anghjulu u 14/10/2013 00:28
bastiacciu stortu +1 ;)

5.mandatu da Tuminu u 14/10/2013 11:19
Cridia u Prefettu Bonnet Era mortu???!!

6.mandatu da anto u 14/10/2013 14:04
Un c'hè nunda chi dice qui ghjè u ponte chi era in puntu di mira .Vicinu c'est un campu di "panneaux solaires " assai piu 'interessante pè chi vole fa male .A parte fa franca e capre u ponte un serve piu a nunda !Pè quelli chi un la sanu si chjama u ponte diTorchia.

7.mandatu da J G u 14/10/2013 17:46
S'elli facenu saltà u ponte indue a da luce a luna dopu ?
IE " sottu a u ponte ci luce a luna
E stelle in celu un ne manca manc'una
Dooooormi "

8.mandatu da upontediuvechju u 15/10/2013 12:26
ùn ci hè più nunda à fà saltà, allora femuci un ponte!!!

9.mandatu da sardu u 15/10/2013 19:43 (da un teleffuninu)
hé storia ahahah:)

10.mandatu da STRANPALATU u 17/10/2013 22:42
aghiu bisognu di pétrè per costruiscé u barracconé da ascondé hé mio vacciné ! ! !

Novu cumentu :