Accueil
Envoyer à un ami
Version imprimable
Partager

Perchè u Sporting ùn hà micca da perde contr'à u PSG

Nò, Bastia ùn hà micca da piglià una concia contr'à Parigi. Eccu perchè.



Muntagiu trovu nant'à un forum pariginu. Sò forse chjuchi à cant'à i miliardi di u PSG, ma attenti, ponu fraià...
Muntagiu trovu nant'à un forum pariginu. Sò forse chjuchi à cant'à i miliardi di u PSG, ma attenti, ponu fraià...
1. Perchè Furiani serà pienu à tappu. Bon, in generale, quandu Furiani hè pienu, u Sporting ùn riesce mai : "iè ma capisci, le stade était plein, ils avaient la pression..." Ma sta volta, ci vulerà à riesce in veru !

2. Perchè ci seranu 16.000 leoni in Furiani. Bon hè vera, ci seranu assai Footix chì veranu solu per vede ghjucà à Zlatan, chì ùn mughjeranu micca, o chì mughjeranu "assis !" quandu a ghjente s'arrizza. Ma s'ella hè per fà cusì, pigliatevi piuttostu un abunamentu à BeInsport. Costa menu caru.

3. Quale hè Zlatan ? « Bastia ? Connais pas » hà dichjaratu Ibrahimovic à a stampa. Eccu una ragione supplementaria per fà sente a vostra voce sabbatu.

4. Perchè tuttu u mondu si caca à dossu... Tuttu u mondu aspetta una chjiba, quattru o cinque à zeru... o di più. L'hà detta ancu Hantz : « On prend trois buts à Rennes, trois chez nous devant Saint-Etienne, cinq contre Arles et encore trois à Evian. Donc en toute logique, on peut en prendre entre trois et dix contre Paris ». È s'è no ci cridiamu appena, nò ?

5. Perchè Zlatan ùn Zlattanerà micca. À i Guignols, Ibrahimovic dice ch'ellu hà da "zlattanà à Bastia", da vede a videò quì. È sì Zlatan si facia Cahuzacchizà, Choplinà o ancu Gillecionizà ?

6. Perchè u PSG ùn hè micca futbol pupulare. Contr'à i miliardi artifiziali di i Qatari, i càtari bastiacci ùn pesanu tantu. Ma in u futbol, a lògica ùn esiste micca.

7. Perchè saria ora chì Furiani torni à diventà Furiani. A forza di Furiani, era chì in casa, Bastia ùn avia paura di nimu, è tuttu paria pussibule. È sì stu spiritu è sta rabbia eranu di ritornu contr'à u PSG ? À u publicu è à i ghjucatori di movesi appena di più chè contr'à St Etienne !

8. Perchè l'ACA hà riesciutu à fà 0-0 contr'à elli in casa. È sì i dui clubs corsi diventavanu a "bestia nera" di i parigini quist'annu ?

9. Perchè i ghjucadori è u pùblicu ùn anu micca u dirittu d'abbandunà. A partita ùn hè ancu principiata chì tuttu u mondu si vede digià perde. Ci sò sopr'à tuttu i pattoni chì si perdenu !

10. Perchè sì u Sporting perde, avemu da avè l'aria conni.

u 21 di Sittembre 2012



1.mandatu da Lisandru u 21/09/2012 19:59
Perchè Bianconi, u tempu di una partita, hà da reincarnassi indè un difensore bastiacciu è hà da sciaccà una capata à Zlatan è tichjalu di colpi

2.mandatu da Mare nostrum u 21/09/2012 20:13
Forza Bastia !!! Uniti vinceremu !!!!! Forza , forza , forza BAAASTIIIIAAAAAAAA!!!!

3.mandatu da ANTO u 22/09/2012 10:18
E di chi ci n'hè tanti chi si n' impipanu !Persunalmente mi farebbe piacè ch'elli si piglinu una bella tghjiba,e chi a musetta sia colma !

4.mandatu da Albertu Ghjuvan u 22/09/2012 19:53
SCB - PSG : 0 - 4... Chi concia !!! Zlatan hè u più forte.

5.mandatu da Calvoise u 22/09/2012 22:39
A prussima volta...

6.mandatu da Hassan Cehef u 23/09/2012 05:15
Ô ANTO pianta di cummentà si ti n'impipi !!! Spezia di JeanJean, vai à cundamnà altrò !

7.mandatu da prefettu2b u 23/09/2012 09:11
Tribuna sud: un'azzuffu trà bastiacci è una cazzuttata; E un serviziu dettu di securità ch'ùn hà mancu u stomacu à lampà fora quelli chì si battenu à mezu à a ghjente.
Allora forse un cunsigliu à i dirigenti: mettite i CRS nentru è u vostriu serviziu di securità fora....

8.mandatu da henry smart u 23/09/2012 09:28
eiu mi n'impippu è cumentu : poca chjiba !!!

9.mandatu da Duttor' Caseddu💼 u 23/09/2012 20:12
Chi macciacciu di 💩, ma ci voli ricunnosci chi Zlatan he u piu forti... Incun eddu ancu u Sporting saria campioni ma in veci i turchini si so pigliatu una bedda tribbia!
Mi scusareti ma chjiba o tchjiba un capiscu micca...

10.mandatu da Lisandru u 25/09/2012 10:45
prefettu, eiu un aghju micca vistu listessa cosa chè tè, cio ch' aghju vistu hè un' abbandata di CRS ch'anu minatu una parte di u publicu chi pruvia di raghjunghje e so vitture, colpi di matracca è di flashball a mezzu donne è zitelletti. So accordu chi u serviziu di securita di u Sporting s'assumiglianu piu à Benny Hill chi à un serviziu di securità, mà sti cunnacci di CRS chi second' à me parenu piu Gestapo chi sicurezza, ch'elli stanu in case soie a prussima volta. Dunque i to cummenti sdorni, poi teneli pè tè

11.mandatu da ZLATANASSU u 25/09/2012 18:35
10. Perchè sì u Sporting perde, avemu da avè l'aria conni...............

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta