Accueil
Envoyer à un ami
Version imprimable
Partager

"Pinochet" di ritornu à Festiventu ?

Sta volta hè sigura. Ùn si sà micca ciò ch'elli piglianu l'organizatori di Festiventu, ma deve veramente esse qualcosa di putente : quist'annu, anu invitatu à Gilbert Thiel.



U grande umanistu, amicu di i Corsi, difensore di e libertà è spezialistu di e porte sbundate, Gilbert Thiel (segondu à l'organizatori di Festiventu).
U grande umanistu, amicu di i Corsi, difensore di e libertà è spezialistu di e porte sbundate, Gilbert Thiel (segondu à l'organizatori di Festiventu).
Durante qualchì tempu, avemu pensatu ch'ella era una magagna. Ma nò, hè scritta in veru in u prugramma di u Festival du Vent 2012 : u magistratu Gilbert Thiel hè invitatu quist'annu.

Pè cuntrastà di e derive di a ghjustizia antiterrurista, spezialità francese ? Pè parlà di i danni fatti à quelli chì anu vistu e so porte sbundate à cinq'ore di mane da a DNAT ?

Pè purtalli a cuntradizzione nant'à u "fichage ADN" generalizatu di i Corsi ? Sapete, i famosi "commandos brosse à dent"

O pè parlà di a calata di e libertà individuale, sacrificate in nome di l'antiterrurìsimu?

Nunda di què. U tappettu rossu hè cacciatu per chì Gilbert Thiel fia a prumuzione.di u so libru (18,25 €, quantunque) durante un "tchatche-café" cù u giurnalistu Christophe Jakubyszyn.

Nò, ùn sunniate micca.

Purtantu, in u cartulare di stampa di Festiventu, l'organizatori ci dicenu ch'elli s'interrucheghjanu quist'annu : "Réfléchir à un autre modèle de société, développer une intelligence de l’humanité, repenser la politique, donner une autre dimension à l’individu…" (sic).

Quelli dunque, chì sò trovi durante mesi è mesi in detenzione preventiva per nunda, chì anu avutu a so porta sbundata da a DNAT, chì anu avutu u so ADN pigliatu per esse fisciati apprezieranu.

Festiventu hà pichjatu un grande colpu quist'annu.

In più, à Gilbert ùn li piace micca à ride. In u 2009 i rispunsèvuli di u situ Rinnovu.com sò stati cundannati per avè messu un ritrattu di u dittatore Pinochet cù stu cummentu : « ci-contre le juge Thiel rasé de près ».

È u peghju, hè chì sta ghjente quì anu l'impressione d'esse ribella invitendu à u còmicu Christophe Alêveque...

In u 2013, li sugerimu d'invità à Pascal Chimbonda, Jean-Marc Furlan è Frédéric Thiriez pè parlà di ballò. Eddy Mitchell, Michel Charasse, Jacques Séguéla è Christian Clavier per un dibattitu nant'à l'avvene di a Corsica.


PS : Sin'à oghje, ùn avemu mai avutu a nostra porta sbundata à cinq'ore di mane da a DNAT.

A sera in Calvi ci serà u cuncertu di "Le peuple de l'herbe". Una spiegazione ?
A sera in Calvi ci serà u cuncertu di "Le peuple de l'herbe". Una spiegazione ?

u 9 d'Utrovi 2012



1.mandatu da KüG u 09/10/2012 00:54
Listessu ghjornu à 9 ore di sera mostranu u filmu di Ange Leccia, "Nuit Bleue"... parenu fole...

Ma cume si po avè l'idea di fà vene à G. Thiel in Corsica per un avvenimentu chi si vole "prugressista" ?

2.mandatu da festijoint u 09/10/2012 00:54
Serge Orru, the greatest !

Evviva una Corsica senza Corsi.

3.mandatu da Festipinz u 09/10/2012 01:43
Festiventu : un festivale di bobo parigini di manca chi... invita u simbulu di a ghjustizia arbitraria, di u statu pulizzeru e di l'inghjustizia anti corsa

Big problem... Carina et Serge, arrêtez la drogue et delocalisez le festival du vent à Montreuil. Merci.

4.mandatu da festistronzi u 09/10/2012 08:47
parenu fole

5.mandatu da éco-citoyen responsable et adepte du vivre-ensemble u 09/10/2012 09:22
mà c'hè ancu "bobo" corsi (quelli di Fr 3 Via Stella per esempiu) è altri gauchistes nustrale chi li piacennu stu festivale.


6.mandatu da I CORSI FORA u 09/10/2012 10:58
Le "vivre ensemble avec ceux qui crachent sur la Corse"...

BRAVO FESTIVENTU !!!

Prussima tappa : è perchè micca un omaggiu à Bernard Bonnet ?


7.mandatu da a capra u 09/10/2012 11:50
trà calvi on the rocks e u festiventu, a mumenti avemu da esse obligati da lampali tutti indu u mare, perchè a pena va bè e cunerie o zitelli...

8.mandatu da econatura u 09/10/2012 12:09
Andate in l'Aghjone pe a Festa di a biodiversita, cusi viderede d'altre ghjente piu simpatiche! http://econatura.free.fr

9.mandatu da J A u 09/10/2012 12:10
Boycottemu á Festiouinj!!!

10.mandatu da tuminacciu u 09/10/2012 12:27
Calvi cità Semper Fidelis, eri à Genuva, oghje à a francia. Festiventu hè un' festivale francese per i francesi. Aspettemu torna appena, c'hanu da lampà fora.

11.mandatu da Ulongu u 09/10/2012 12:37
Eiu rigrettu u tempu quandu u solu affare chì mi stumacava in Calvi era u 2u REP.
Mandu un salutu fraternu è afflittu à tutti i calvesi chì soffrenu di sta situazione.
À mumenti, aghju paura chì per elli, s'ella cuntinueghja cusì, serà megliu à spaisà in PortoVek (o NIzza).

12.mandatu da Mare nostrum u 09/10/2012 13:25
Aghju sempre dettu chi stu festiventu hé una merda !

13.mandatu da Chi fà... u 09/10/2012 14:26
Per l anu chi vene, basta a invita a roger marion, per fa un debatu : " comment j ai aider les gentils mafieux en corse a se debarasser des dangereux nationalistes clandestins". Aio ditemi puru chi è una magagna o zité....

14.mandatu da L'Orsu u 09/10/2012 17:40
" C'est du vent "!
U Levante chi s'era prupostu (Dipoi 3 o 4 anni) di parla à u Festivale di a problematica di e lege liturale, di a sparizione di e terre agricule, di e custruzione nantu à u DPM , di u numeru impressiunente di e " residences' sgondaires à portoveck" '...è alte polluzione di u Vaziu è di ...ùn so ...MAI STATI INVITATI. Ma cumu sarà?
Hè forse un miraculu di Saint Ange chì si ripete, vistu chì pè a prima volta "à u mondu", un festival " du vent" ne fera... pas... de... vagues"
PS: Un cunsigliu: u 27 è 28 andata in Aghjone à " A Festa di a Biodiversita".

15.mandatu da fatelivràquindecipizzeàmenez u 09/10/2012 21:07
a sapiate chi Gilbert era un gran sustenidore di u SCB?!!!

16.mandatu da henry smart u 09/10/2012 21:58
Ringraziu u situ a piazzetta per sta nutizia !!
Speru ch'ella permettera ch'ellu sia accoltu be stu spezialistu di a lotta contr'à e libertà pubbliche
ci vole à falla ! so esciuti di capu quelli di u festiventu !!
ma qui i cumenti mischjanu sempre tuttu.
un salutu fraternu à tutti quelli di calvi chi facenu a cultura in stu paese : u svegliu calvese , u teatru, e pulifunie...
so sicuri chi quelli chi criticheghjanu certe manifestazione calvese un so mai andate à u festivale di pulifunie .

17.mandatu da Festiculu u 09/10/2012 22:05
Soga li piace à piglia risichi,...
À troppu sumina ventu, si racoglie
timpeste!

18.mandatu da Hulku u 10/10/2012 00:49
Sarebbe ora di piantà stu festivale

19.mandatu da Festimerda u 10/10/2012 13:18
Quist'annu à Festipientu, grande spetaculu di chjuditura cù une dimustrazione di "cumu ficcassi un tizzone in culu senza vasulina".

Venite numerosi !

20.mandatu da henry smart u 10/10/2012 14:38
Eccu, ava i cumenti un parlanu mancu più di a rubbaccia di Pinochet !!!

21.mandatu da Hulku u 10/10/2012 15:10
Iè o Smart, ma u prublema vene quantunque da i cerbelli malati di l'organizatori chi facenu vene stu mullizzu

"la cage sans les oiseaux"... A Corsica senz i Corsi.

Serge Orru he u presidente di U WWF, ma u WWF un prutege micca u populu corsu

22.mandatu da ANTO u 10/10/2012 19:30
Gilbertu Tigliu sarebbe megliu a invitalu in Canari !

23.mandatu da henry smart u 10/10/2012 20:38
o Anto, que m'ha fattu ride. u tigliu un era u cancaru di a Corsica à un epica ?

24.mandatu da O Guy Ventera u 13/10/2012 07:48
festivale suvvenziunatu da a CTC, à un'associu pariginu chì ùn spende nunda in Calvi... U puderistinu fà in Bordeaux, in AGen o in Macon, seria listessa. Spergu chì quis'annu u s'hà da spulà u ventu ...

25.mandatu da Marcumà u 18/10/2012 22:43
L'annu chì veni, Chevènement ci parlara di i so soluzioni a i prublema di a Corsica.

26.mandatu da MALKOVITCH u 23/10/2012 17:36
"A quelques jours du festival voici quelques informations à noter dans vos tablettes :

Conférence de presse et apéro des partenaires
SAMEDI 27 - 18H30 - Espace presse/partenaires - Hotel de la Balagne
Une conférence de presse pour faire état de cette nouvelle édition et des 20 ans du festival,
suivi d'un apéritif avec dégustation de produits Corses.
Un moment convivial pour vous présenter l'équipe, la programmation et vous rencontrer.

Nouvelle programmation de débat :
DIMANCHE 28 - 14H30 - Hotel de la Balagne
IL EXISTE UNE CORSE NON VIOLENTE
En présence de Dominique Bucchini, President de l'Assemblée de Corse, d'élus et d'acteurs associatifs.
Des hommes agissent tous les jours pour une société apaisée sur notre île. Des femmes construisent toutes les secondes des ponts entre les êtres afin de mieux se comprendre et mieux vivre ensemble. Les corses ne veulent pas de la violence.
Depuis Mérimée une image colle à nos ombres. Elle est fausse quand bien même la violence est là .
Au delà du constat du ras le bol, que peuvent faire les politiques et les citoyens ?
Le travail au quotidien des citoyens va t il être relayé et renforcé par le politique ?
Que faire dès à présent pour et résoudre la violence ?
.../...
/// ANNULATIONS : Gilbert Thiel et José Bové.
Une nouvelle personnalité devrait venir remplacer José Bové.
///
Merci de votre attention

A préstu !

Perrine Crubilé / VD COM
06 88 30 96 80
pcrubile@vdcom.ch
www.vdcom.ch

http://www.lefestivalduvent.com/"

27.mandatu da henry smart u 24/10/2012 22:52
Dicia qualchissia à a radiu sta mane chi serebbe statu una bona d'ave à thiel in calvi per pone lì une poche di dumande. sta persona avia avutu carchi prublema cu e manere di stu ghjudice !
ciò ch'ella fattu, e messe in custodia di donne incinte, chi anu u cancaru, sciappa i ghjoculi di zitelli ecc...
allora, ancu s'o aghju fattu cume l'altri dicendu chi ghjera un'eresia di riceve stu tippacciu, forse ci simu sbagliati, ci simu lasciati piglia torna da l'affettu.
tamantu sbagliu. l'aviamu per noi è cu i caméra in più !!
tutta sta pulemica nantu un fondu di razzisimu ordinariu !

28.mandatu da Fritsone u 26/10/2012 15:20
Pinochet u vene mica simu salvati

29.mandatu da Pbt#pasympa u 28/10/2012 20:34
Piuttostu Pinocchio Che Pinochet.
Un dice Che buccie

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta