Accueil
Envoyer à un ami
Version imprimable
Partager

Pippol è pulitica corsa

Una parolla nova hè nata st'ultimi mesi : cù u regnu di Sarkozy hè ghjunta a "pipolitique", induve star di u showbiz s'imbuleghjanu à l'omi pulitichi. Cumu traduce in corsu ? Pippulitica vi và ?



Pippol è pulitica corsa
2007 fù l'annu di a pippulitica. Bastava à fidighjà u giurnale d'ottu ore à TF1 o à France 2 per vede chì i candidati à a presidenziale ghjucavanu a corsa à u sustegnu di i pippol.

Cusì, Sarko hà riesciutu à attirassi i sustegni di qualchì pippol has been : Doc Gynéco, Mireille Mathieu, Faudel, Gilbert Montagné, Didier Barbelivien, Enrico Macias. Cun ellu dinù qualchì star interessata sopr'à tuttu da e prumesse di Sarkozy di fà calà l'impositi : stu vechju zènacu di Johnny Halliday, Dominique Farrugia (face ùn bellu pezzu ch'ellu ùn face più ride), Jean Reno è u nostru amicone Christian Clavier, Jean-Marie Bigard o ancu Roger Hanin. Chì bellu mondu ! Sarko hà ancu riesciutu à fà sorte i fratelli Bogdanoff da a so tomba. Pesta !

À manca i pippol si chjamavanu Djamel Debbouze è Diam's (per fà giovanu è "banlieue"), Geneviève de Fontenay, Cali, Bénabar, Yannick Noah, Marianne James o Akhénaton, tutti pè Ségolène Royal.

Dopu à a so vittoria, Sarko cuntinuvava à imbulighjà i gèneri. Rolex, yacht cun sette screni plasmà, spechjetti di sole... ùn si sapia più s'ellu era un attore mancatu d'Hollywood o un presidente di a Republica. In tantu facia passà e so cunsigne à i so ministri : "ci vole à occupà u spaziu mediàticu". Messagiu ricevutu : Valérie Pécresse è Rachida Dati piglianu a pausa in Paris-Match, a scappata à Disneyland cù Carla Bruni...

Cusì, tutt'ognunu ùn parla ch'è di què, è e so reforme è a so pulitica calamitosa passanu à u segondu pianu. Malignu u tippettu !

È pè e municipali allora, chì sò i puttachji ?

Per avà avemu nant'à e liste di diritta Henri Leconte, Denise Fabre, Danielle Gilbert è Guy Roux. À manca ci si trova à Vikash Dhorasoo è Philippe Torreton cun Delanoë in Parigi. Francis Lalanne si presenta nant'à una lista senza ch'ellu si sappia s'ellu hè di diritta o di manca. Ma ùn a sà manch'ellu.

È in Corsica ?
À sei settimane di u scrutinu, a frebba eletturale ùn colla ancu è e liste ùn sò ancu compie. Ma i nostri pippulitichi sò quì ! Si sà chì Patrizia Gattaceca hè nant'à a lista di Gilles Simeoni in Bastia è Mai Pesce nant'à quella di Corsica Nazione.

È basta ! Piuttostu magru nò ?

Ùn a sò po eiu, perchè u poveru Emile Zuccarelli o José Rossi ùn trovanu à nimu ?
Serge le jardinier d'RCFM, Marina Raibaldi, Hubert Tempête, Vincent Tabarani, Pierre Cangioni, Lucien Benvenuti, Michel Moretti, Jacques Bastianesi, Anto Drobnjack, Philippe di "Confessions intimes", Pascal Olmeta, Prete Mondoloni, Frico le clown, Rinatu Coti...

Pochi i pippol corsi à l'oziu ch'ùn dumandanu ch'è da ripiglià serviziu !

l'8 di Farraghju 2008
u scrianzatu



1.mandatu da Petru-Anghjulu u 08/02/2008 16:23
Ancu sorte Vincent Mc Doom un he corsu (corsa?)

2.mandatu da ghjacumu u 09/02/2008 02:19
ha ha ha !

u sbanditu t'hà raghjo, hé vera chi ancu noi l'avemu i "people" nustrali ! ma certi so veramente croce

Novu cumentu :