Accueil
Envoyer à un ami
Version imprimable
Partager

Pippulacci in Corsica : u best of di e closce

Ah, l'estate... U so mare caldu, e so zinzale, i so pumataghji, i so pippol in Corse-Matin... A stagione hè lanciata, è cummencia a cumedia in u nostru cutitianu preferitu. Tutti l'anni, hè sempre listessa cosa : i pippulacci facenu a so prumuzione in u supplementu "le journal de l'été".

Ci vole à crede chì tutti i catini ch'ellu conta u show biz francese si sò dati appuntamentu ind'è noi. È di siguru, si trova sempre più catinu per andà à licalli u culu...

Ma noi, dimmula franca : i pippol dinù sò una puluzione !



Pippulacci in Corsica : u best of di e closce
Hè un articulu nant'à l'apertura di un burdellu tenutu da Muriel Robin chì avia apertu a stagione.

Ma l'affari diventanu serii solu avà, cun ciò ch'elli chjamanu "le journal de l'été".

Tutti l'anni ùn a ci pudemu francà, hè un veru cuncorsu di e peghju closce di u show-biz chì s'offrenu una publicità in u Corse-Matin.

Di siguru, sò tutti "des amis de la Corse", apprezieghjanu l'accogliu, a simplicità, a generosità di i corsi... ma in e so villà securizate nant'à u mare, u più luntanu pussibule da u populu è i so paisanacci.

Si cummencia furtissimu u 9 di lugliu scorsu : s'ampara chì a star planetaria Yves Duteil (pensava ch'ellu era mortu...), si riposa in Purtivechju. In listessu tempu, ripusassi di chè ? L'ultima volta chì s'hè parlatu d'Yves Duteil era pè u so sustegnu à Chirac in l'anni 90...

Allora Yves Duteil si ne sorte da u so riposu pè spiegà à Corse-Matin chì "c'est ici que j'aimerais finir ma vie"... Casca male, noi ùn u vulemu, mancu mortu.



Dopu avemu avutu dirittu à Nathalie Rheims . Ùn sapete micca qual'ella hè ? Hè normale, almenu d'esse spezialistu di a sottu-literatura francese.
Ma sta brava zitella hè sopr'à tuttu cunnisciuta in San Fiurenzu per fà parte di u circulu strettu di quelli, cun Jean d'Ormesson, à avessi privatizatu u liturale pùblicu. Andate à vede stu situ chì spiega tuttu.
Dopu cummencia u festivale di i pro-Sarko in Corse-Matin cun l'antipatichissimu Alain Prost


Bernard Laporte chì face nece anch'ellu di leghje "Tempi fà".


Pensate appena...

È cosa si n'impippa Bernard Laporte di a manera di fà i pali à fasgiolu in Cugnoculi Muntichji è di i catini in legnu di Zalana !

Si cuntiniveghja sempre più forte cù u catinu intersiderale Didier Barbelivien, sceffu di a musicaccia per beaufs, campionissimu di a merda francese, tercanu di a varietà chì v'arrega u vòmitu.

Un veru vituperiu chì meriterebbi di piglià 30 anni di prigiò per l'inseme di a so opera è di i scempii ch'ellu hà fattu.

À cantu à ellu, Vincent Lagaf, Daniel Guichard è Plastic Bertrand sò genii.

In più di quessa, stu mullizzu si permette ancu di fà in u Corse-Matin l'elogiu di Sarkozy (serà cuntentu Lagardère).

Chì si pò dì nant'à stu vechju macuccu di Philippe Gildas, forch'ellu face decine d'anni ch'ellu ci rompe i stifali in Cala Rossa ? È à a MAPAD, ùn u vuleranu micca, nò ?

Ci hè qualcosa à aghjustà à què ?

Altru sustegnu di prima trinca pè Sarko, Gérald Dahan, stella mundiale in u filu di i grandi umuristi à a francese, cun Didier Gustin, André Lamy o Jean Roucas

(bon ellu ùn hè micca venutu in Corsica ma a si meriteghja quantunque)

Eccu ancu à Guidu Rossu, chì ùn hà mancu pigliatu a pena di cambià u so t-shirt cughjosu pè u ritrattu.
Infine Elie Sémoun, chì si cerca una donna è un terrenu pè custruisce.

Eccu, basterà per oghje.

Una volta di più, un grande merci à Corse-Matin per sti belli mumenti di cultura è d'infurmazione !

To be cuntinuvatu...

u 31 di Lugliu 2008
U Sgaiuffu



1.mandatu da U Cervu Corsu u 31/07/2008 05:51
Chì stumacheghji è manghjamerda ! Aghju a voglie di rende...

2.mandatu da Micca Male !! u 31/07/2008 08:22
Sta mane,ind'è Closcie Matina,u nostru amicu GCAngelini face u tippu in piazza accant'à una pipola scunnisciuta...

Avanzemu ,avanzemu...

3.mandatu da mancu male ! u 31/07/2008 11:16
bravu per st'articulu !
cìo chì hè incredibule hè sta manera di mette sti manghja-merda in scena ... u tee-shirt "corsica", u giurnale, un libbru, manghjendu un canistrellu ... so veramenti cunacci i capiredattori di stu nutiziale. Simu veramenti da vende ò chì ?!
Mi permettu quì di mette ligami di u forum di l'ACA, nant'u stessu sughjettu 'cu i stessi ritratti, s'assumglianu assaì u tonu di i duie testi, (l'altru in hè francese).
http://rossubiancu.free.fr/phpBB2/viewtopic.php?t=6672&start=0
http://rossubiancu.free.fr/phpBB2/viewtopic.php?t=6669


4.mandatu da u populu di u steccu u 31/07/2008 22:02
muarf ! bunissimu spiritu u forum di l'ACA !

ma u peghju di i pippol hè veramente quessu :

http://img508.imageshack.us/img508/7269/merzu4kr2.png

aiò...

5.mandatu da Stavroguine u 01/08/2008 05:41
Ùn vicu mai chè una cosa à dì : U PALU !!!

6.mandatu da Cumpalliols u 01/08/2008 16:02
Ùn hè micca un "best of"
Hè un Best Goffu (sta sprissione ùn hè micca di mè, mà ùn mi ricordu micca di quale hè, induve l'aghju intsu... scusate).

7.mandatu da Baretta misgia u 01/08/2008 16:46
U piòttulu a modu campagnolu (vol'di a punta à l'insù) farrìa ancu l'affari, 'n'hé o Stavrò ?

8.mandatu da telemac u 02/08/2008 00:40
Bel'articulu ! Mà, avemu da avè dirittu, torna st'istatina, à a cuncentrazione supranna di tutte e nerpie di creazione, vogliu parlà di u "beach soccer" ?! (incu sta burdana di Menibus -li manghjerebbe quantunque a sbacca-, o l'adiposu merzu di Cauet !)

9.mandatu da cazzerola u 02/08/2008 03:12
pensu chi muntà a sega è andà à liccà i pedi à u primu cuglione venutu chi hà surtitu 1 discu o scrittu 2 pagine hè qualcosa chi s'assumiglia à u "complexe du colonisé"

cumu si po esse in admirazione davan'à Christophe Barbier, Cauet o Yves Duteil ???

semu cumu i poveri africani sottumessi davant'à a u culunizatore biancu : u credimu più bellu, più forte, più putente

basta ch'ellu venga cù qualcosa chi luccicheghja : appena di soldi, appena di putere o una rolex...


10.mandatu da Baretta misgia u 02/08/2008 11:13
C. Barbier vàle di piu chi A.Albertini, Cauet più di X.Pierlovisi o Yves Duteil più di u gruppu Orizonte ?
I sbarcàtici ci rispechjannu ciò chi nò semu veramenti attualmenti, puntu é virgula !!
Semu nò chi sbarchemu l'istati indé nò!
Campemu sottu à u regnu di a mediocrità; pagemuni u prezzu ! CÌVA !!

11.mandatu da Baretta misgia u 02/08/2008 11:54
U "h", u mittiti induva 'la vi pari. A sò, unu m'era scappatu é l'aghju richjàppu !!

12.mandatu da Pasquale Paoli u 04/08/2008 14:28
Saluti à tutti di a Piazzetta.
Bravu per stu articulu interessantissimu.

Ciò chì mi disgusta u più à me, é chì mi da varemente a voglia di rughje i me trippi, ghjè di vede, per esempiu, chi si và a plasticà a casa di "un'poveru" copiu di vechji ritratati Francesi mentre chì si lascianu custruì a colpu di centenai di case pippulaccie.
Alora mi venenu in capu qualchi quistioni : cume si fà chì e case d'i un'pippulacci un'cascanu micca quandu quelle di u quindam Francesu sò plasticate ?
Qual'he chì mi podera dà una risposta ?

13.mandatu da Mirvella u 04/08/2008 15:56
Ghje' so sicuru chì 'ssa Nathalie Rheims li piacini i sciappati annant'à i paffi...

14.mandatu da Pasquale Paoli u 04/08/2008 17:56
Ancu u Zidane vene à ghjucà i peoples in Corsica, postu ch'ellu a compratu in u 2007 una casa in Saperone.
I Corsi si fanu pocu a pucu spuglia di a so tarra.
Materazzi avia raggiò ! Avà tutti i figlioli di troiaccia svarcanu indè noi.

15.mandatu da Còsulu u 05/08/2008 11:36
...O pichjàla inc' una ciuffa di prunalbeddu annantu a potta li piaciarìa à Nathalie nò ?

16.mandatu da Montana u 11/08/2008 17:43
sentite a cacciata d'una pinzutaccia a un' amica chi tene un' osteria...
li avia dettu ch'avemu assai liccia di stà in Corsica perchè ci so veramente assai "stars" chi venenu indè noi cume Cauet è tutte l'altre closce di st'articulu...
ci vole veramente esse conu in veru per vene in Corsica ghjustu pè vede a issi pipulacci...

17.mandatu da (S)CAMARONE u 27/08/2008 17:46
LEGIO PATRIA NOSTRA

Tamanta nova sta mane
Corse-Matin hè scuzzulatu
Sarà a fine di u mondu ?
Un legiunariu hè cascatu
L'anu tombu i talibani
Chì sò omi è micca cani

Un suldatu di a pace
Ind'un paese luntanu
Hè ghjuntu cù le so arme
À purtà focu è dannu
Li anu datu lu contu
È ne facciu lu racontu

Era un balaninu finu
Edmondu a m'hà detta eri
Un amicu di i corsi
I ligiunari sò fieri
In PonteNovu cun elli
Avianu vintu i ribelli

Oghje a Corsica piegne
A persu un figliolu caru
Custarà a so pinsione
Un pacchettu di dannaru
Di dì 'a legione fora'
Avane ùn hè più l'ora

Cù i nostri amichi pippoli
Faremu a Corsica nova
Pà u ricordu di Penon
U Daniele Casanova
Sarà oghje sbattizatu
Vogliu ch'ellu sia fattu

Cù la bandera nustrale
Altr'è tantu ne faremu
Sarà ella verd'è rossa
Lu muracciu cacciaremu
Si ne scorda Bustanicu
Di lu so anticu numicu

Oghje tuttu hè cambiatu
Lascemu corre a filetta
Ci vole à esse aparti
Per fà sacchi di muneta
A legione hè una vicina
Ne faremu una cugina

18.mandatu da S. Casalta u 16/09/2008 10:41
bravi per i vostri articuli !!!!!!!
Stéphane Casalta

19.mandatu da piratella u 16/09/2008 15:00

o STèèèè, ferianu megliu di mustratti à tè in fotò! sì più bellu chè tutte 'sse closce...Basgi

20.mandatu da arrimbati u 15/03/2010 18:58
un capiscu micca perche coghju matin un mi mette micca à mè nant'à sti ritratti, purtantu so a piu bella di a mo paese di 3 abitanti è so stata ancu obligata à crepa mi un occhju...

Novu cumentu :