Accueil
Envoyer à un ami
Version imprimable
Partager

Più essenza ? Circulazione impussibule ? Pruvate u trenu

Più essenza, ciruclazione difficiule, ingorghi, staziunamentu impussibule, vi ritruvate azezi è annerbati. Hè forse u mumentu di cambià e nostre manere di piglià i trasporti.



Averemu da finisce cumu in u filmu Mad Max ? Ùn ci simu ancu, puru sì e scene d'assaltu di e stazione d'essenza dop'à u blucchime di i dipositi di petroliu di u Vaziu è a Marana hè una prima tappa.

A mancanza d'essenza in i ghjorni à vene ci deve fà riflette à a nostra manera di spiazzacci. In u paese di a vittura-regina, di i trasporti in cumunu sottusviluppati è di l'abitutine di a piglià u 4x4 per fà vinti metri, chì ponu esse e pussibilità ?

In Francia, a bissicletta pò esse una suluzione. Ma "tamanta strada" per alzassi à u livellu di Copenhague, in avanzu nant'à tutti (55% di i spiazzamenti si facenu à bissicletta in u centru di a capitale danese...)


À l'essenza chì pò mancà, aghjustateci... a panicca nera nant'à a strada. Quelli chì piglianu ogni ghjornu a vittura per entre è sorte da Bastia a sanu bè. Cù i travagli di i giratoghji di Casatorra è Furiani (chì anu pigliatu assai ritardu...), u passa è veni hè diventatu infernale.


Passemu nant'à e difficultà per truvà una piazza di staziunamentu. A "guerra di i parkings" hè d'altronde diventata una tematica abituale di l'elezzione municipale d'Aiacciu è Bastia. Un running gag.

Chì alternativa allora ? In vittura, u cutitianu diventa da veru un capatoghju. Forse a suluzione hè sempliciamente... u trenu ? Omancu per quelli chì stanu vicinu à una gara (per quelli chì stanu in Rutali è chì travaglianu in Bastia, hà da esse più difficiule, hè sigura).

Ma in u circondu bastiacciu, i lochi ci sò :


È l'orarii permetteranu à certi di piglià stu mezu di trasportu :


Di più infurmazioni : cf-corse.fr

È d'altronde, l'affare viaghja piuttostu bè ci dice Corse-Matin :


Allora chì manca per francà u passu ? Forse di più treni, cun pass'è veni stabiliti più spessu. L'orarii ùn cunvenenu à tutti...

I prugetti di sviluppu di i trasporti in cumunu ci sò cù e "gare multimudale". Ma per quandu ?

In quant'à l'accunciamenti di u spaziu, saria bè di falli più siguri per quelli chì sò à pedi. In Corsica, l'urbanisimu hè spessu pensatu pè e vitture, micca tantu pè i pedoni. Pruvate di traversà a RN 193 un ghjornu.

Allora à quandu un veru sviluppu di u trenu ? Oghje diventa una necessità. Altre suluzione per sorte da l'ingorghi, ùn ci n'hè...

Più essenza ? Circulazione impussibule ? Pruvate u trenu

u 27 di Maghju 2016


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta