Accueil
Envoyer à un ami
Version imprimable
Partager

Ponte Novu, iè ma quantu morti ?

Ponte Novu, tuttu u mondu cunnosce. Maghju 1769, l'armata naziunale corsa contr'à quella di u rè di Francia, una disfatta, Paoli chì parte in esiliu dui mesi dopu, è u principiu di i castichi. Ma chì fù u bilanciu ?



Ponte Novu, iè ma quantu morti ?
Di Ponte Novu si cunnosce ancu a paghjella, arregistrata da Canta u Populu Corsu :

S'è tù passi pè ste sponde
Pensa à salutà a croce
Quì sò cascati l'antichi
Cantendu à alta voce
Per difende a libertai
Contr'à u Francese feroce


U pitch : Genuva cede a Corsica à a Francia cù u Traité de Versailles in u 1768, pè 200.000 lire à l'annu durante dece anni. Ma Pasquale Paoli ùn vole sente nunda è parte in guerra.

L'armata naziunale mette una concia d'antulugia à i Francesi in U Borgu, d'ottobre 1768. L'officiali Chauvelin è Marbeuf scappanu, Ludre fù statu fattu prigiuneru.

Azezi fragichi d'esse stati ridiculizati, u Rè di Francia mette u pacchettu. A vigilia di a battaglia di Ponte Novu sò più di 22.000 i suldati francesi in Corsica. Circa 15.000 in Nebbiu, Custera, Marana è Casinca chì marchjanu versu Corti per fà cascà a sede di u guvernu di Pasquale Paoli. L'altri suldati sò in e cità d'Aiacciu, Bastia, Bunifaziu è Calvi).

D'appressu à i storichi ci saria statu 500 Corsi cumprati in e truppe francese. In più di quessa, l'armata hè ecchippata cum'ellu ci vole, cù cannoni è fucili.

In faccia, da u cantu di u Rustinu, Paoli hà messu 2000 Corsi in Ponte Novu. Cun elli ci sò mercenarii prussiani è svizzeri. Sò dinù 1000 in Ponte Leccia è 1200 balanini accaniti à impuzzichisce a vita di e truppe francese da u cantu di Petralba è in Tenda.

Cunniscite a seguita. L'armata paulina franca u ponte è attacca i Francesi chì tenenu u Nebbiu è i paesi di Custera. Quand'elli facenu pè turnà, i suldati prussiani chì ùn ci capianu nunda tiranu nant'à... i suldati corsi. Avianu per ordine di tene u ponte è di tirà nant'à tutti quelli chì circherianu di passà. L'errore costa caru, ma Paoli ci crede sempre è i so suldati cuntinuveranu à battesi.

Ci serà un'altra battaglia, più grande ch'è quella di Ponte Novu, sta volta nant'à u ponte di u Vechju un mese dopu. Quessa sunerà u murtoriu di u sonniu di Pasquale Paoli. U 13 ghjugnu 1769, u Babbu di a Pàtria deve parte per un esiliu di vinti anni. Hà persu a Corsica, ma hè stimatu in l'Auropa sana è riceve un accogliu triunfale in Italia, in Austria, in Olanda, in Inghilterra.

Per ciò chì hè di u bilanciu, i sciffri sò parechji. Da u cantu francese, si dice cusì :
D'appressu à u generale Guibert : 250 morti è 250 feriti corsi, 50 morti francesi
Per Lenchères : 200 morti corsi, 50 o 60 francesi
Per De Vaux et Pommereul : 500 morti corsi, 60 francesi

Da u cantu paulistu, si dice cusì :
D'appressu à u giurnale I Ragguagli (u giurnale di u statu corsu) : 60 morti corsi, 300 francesi
Pè Ambrogio Rossi : 300 Corsi morti, 400 francesi

È in Italia...
A Gazzetta Toscana ella parlava di 6000 à 7000 francesi tombi.

Difficiule dunque di tirà un veru bilanciu di a battaglia di Ponte Novu.

Forse, si pò crede à Ghjacintu Yvia-Croce (Quarante ans de gloire et misère. La Révolution corse (1729-1755), Albiana 1996) chì scrive : "On ne doit être guère loin de la vérité en avançant qu'il y eut quelques 150 à 200 morts de chaque côté et autant de blessés."

Ciò chì ferà scrive à Pommereul : "quatre mois après ce combat, le pont était encore couvert de sang coagulé"...

Natu in u 1769, Napulione scriverà una lettera à Paoli firmata celebre induv'ellu dicerà : "Général, Je naquis quand la patrie périssait. Trente mille Français, vomis sur nos côtes, noyant le trône de la liberté dans des flots de sang, tel fut le spectacle odieux qui vint le premier frapper mes regards. Les cris du mourant, les gémissements de l’opprimé, les larmes du désespoir environnèrent mon berceau dès ma naissance." Ma quessa, hè un'altra storia...

Da leghje :

Paul Silvani, La Corse au temps de Paoli (Albiana 2007)
Sott'à a direzzione d'Antoine-Laurent Serpentini, Dictionnaire historique de la Corse (Albiana 2006)
Jean-Marie Arrighi è Olivier Jehasse, Histoire de la Corse et des Corses (Perrin, 2008)
U dissegnu hè l'opera di Ghjanfrancescu Gandon, esciutu in Promenade à travers l'histoire de la Corse, scrittu da Carlu Castellani è Ghjacumu Fusina (Scola Corsa 1984)
Hyacinthe Yvia-Croce, Quarante ans de gloire et misère. La Révolution corse (1729-1755) (Albiana 1996)

l'8 di Maghju 2014



1.mandatu da sardu u 08/05/2014 03:06 (da un teleffuninu)
ponte novu...a gazzetta toscana dice...6000-7000morti francesi morti... paoli ava vintu!ALLORA perché site francesi?! A piazzetta un hé chi ci fu un accordu tra genuvesi e francesi?... Eu so solu chi a francia fece pagare a genova 2milioni fiorini!!

2.mandatu da sardu u 08/05/2014 03:10 (da un teleffuninu)
genuva un ci li aveva... Voila, corsica vs francia! Chi brutta storia:(

3.mandatu da Cagliari u 08/05/2014 04:41
Storia tanto triste questa ...Corsi molto coraggiosi, vi auguro un giorno una bella nazione tutta vostra. E migliori rapporti con l'Italia, specie con la sorella Sardegna

4.mandatu da disfattu di ponte novu... u 08/05/2014 11:50
u tempu hè passatu....ci hè prescrizione no ? Avà i francesi so i nostri amichi e pe certi forse ancu i nostri fratelli"....u tempu sguassa tuttu un ci si po fà nulla contr'à quessa...

5.mandatu da the new bridge u 08/05/2014 12:05
e allora s'ellu ci he prescrizzione?
ùn ci scurdemu di a nostra storia, e di quelli chi anu cummemuratu a battaglia di Ponte Novu durante tutti st'anni dopu guerra induve a memoria corsa si sguassava e induve ci he vulsutu à resiste
eramu minuritari, e s'e no ne simu qui oghje hè dinù grazia à st'antichi chi anu mantenutu sta memoria
avà tocca à noi di mantenela

6.mandatu da arcusgiu u 08/05/2014 13:39
"Plus de batailles le 8 mai !"

7.mandatu da FGH u 08/05/2014 14:15
I francisacci ùn seranu mai i nostri amichi

FRANCESI GO HOME

8.mandatu da Andarelli u 08/05/2014 14:43 (da un teleffuninu)
Avia dettu Michel Rocard, anzianu Primu ministru Francese, in "Corse : jacobin, ne tuez pas la paix ! ", "Lorsque Louis XV acheta les droits de suzeraineté sur la Corse à la république de Gènes, il fallu une guerre pour prendre possession de notre no

9.mandatu da Santu di Corsica u 08/05/2014 14:52
Bravu d'avè trovu sta frasa o Andarelli. Manca a fine ;

lorsque Louis XV acheta les droits de suzeraineté sur la Corse à la République de Gênes, il fallut une guerre pour prendre possession de notre nouveau domaine. La France y perdit plus d'hommes que pendant la guerre d'Algérie.

10.mandatu da L'antenatu u 08/05/2014 17:10
O mansa di francesi, casa ùn avete ?

-> SNCM è Air France

11.mandatu da u ziu u 08/05/2014 20:33
Ci vole à felicità i nostri giovani per sta cummemurazione

http://corse.france3.fr/2014/05/08/commemoration-en-corse-de-la-bataille-de-ponte-novu-473471.html

bravi !

12.mandatu da u rossu u 08/05/2014 20:57
felicitazione a i giovani di U Ricordu di Ponte Novu.


13.mandatu da acquaviva u 09/05/2014 10:07
REPUBLICA FRANCESA GO HOME .UN SIMU RAZZISTI DUNQUE UN LI MANDEREMU MICA FORA A CALCI IN CULU MA MINURATURI IN CORSICA UN'ERA U NOSTRU SOGNU.PER FIRMA ST'IMMIGRAZIONE FRANCESE BISOGNA A FA DIVENTA A CORSICA SEMPRE MENU FRANCESE E SEMPRE PIU CORSA E TALIANA CU U MASSIMU DI LIAMU ECONOMICHI ,CULTURALI E UMANI CU A TERRA FERMA CUME A I TEMPI DI PAOLI.UN SIMU NOI ABANSTANZA NUMEROSI E PUTENTI PER SMANTELLA A FRANCIA MA SE L'AUROPA FEDERALE DI I POPULI AVENNE N'HE SARA FINITU DI L'UNA E INDIVISIBILE CUME A CHJAMAVA A MUVRA.ONORE A I MUVRISTI E A SANTU CASANOVA SO ELLI CH'ANNU MANTENUTU A FIAMMA E A CROCE DI U RICORDU SO ELLI CHI L'HANNU FINANZIATA E ERETTA IN CORSICA.A QUANDI UN UMAGGIU A QUELLI INVECE DI I NICOLI E ALTRI CUMMUNISTI DI U PCF PEGHJI CULLABORATORE DI A FRANCIA.

14.mandatu da bastiacciu stortu u 09/05/2014 10:53
O Acquaviva , proponi un cambiamentu di patroni ....e Taliani ???... mancherèbè altru...!!!...Ci so semprè in Corsica chi s'arricordanu di a caserma Marbuffo .... cumè li dicianu tandu ...!!!

15.mandatu da bastiacciu stortu u 09/05/2014 11:02
Per quelli c'un a sanu caserma Marbuffo era l'anzianu " lycée Marboeuf "in Bastia , e quartiere generale di camisgie nère é di l'Ovra ....

16.mandatu da simu freschi u 09/05/2014 11:14
o bastiacciu stortu parli ancu tù cum'è Riolacci ? basterà cusì nò ?

17.mandatu da bastiacciu stortu u 09/05/2014 11:31
O amicu freschu , eio un parlu micca cume Riolacci , c'unu possu vèdè , ma a storia e quessa , e corsu so quantè l'altri , so natu in Bastia a u merca in 44 , é di Marbuffo crèdimi puru n'aghju intèsu parla tutta a mo ghjiuventu .....

18.mandatu da disfattu di ponte novu... u 09/05/2014 14:25
@ New Bridge, mantenimu a "memoria" e un ghjornu ghjvanni corsi anderanu à tirà nant'à a francesi ( flicchi o militari) o ancu puru nant'à i stitutori a altri funziularii scalati.e finisceranu a so vita in prigiunie....e tandu ??

19.mandatu da O CORSU RIFLETTI u 09/05/2014 15:00
À « Disfattu di Ponte Novu »,
Simu stati disfatti ma a cummemurazione ghjè per piglià cuscenza di a nostra Nazione, di u nostru Populu. A pudemu dì à a Francia, à l’Europa, à u mondu sanu.
Si pò avè l’Autunumia è campà in fratellenza cun l’altri Francesi. Ùn ci hè bisognu di tirà nant’à elli, chì simu oghje tutti mischiati è ci vole à esse aperti. Basta chì a Francia ricunnosca a nostra specificità.

20.mandatu da pseudo u 09/05/2014 15:59
Se no simu quì hé dinu chi i nostri antichi anu tenutu st´idea naziunale durante tutti st'anni induve era mal vistu d'esse "cursisti".

Un ci scurdemu di tutti quelli chi anu purtatu stu messagiu

21.mandatu da Cagliari u 11/05/2014 00:18
L'italia non è piu quella dei fascisti per fortuna. Non ricordate solo le cose brutte di noi...

22.mandatu da sardu u 11/05/2014 01:56 (da un teleffuninu)
ié, ma hé u paese di mafia é corruzzione...quantunque so FIERISSIMU d esse talianu!! Un pensá male cagliari... Saludos da Quartu.

23.mandatu da acquaviva u 11/05/2014 15:54
bastiacciu si stortu o che?ADUVE AGHJU PARLATU DI DIVENTA PULITICAMENTE TALIANU AGHJU SOLU DETTU CHI A CORSICA HE CULTURALMENTE TALIANA BASTA A PARLA CORSU E DA U SO CUGNUME NE U MONDU SANU PER ESSE CHJAMATU TALIANU E UN CI POI NUNDA.I CORSI UN SO MICA NATI ANTI/TALIANI MA SO DIVENTATI CUSI DOPU A 2 SECULI DI ODIU E DI PRUPAGANDA PRO/FRANCESA. ERANU ANCU ANTI/CORSU :UN L'HAI MAI INTESI I CORSI IMPIZUTITI CHI UN SAPIANU MANCU DI U SO CUGNOMI E QUELLU DI U SO PAESE SENZA PRUNUNZIALU SFRANCISENDULI.AVEMU VISSUTU NE U STESSU PAESE?L'HAI INTESI QUELLI DI CORSE FRANCAISE E DI U PCF? SO ELLI CHI SO OSSESSIONATI DA L'ITALIA :MENTRE QUELLI STUPAVANU NANTI A CORSICA SO I MUVRISTI CHI HANNU MANTENUTU A FIAMMA MAI RINEGHENDU I LIAMI CU L'ITALIA.A L'EPICA CI VULIA U CURAGIU PER MICA SEGUITA A MANSA DI PECURE CHI S'ERA VENDUTA A A FRANCIA E RESISTE A UNA CORSICA DIVENTATA SRERICAMENTE PRO/FRANCESA.SIMU TUTTI STATI VITTIME DI STA MANIPULAZIONE EIU U PRIMU:PER PIACE U FATTU CHI L'ITALIA ABBIA OCCUPATU A CORSICA PER 9 MESI UN GIUSTIFICA IN NISSUNA MANERA U RINEGAMENTU DI A SO VICINANZA CU L'ITALIA E I TALIANI.I FRANCESI HANNU TUMBATU 100 VOLTE PIU CORSI E DI QUESTU UN NE PARLI?

24.mandatu da O CORSU RIFLETTI u 11/05/2014 19:12
À Acquaviva.
Chì vole dì « culturalmente taliana »? S’ell’hè una lingua vicina, sì, ma l’istessa lingua, nò. A prununzia hè sfarente spessu. Attenti, u vocabulariu pò cunduce certe volte à cunfusione. Per esempiu, u cugnome vole dì « le surnom » in corsu è micca « le prénom ».
Avà pò, per ùn avè nisun razzismu o odiu versu i Taliani simu d’accunsentu, eppoi per avè rilazione culturale è ecunomiche dinù. Ma u corsu oghje hè diventatu una vera lingua elaburata è cù una mansa di scrittori chì dapoi a fine di u dicenovesimu seculu, l’anu rialzatu. Ed hè sempre parlata di manera sputica.

25.mandatu da sardu u 11/05/2014 20:03
semplicemente u corsu hé crisciutu cume u talianu....ancu perchè u talianu era lingua ufficiale sinu a 1859, pe quessu hè acu a base di u corsu,vale a dì u tuscanu(talianu "anticu") cioè u padre di talianu modernu! a corsica fa parte di a cultura "italica", d accunsenti corsu rifletti?

26.mandatu da #BienJouéStéphaneGori u 07/05/2015 08:29 (da un teleffuninu)
Acquaviva = Troll / Fasciste / Irrédentiste / Poubelle de l''Histoire.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta