Accueil
Envoyer à un ami
Version imprimable
Partager

Ponu e seghe ghjuvà à qualcosa ?



Ind'i tempi, si timìa u lupu, l'orsu, a vulpaccia. Sì i zitelli ribelli ùn manghjavanu micca a so suppa, i genitori minacciavanu di chjamà subitu un predaghju gigante, un mostru, un carnazzeru, un orcu o un strigone.

Oghje sò l'animalucci chì sò à a moda.

« Vai chì, sì tu ùn manghji, chjamu subitu u Dryocosmus Kuriphilus è viderai, chì ellu t'a da caccià i vezzi».

Ponu e seghe ghjuvà à qualcosa ?

L'educatori primurosi d'esse muderni anu a scelta, ponu chjamà à a riscossa a Xylella Fastidiosa (nunda chè u nome !!).

Ponu e seghe ghjuvà à qualcosa ?

O allora u Rhyncophorus Ferrugineus...

Ponu e seghe ghjuvà à qualcosa ?

È perchè nò, u vermicellu ingordu, a lumaca paranòica, a puce mutante, a zecca azeza o u pinzachju impinzutitu.

Basta à girà e spalle è affacca una cusarella chì si manghjiculeghja un arburetu.

Ma ci hè un arburu chì resiste sempre à e vacche famite, à i microbi, à a pulluzione è chì si sparghe longu à e strade. Ci n'hè millaie. Dice omu chì li piacenu i lochi tralasciati, i terreni abandunati. In quantu à me in Corsica sò i so scialli. Ghjè una spezia invasiva chì ùn hè mai stanca di caccià talli, fronde è grane.

U prublema hè chì quessu l'arburu (ùn hè mancu goffu) impedisce l'altre piante di cresce è piglia a so piazza. U chjamanu Ailante in francese. Ailanthus Altissima, in latinu :


Ponu e seghe ghjuvà à qualcosa ?

Speremu chì i lignaghjoli apreranu l'ochji è invece di stirpà i foi è e lecce taglieranu piuttostu quellu invasore.

Avale sì, chì e seghe ponu ghjuvà à qualcosa.

l'11 di Farraghju 2015
Zenbucucciu



1.mandatu da judithcohen u 11/02/2015 13:17
peghju chè u soldu à ruvinà tuttu ùn ci hè...

2.mandatu da Ramu u 11/02/2015 21:12
Tutto quel che vien dalla Cina è una rovina

3.mandatu da sardu u 11/02/2015 21:54 (da un teleffuninu)
tuttu qué chi vene da a Cina hé una rovina...micca sempre...

4.mandatu da acqualacciu u 11/02/2015 22:56
Fotò pigliata in Niolu.

5.mandatu da J G u 13/02/2015 07:28
Prima di ghjunghje in due noi , tuttu passa pe a Sardegna , una passerella da l'oriente a l'occidente u ventu face u restu

6.mandatu da sardu u 13/02/2015 08:32 (da un teleffuninu)
Cioé? Ci só ancu qui?

Novu cumentu :