Accueil
Envoyer à un ami
Version imprimable
Partager

Poveru Pasquale Paoli

Quandu Aiacciu mette una statua di Pasquale Paoli, u Generale hè menu bellu chè Napuleone.



Bouddha ? Yoda ? Nò, Pasquà...
Bouddha ? Yoda ? Nò, Pasquà...
Dapoi sta settimana, Aiacciu hà a so statua di Pasquale Paoli. Scusate, di "Pascal" Paoli. Hè cusì ch'ellu hè scrittu nantu (da vede nant'à CNI).

Ma à vede tutti i castichi ch'ella hà scuntratu sta povera statua, ci hè da dumandassi s'ellu ùn ci hè micca una maledizzione. Cumu sì u spiritu di Napuliò ùn vulia sente parlà di Pasquà.

Prima ci hè stata l'inaugurazione mancata da Valls. A statua duvia esse messa in u palazzu di ghjustizia, ma l'affari ùn si sò fatti. Prublemi tennichi ci anu dettu... Veramente ? A statua era dunque SDF.

Ma ùn hè micca finita. Durante u so viaghju in Corsica, a statua hè... cascata per istrada è ci hè vulsutu à falla vultà ind'è u scultore.

Forse serà una spiegazione à u so aspettu "gobbu" ?

Dapoi a publicazione di u ritrattu, nant'à a pagina Facebook di A Piazzetta hè lanciatu u cuncorsu di a sumiglia di a statua. À chì dice Bouddha, à chì dice Mao Zedong, à chì dice Maître Yoda.

In generale, e statue nove ùn piacenu mai. Ma custì pare ch'ella face veramente l'unanimità contr'à ella. Poveru Pasquale.

È voi, chì ne pensate ?

Poveru Pasquale Paoli

l'8 di Lugliu 2013
U Webmaestru



1.mandatu da bastiacciu stortu u 08/07/2013 09:48
AÎO ZITELLI ....!!! quessu un n'é Paoli ... ghjié Annibal Lecter....!!!

2.mandatu da bastiacciu stortu u 08/07/2013 10:16
O forzè cu un kepi , u chef cruchot .....

3.mandatu da Ramon Tesoru u 08/07/2013 10:35
In fatti,
- li tagliate i capelli sopra a l'arecchje
- cu un paghju di specchjetti nant'a u nasu
truvate u ritrattu di..........Paulu Giacobbi!!

4.mandatu da cavallutontu u 08/07/2013 10:53
Chi impiastratta !!!

ghjè un certu vergnes chi l'à fatta, mì dumandu quantu l'anni paghattu stù "chef d'oeuvre" !

anchu se ci vole à dila, un hè micca milou ch'avaria spesu i soldi per u babbu, alora ok hè goffissima mà felicitemu à Simonu Renucci quantunque.

5.mandatu da ohimè u 08/07/2013 13:05
Site ben sicuri ch'ùn hè micca a statua di Danton ?

6.mandatu da circinelludiguagnenativupeliguagnesusosanguaversatu u 08/07/2013 13:18
Poooo ! Ghjè invechjatu Jackie CHAN o ch'ene ?!

7.mandatu da babbo u 08/07/2013 13:32
Ha una bella facia per un omu di piu di 200 anni,non

8.mandatu da Birbintellu u 08/07/2013 14:05
Eiu pensu ch'ellu face di corpu.

9.mandatu da livia u 08/07/2013 18:55
U Babbu di a Patria, u tintu, un meritava micca què !!!

Pari chi, in Merusaglia, si sentini rimori : U Babbu si volta e si rivolta in la so tomba

Ô Simon, [dettu (in francese) "le ravi de la crèche"], va bè ???

10.mandatu da bastiacciu stortu u 09/07/2013 13:45
Parè u culunellu giaponèsè di u " Pont de la rivière Kwaï ........"

11.mandatu da Robespetru u 10/07/2013 18:30
A mè, mi piace assai, scusatemi... Ma à à maio parte di i Corsi, mi si pare, li piace piuttostu u rialisimu sucialistu, o u classicisimu à l'usu "David", servu bè cunisciutu di Nabulio. Sarà un restu di stintu rivoluzionariu, o di bonapartismu?

U nome "pascal" hè un'idea strana, ma pà u restu, un capiscu micca tutta sta pulemica... Annanta u forum, sta mane, c'era dà ride!

12.mandatu da Ahmed Zavìa u 12/07/2013 07:52
A spiegazione ghjè chi sta pòvera stàtula si n'hè cascata da u camiò chi a traspurtatva...
Per quèssa ùn c'hè nunda di stunante à vede-la cusì...
E scumettimu ch'ella si ne serà fallata di musu in nanzu...

13.mandatu da J G u 15/08/2013 11:07
O Corsica

Straziata da tutti quelli
Chi in cerca di notorietà
Ti volenu guvernà
Furesteri o puru fratelli
Perdi u to venistà
L’esempiu co vi vogliu dà
He quellu chi a da seguidà :
In Alandu in u cuventu
Logu di fede e di preghera
Dui corsi o chi scumpientu
Si so fatti a guerra
Matra per intrapulà u babu
Pasquale di a nostras terra
L’unione face a forza
E discorda porta in a fossa
A storia a longu andà
Mi permettu di dubità
Chi un ghjornu possi cambià

Piu vicinu a noi in ajacciu , i bonapartisti
hanu ricusatu di fà entre in u so muvimentu a Carlu Napulione Bonaparte
Tuttu hé dettu un c’hé più n’unda à sperà
hé cusi e sempre cusi serà
In duve sô l’omi di bona voluntà

Novu cumentu :