Accueil
Envoyer à un ami
Version imprimable
Partager

Prima à i toi, dopu à l'altri s'è tù poi

In Cervioni, u cunsigliere generale Pierre-Louis Nicolai hà inauguratu u carrughju... Pierre-Louis Nicolai.



Prima à i toi, dopu à l'altri s'è tù poi
In francese si dice "on n'est jamais si bien servi que par soi même".

In corsu ci hè un pruverbiu chì dice "prima à i toi, dopu à l'altri s'è tù poi".

È cumu in Cervioni e tradizioni si rispettanu, u cunsigliere generale attuale di u Campuloru è anzianu merre Pierre-Louis Nicolai e mette in applicazione.

Hè cusì chì u 14 di lugliu passatu, l'anziana Traversa hè stata battizata "Traversa Pierre-Louis Nicolai", in presenza d'ellu stessu di siguru.

Dà u so nome à un carrughju allora ch'omu hè sempre vivu, Vladimir Poutine a sunnieghja ma ùn hà ancu riesciutu à falla.

Solu Mobutu avia riesciutu sta prova in Kinshasa.

Quand'è no vi dimu chì in Corsica simu più forti chè l'altri !

u 16 di Sittembre 2012



1.mandatu da La france a peur u 16/09/2012 18:10
Site gattive lingue. Nicolai averia pussutu inaugurà una statua d'ellu stessu

2.mandatu da Kim Jong di Pappà u 16/09/2012 20:47
In Purticciu ci hè un carrughju Marie Jeanne Bozzi, allora chi un giacobbista battizeghja un carrughju a u so nome un mi stumaca tantu.

3.mandatu da Michel des pains aux chocolats à 4h du matin u 16/09/2012 20:54
ci vole veramente à esse baulli per dassi cusì tantu impurtanza, corcia ghjente... Eiu avia sciaccatu sottu à a pancarta : "a traversa Pierre-Cosu Nicolai, carrughju di a merda"...

4.mandatu da ANTO u 17/09/2012 13:16
A parte esse merre chi a fattu st'omu pè avè un carrughju a u so nome .Mancu in u Borgu un c'hè carrughju Anna Maria Natali !In Venacu c'hè un stadiu Paulu Giacobbi ,ma si tratta di u babone di l'attuale presidente di a regione chi era ministru impurtante et grande resistante !Oghje tempu appena di mudestia un farabbe micca male .Ma chi trueranu in u fattu di fa i ghjalinacci !

5.mandatu da Acqualacciu u 17/09/2012 14:33
S'è tutti merri è i consiglieri generali facenu cusì, hà da esse assai difficiule di truva u so caminu in i nostri paesi...

6.mandatu da KüG u 17/09/2012 22:06
Gimnasiu Marceddu Francisci

7.mandatu da jb u 18/09/2012 12:14
A mumenti à statua ! Attenti...

8.mandatu da Ghjiseppu u 18/09/2012 12:46
Un vi scurdate micca di Stalingrad !!!

9.mandatu da n'u u fondu di a Valle u 18/09/2012 21:33
Entre ici Jean Moulin.....!!

10.mandatu da Caccia pace u 19/09/2012 21:46
O ghjente, iss'omu ùn hè micca veramente nurmale, ùn vale a pena di scherzà, ghjè cum'è s'ellu era un pocu in ritardu.
Basta à vede e s'intervenzione à u cunsigliu generale, i so detti nant'à l'arabi... Sò parechji i capizzoni pocu astuti di strema dritta giacubbista cum'è ellu o Guidoni. Averebbe dettu u ghjornu di l'inaugurazione di stu carrughju "Eh, s'elli u battizanu dop'à a mo morte, cumu faraghju per vedelu?".

11.mandatu da Francescu u 20/09/2012 15:20
Ma ùn ci vole à more pè avè didicatu un carughju?

12.mandatu da attenti i sumerone u 21/09/2012 11:25
U so Livret A un si chjamu mica "merci cervioni"?

13.mandatu da attenti i sumerone u 21/09/2012 12:17
E mortu ?

14.mandatu da J G u 22/09/2012 07:48
e bè d'avè palisatu su fattu , cusi serà ridiculu piu che Minutu !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta