Accueil
Envoyer à un ami
Version imprimable
Partager

Pronti per un Patriot Act francese ?

U lindumane di a strage di u World Trade Center u 11/9/2001, Georges Bush Jr facia passà una spezia di lege per luttà contr’à u terrurismu, u "Patriot Act". Dop'à l'attaccu di Charlie Hebdo, si parla in Francia di rinfurzà e misure "securitarie". Sin'à induve ?



Pronti per un Patriot Act francese ?
Prima, ci tocca à spiegà in qualchì puntu ciò chì hà permessu u Patriot Act, vutatu pocu dopu à l'ondeci settembre, à un mumentu induve l'Americani eranu in brama di securità :

  • Rinforzu di a securità interna : vita privata lampata in pianu, cuntrollu di e bibliuteche, di i studienti, putere crisciutu di a pulizza, diritti di l'omu pruibiti in casu di suspettu di terrurisimu
  • Rinforzu di a surveglianza : sateliti, ascolte telefoniche à buzeffu senza ghjustificazioni...
  • Prutezzione di e fruntiere
  • Supressione di l'ostàculi per l'inchieste : basta d'esse suspettatu d'esse un terruristu per esse in guardia à vista senza limita di tempu. D'avucatu ùn si ne parla micca è di mandatu ghjudiziariu ùn ci n'hè più bisognu...
  • Rinforzu di u rinsignamentu : centralizazione di tutte l'infurmazione chì ùn seranu mai più assigurate
  • Rinforzu di a lege penale : negazione di u dirittu di difesa, accessu à u cartulare pruibitu. Creazione di e categurie di "nemicu cumbattante" è di "cumbattante illegale"
  • Putere crisciutu per l'agenze di rinsignamentu : cuntrollu di a navigazione web (accessu à i dati di i "FAI"), ascoltu è filature multiplicate, senza accordu di i ghjudici

Traumatizati da l'attentati di u 11/9, l'Americani accettanu tuttu quessa senza ponesi dumande. U Patriot Act hè vutatu fine ottobre 2001. Purtantu, hè un veru rinculu di e libertà.

Pronti per un Patriot Act francese ?

Impussibule in Francia ? Ùn cridite micca chi st’orwellata sia una fola di dopu cena. L’idea face u so caminu in i media è ind'è i pulitichi :

Pronti per un Patriot Act francese ?

Pronti per un Patriot Act francese ?

Pronti per un Patriot Act francese ?

Pronti per un Patriot Act francese ?

Pronti per un Patriot Act francese ?

Pronti per un Patriot Act francese ?

U peghju hè chì l’Americani si pentenu oghje di u Patriot Act. A cuscenza di e derive hè venuta, ma troppu tardi, dop'à Guantanamo, a turtura è u scandalu di l'ascolte di a NSA...

Pronti per un Patriot Act francese ?

Da leghje : Aux Etats-Unis, un Patriot Act largement critiqué.

È nant'à Le Monde : « Le Patriot Act à la française, on n'en est pas loin »

Di siguru, sò parechji à inchietassi, cum'è Robert Badinter, chì parla di "trappula" : "ne nous laissons pas aller à des ripostes de papier" hà dettu à France Info.

Orwell dicia, in u so libru maiò 1984 chì credimu chì "A guerra, ghjè a pace. A libertà ghjè a servitudine. L’ignuranza ghjè a forza".

(St'articulu hè statu traduttu nant'à u situ Ampargu a lingua corsa).

u 14 di Ghjenaghju 2015
Pinnatu



1.mandatu da bof bof u 14/01/2015 08:40
si piglianu veramente per americani, intantu stamane a Francia conta milioni di Beauf chì si sò lampati nant'à Chebdo, allora chì numerosi sò i giurnali di u mondu hà avè cacciatu u disegnu di a 1ma pagina, lascendu solu u cumentu; cum'ellu dice l'altru : chacun pour soi et Dieu pour tous!!

2.mandatu da chjosu u 14/01/2015 08:41
à mè mi pare chì in Corsica certe misure esisetenu digià, nò ?

3.mandatu da ci simu u 14/01/2015 10:02
"Un peuple prêt à sacrifier un peu de liberté pour un peu de sécurité ne mérite ni l'une ni l'autre, et finit par perdre les deux."

Benjamin Franklin


4.mandatu da claude e u 14/01/2015 10:25
dieudoné arestatu per ave di : je suis charli coulibaly. alora l omu un mi piace micca ne menu a riflessione ma aresta un omu per ave di una cuneria e una cuneria !

5.mandatu da a ciaccera u 14/01/2015 10:59
Chì tristezza...
A e USA quelli chì sò stati i più culpiti da sta "lege" sò l'ambientalisti chì sò quelli chì resistenu u più à e multinaziunali. U solu scopu di tuttu què ghjè sempre i soldi !!!
E bella detta a citazione di Ci simu !
Per u futuru, provu di traduce ne un'altra...
« Duviate sceglie tra a guerra è u disunore. Avete sceltu u disunore è averete a guerra »
Churchill.

6.mandatu da gecco u 14/01/2015 15:19
femu ci un disegnu, nò !!?

7.mandatu da a ciaccera u 14/01/2015 17:39

8.mandatu da Zeruffu u 15/01/2015 21:00
A Corsica hè u laburatoriu di a Francia. Si pò sperimentà ind'è noi tuttu chi ùn saria accettatu in Francia.
Allora pè noi, ùn hà da cambià assulutamente nulla : a surveglianza di u web esiste dighjà, a lettura di i vostri mails dinò quandu pare necessariu, a cunniscenza di i film di culu che guardate, ecc.
Sò i Francesi chi hanu da scopre u Fratellone (Big Brother). Noi, l'emu dighjà dapoi più di 5 anni.

9.mandatu da Cataru o mazzone u 15/01/2015 21:54
O figlio' attenti chi' cu' ste lege quellu chi' si face pisca' à mughja' ''FLN''(muvimentu museificatu) si fara' une bella stonda di prighjo'.
E lege nove (cu' sosule vechje) valenu pa' tutti, e' micca solu pa' l'islamisti.

10.mandatu da Antò u 15/01/2015 23:49
Corsica post-Erignac : tutti i Corsi fisciati da a pulizza

Ma per noi, nimu s'hè lagnatu in Francia

11.mandatu da acquaviva u 16/01/2015 13:25 (da un teleffuninu)
Oghje l''interru di charb :melenchon laurent pcf l''internaziunale altru che liberta !!!sta ghjente.un hannu mai vergogna:wolinsky ammiratore di castro per l''interventu cummunista in afganistan altru?ne charlie ne kouachi ne.culibaly avisu a tutti!!

Novu cumentu :