Accueil
Envoyer à un ami
Version imprimable
Partager

Pudete stà senza beie durante 24 ore ?

Cun l'estate chì ghjunghje si multiplicheghjanu i risichi d'apperitivi, di pastizzate è di scimie. È voi ? Induve ne site cun l'alcool ?



Pudete stà senza beie durante 24 ore ?
L'Académie Nationale de Médecine chì ci prupone un test : state una ghjurnata sana senza beie una goccia d'alcool per vede s'è vo site dipendente o nò.

Femu un altru test : pruvate à passà a dumenicata senza tuccà un bichjeru. Venneri è sabbatu senza una candella.

Micca prublema ? Ci la fate à stà à a Zilia menta o à a San Ghjorghju granatina ? Bravu ! Fate parte di a ghjente bè. Camperete vechju.

Invece, v'annuiate cum'è un topu mortu, vi trica di cummandà a vostra bieraccia à u comptoir ? Vi manca u gustu di a vodka ? Site invidiosu davanti à e squadre di lonzi mezi morti, calchi à Johnnie-ananas ? Vulete ancu voi ughjulà cum'è un persu e canzone di briachina cum'è "Êt'né sous l'signe de l'Héxagoneuh..." o u nustralissimu è cusì distintu "Mort aux vaches" ? Ùn ci la fate à parlà à una zitella à menu di 3 gradi d'alcool ?

Allora, ci hè da inchietassi in veru. Iè, ùn ci vole à avè paura di vede a realità : site un briacone, vi piace à chjuchjà, à vultà in casa cù a scimia nant'à e spalle. Ùn cuncepite e surtite senza pigliavvi una cascia è una sabbatu senza alcool hè un sabbatu persu. Fate pianu, e riunione di l'alcòlichi anònimi ùn sò tantu luntanu.

Ma bon, francamente, ci vole à esse tontu liatoghju per passà l'estate sanu à l'Orezza è stà à l'apperitivu à u Liptonic, nò ?

Lasciate dì l'azezi di L'Accademia di medicina è riservici, ghjè a meia.

u 1mu di Ghjugnu 2009
Pastizzator



1.mandatu da Cumpalliols u 01/06/2009 10:21
Firmà 24 ore, (o ancu di più) senza beie un'solu bichjeru d'alcool ?
Ùn mi pare micca troppu difficiule.
Mà senza beie NUNDA ! O zitelli, pare propiu impussibile.

2.mandatu da ZIU ANTO U PURCAGHIU u 01/06/2009 15:45
eiu beghu piu tostu caffè hè accua vita,hè nè beghu uni pocchi per gjiornu, so in saluta ,dumandette puri a mio moglia cio quella pensa ;;;;;

3.mandatu da Marbeuf u 01/06/2009 16:38
Eiu biu u vennari, u sabbatu è ancu certi volti a simana... Megliu 24 ore senza bia ùn m'accada quasì mai! Allora ognitantu cummenciu appena à avè a paura di diventà un veru briagone... eppo mi dicu chè sò giovanu è ch'aghju u tempu di stà u sabbatu sera in casa cù i figlioli è a moglia... ma par avà sò libaru

4.mandatu da Piratella u 01/06/2009 18:42

Di tutte e cose bone ùn ci n'hè chè una chì si pò fà senza muderazione (d'altronde, seria ancu ricummandatu). Ma ùn hè micca l'alcollu...LOL


5.mandatu da sumenta u 02/06/2009 20:32
Nimu face cumenti qui! Podassi a ghjente hè troppu briaca per scrive...

6.mandatu da pastizzobama u 02/06/2009 20:47
nimu risponde perchè ECCU UN SUGETTU CHI DIRANGIA

l'alculisimu di a giuventù corsa hè un veru prublema

quantu sortenu avà per u piacè di "mettesi una mina u più in furia pussibule" ?

mi stona chi l'amicu barbiè ùn ne appia ancu parlatu

7.mandatu da ZIU ANTO U PURCAGHIU u 02/06/2009 21:17
caffè hè accua vita! ! ! chi tantti viagra!! Pruvatè hè biitè caffè in cu accua vita a buzzeffa

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta