Accueil
Envoyer à un ami
Version imprimable
Partager

Pulluzione in Capicorsu : u ritornu di a Montedison ?

Ùn ci sò micca ch'è i turisti à impuzzichisce e spiaghje di Corsica, ci hè dinù u mullizzu. Una pulluzione tremenda hè stata custattata vicinu à e coste di Capicorsu : sò millaie di sacchi è buttiglie in plasticu à navigà dapoi parechji mesi.



Pulluzione in Capicorsu : u ritornu di a Montedison ?
Sò parechji ghjorni chì una mansa di mullizzu vene à accatastassi nant'à e marine da Santa Severa à Bastia.

D'appressu à Gilles Zerlini di l'associu di difesa di l'ambiu U Polpu sta pulluzione hè d'orìgine taliana, d'appressu à ciò chì si pò leghje nant'à e buttiglie è i sacchetti, l'hà spiegata à l'AFP.

Segondu à ellu, sta pulluzione saria piuttostu antica. Ste tonne di mullizzu si spasseghjanu siguramente dapoi parechji mesi... o forse ancu parechji anni.

L'orìgine pudarie esse a regione di Napuli, induve si sà chì i prublemi di trattamentu di u mullizzu sò tremendi dapoi parechji anni.

Tè ? Una nave taliana chì vene à lampà a so merda vicinu à e coste di Capicorsu... Ùn vi ramenta nunda ? Saria u grande ritornu di una storia sìmile à e fanghe rosse di a Montedison, 35 anni dopu ???

u 7 di Lugliu 2009
u webmaestru



1.mandatu da Quill'altru u 07/07/2009 14:28
Aldilà d'una visione corsucentrista - puru s'ellu hè nurmale di primurassi di e nostre loche - pone quì a quistione di a gistione di u nostru ambiu cumunu : Mare Nostru. Sicondu à l'AFP sò 60.000 à u km² l'uggetti à nutà per stu Mare Tarraniu. Un stranu mezu di sbarazzassi di u so soprapiù di rumenzule...

2.mandatu da Ghjuvan'Marcu u 07/07/2009 17:15
I Taliani ùn sapenu micca induvè lampà i so rumenzule, o sinò si seranu disgià sbarazzatu di Berlusconi.

3.mandatu da no country for vechjacci u 07/07/2009 23:34
d'apressu à RCFM, a mezu à tuttu stu ruminzulaghju si truvavanu centinaie di u libru di S. Pergola

4.mandatu da filidatu u 08/07/2009 10:34
ié l'aghju intesa anch'eo ci era centinaie di libbri di Pergola dettu u zampicortu et millaie di dischi di jean menconi dinù

5.mandatu da Stefan berg u 09/07/2009 00:57 (da un teleffuninu)
Peghju che l'amoco cadiz!

6.mandatu da Pietro Mastroleo u 10/07/2009 02:19
Amici miei vigilate e lottate per il vostro bel territorio! Sennò sono cavoli amari.

par Ghjuvan'Marcu: Errore!

Se Berlusconi si trovasse in Corsica, la Corsica sarebbe già nazione.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta