Accueil
Envoyer à un ami
Version imprimable
Partager

Quale ci la ferà à chjappà u diavule ?

Cochonou, hè fatta. Gérard Holtz, hè fatta. Ma u diavule goffu chì seguiteghja u giru di Francia, chì ne serà?



Quale ci la ferà à chjappà u diavule ?
Passemu nant'à i ciclisti cù e so medicine, a caravana Cochonou è Gérard Holtz.

A dumanda chì tuttu ognunu si pone hè : u diavule chì seguiteghja u giru di Francia serà ghjuntu in Corsica anch'ellu ?

U satanassu abbastanza goffu si chjama Didi Senft, hè tedescu è seguiteghja tutti l'anni u Tour de France cù e so corne è un tridente. Hà ancu a so pagina nant'à Wikipedia.

Per avà u Vescu di Corsica Monsignore Olivier de Germay ùn hà ancu cundannatu avec la plus grande fermeté sta manifestazione luciferiana. Essendu datu ch'ellu ùn li piace tantu l'ochju, forse averà da facci un cummunicatu s'ellu spunta l'alemanu indiavulatu.

Serà venutu anch'ellu in Corsica ? Qualchissia ci la ferà à chjappallu ? Chì ne penserà quellu di u GFCA ?

Risposta da quì à pocu tempu.

u 28 di Ghjugnu 2013
U Webmaestru



1.mandatu da bastiacciu stortu u 28/06/2013 08:45
U prétè Mondoloni u chiappera in Pontè Novu.......!!!!

2.mandatu da ANTO u 28/06/2013 17:26
Ci ne hè abastanza satanassi qui ,e i tedeschi dinu un mancanu micca !

3.mandatu da Rustaghja u 29/06/2013 10:26
Fighjate à pena st'articulu :

http://tourdefrance.blog.lemonde.fr/2013/06/29/y-aura-pas-dattentat/

ùn hè micca una macagna..

- Portivechju hè veramente u nome di paese u più maladettu di Corsica
- Tuttu u mondu in Corsica aspetta u Giru di Francia, ancu i naziunalisti
- U turisimu di massa sola sperenza di sviluppu ecunomicu
- "Ca va donner une belle image de la Corse"

4.mandatu da livia u 29/06/2013 15:28
Oh ! My cochonou !

5.mandatu da diavule corsu u 29/06/2013 18:55
carne è pomi!!!

6.mandatu da livia u 29/06/2013 22:40
ô Rustaghja !

http://www.francetvsport.fr/la-1re-etape-du-100e-tour-en-images-161483

Chi voli di più ?

7.mandatu da HI HAN u 30/06/2013 09:31
ogni volta qui un 'sport' e messu in aventi e federazioni accolianu tenti licenziati novi, alora i corsi s'annu da mette a a bicicletta ?
pensu di no ,tineremu solu e picature!!

8.mandatu da MARCUCCIU u 30/06/2013 18:34
ma ! ! qualé ghié stu curnutu ? ? ?

9.mandatu da baedda u 02/07/2013 11:14
e u cuscionu la terre des cochonnes ? (nice matin) a cunniscite?

10.mandatu da U Pastore Arrabiatu u 02/07/2013 12:01
Perche chi u mio cumentu d'eri e statu tagliatu da u Sgaiuffu ? Un ci era nunda di male ? Parlò d'un articulu di "Le Monde" e di due imagine chi figuravanu u ponte di farru prima di ghjunghje in Ponte Leccia, cu u stessu hastag famosu.

11.mandatu da Ahmed Zavìa u 12/07/2013 07:58
In Corsica, cum'e in altrò...quantu sò à tirà-lu per a code stu diavulacciu ?

Novu cumentu :