Accueil
Envoyer à un ami
Version imprimable
Partager

Quale hà cundannatu u megliu ?

In Corsica l'omi pulitichi ùn anu micca idee, ma sanu cundannà.



Quale hà cundannatu u megliu ?
Quandu Manuel Valls dice chì l'omi pulìtichi corsi ùn cundannanu micca abbastanza l'attentati, certi devenu tirà i salti.

Hè purtantu un veru eserciziu chè di sorte un cummunicatu subbitu ch'ella schjatta una bomba. Eppo hè dinù più faciule chè di riflette nant'à l'orìgine di e viulenza in Corsica.

Forse saria bè d'interrugassi nant'à tutte e viulenze, micca solu quelle di e bombe. Quella di i permessi di custruisce illegali, di a lege liturale micca rispettata, di i terreni resi custruttibili, d'una lingua nigata, d'una cultura chì si morre.

Hè per quessa chè no avemu riflettutu à un classamentu di quelli chì cundannanu. Quellu chì finiscerà l'annata in testa riceverà u so tìtulu di Condamnator 2012.

Per ogni cummunicatu di cundannazione, avemu ritenutu stu regulamentu :

  • Primu cummunicatu publicatu : +500 punti
  • "Copié-collé" d'un vechju cummunicatu : +500 punti
  • "Copié-collé" d'un vechju cummunicatu scrittu da u so babbu : +3500 punti
  • Ligà e parolle "violence" à "évolution insitutionnelle" : +500 punti
  • Utilisazione di "fermement" o "avec la plus grande fermeté" : +400 punti
  • Utilizazione di e parolle "république" o "républicain" : +300 punti
  • Publicazione in Corse-Matin : +200 punti
  • Utilizazione di Facebook è Twitter : +100 punti
  • Utilizazione di e parolle "lacheté" è "cagoulard" : +100 punti
  • Utilizazione di a parolla "séparatiste" : +4000 punti

Dopu à avè sbuchjatu a stampa è u net corsu, eccu a nostra classifica :

1° Jean Zuccarelli 2000 punti
Jean-Jean hè appena cum'è u PSG di a cundannazione. Hà a sperienza, u più grossu effettivu, u più grande intrenore. Ma ùn vince micca sempre à a fine.

2° L'Association France-Corse 1000 punti
A CFR hè di ritornu, è pudete andà nant'à u so situ per favvi duie rise.

3° François Tatti 900 punti
Corse-Matin ùn hà micca publicatu u so cummunicatu, è Jean Zuccarelli hè statu più ràpidu ch'è ellu.

4° Joseph Castelli 600 punti
Un picculu cummunicatu, ma hà riesciutu à piazzà "fermement" è à passà in Corse-Matin.

5° Sauveur Gandolfi-Scheit 400 punti
Nunda in Corse-Matin, ma marca i punti per u so "je condamne avec la plus grande fermeté".

Camille de Rocca Serra, Jean-Jacques Panunzi è a LDH : 200 punti
Per un picculu cummunicatu in u cutitianu.

Ùn hà micca marcatu punti sta volta perchè facia a bissicletta :
Emile Zuccarelli, 0 puntu

Bon d'accordu averiamu pussutu fà dinù un classamentu di e riazzione à Barbier, ma ci n'era troppu.

La suite au prochain numéro.

Ci semu scurdati d'un cummunicatu ? Mettitelu in cummentu !

l'11 di Dicembre 2012
U Webmaestru



1.mandatu da Zeruffu u 11/12/2012 22:46
France Corse hà fattu a girata di i casamenti di Aiacciu eri à mane. È hà messu ind'è e scatule à lettere i so tratti puzzinosi è fascisti. L'aghju rimandatu oghje u me esempiariu insultenduli cum'è fà si dè.
Ma aghju nutatu chi u situ di France Corse censureghja sempre tutti i cummenti.
Ci vurria à lancià contru à elli. Sò quantunque quelli di a CFR, una mossa d'assassini chi travagliavanu cù i servizi segreti francesi, cum'è i GAL di u paese bascu.
Quale tipu d'azzione prupunete ?

- saturà u so situ
- crià un Gruppu Facebook "Quellu chi ammerdanu à France Corse"
- crià un situ alternativu pè ridiculizalli

Altre pruposte ?

2.mandatu da Cinarchesi u 11/12/2012 22:59
U Camillu 'cu 200 puntu... pensu ch'ellu hé piu vicinu di e 4900 punti o più.... Sete in u coggiu neru?

3.mandatu da Didier Avostra u 12/12/2012 00:19
Ùn ci vole à fà nunda o Zeruffu, sò vechje coglie. Un ci vole micca à dalli capu. Hè troppu onore!

Nò?

4.mandatu da ghjuva u 12/12/2012 04:42
a mo risposta ghje I F F..

5.mandatu da Mérou 2A u 12/12/2012 07:25
IFF o zitè ! IFF a vi dicu. 💣💣💣

6.mandatu da Cazzu Marinu u 12/12/2012 07:46
"Unioni anti France Corse" hè stata criata nantu à Facebook ...


http://cazzumarinu.overblog.com

7.mandatu da ANTO u 12/12/2012 09:11
Parechji cudannanu ma un li dispiace micca chelle saltinu e case :so i puliticanti di u BTP (micca nomi ognunu i cunosce )

8.mandatu da Lisandru u 12/12/2012 10:41
So in accordu pè di chi France Corse hè un associu di vechje coglie nustalgichi di a CFR. Veri manighjatori, un publicanu nant' u so situ ch' i cumenti di a ghjente chi so in accordu cu e so idee arcaiche. Aghju lasciatu parechji cumenti pè criticà i so articuli, un so mai stati publicati. O zitelli lasciemu corre ste vechje merde chi campanu sempre à l'epica di l'Algeria francese, mè he veru ch'elli so annervanti

9.mandatu da Zeruffu u 12/12/2012 12:21
FFC !

= Fuck France Corse !

10.mandatu da ghjuva u 12/12/2012 16:46
yesF F C e quelli chi a susteghjanu

11.mandatu da ghjuva u 12/12/2012 16:46
yesF F C e quelli chi a susteghjanu

12.mandatu da Edgar Cagne u 12/12/2012 21:15
I.F.F??? I Fasgioli Francesi ??
IFF = SS ??? I Fasgioli Francesi....sò...Soissons!!,

13.mandatu da stumacatu u 13/12/2012 20:15
Per me, JJ Panunza et N. Alfonsi so i piu forti à stu ghjocu.

Mi pare ch'un n'esistenu che per cundannà : un li sentu mai per altre cose !!

Ni tempi E. Zucarelli era un bon candidatu ma dive esse in rittirata...

14.mandatu da U Palatinu u 14/12/2012 08:10
L'aspettemu, a riazzione di u tenante-culunellu à a ritirata Ferdinand Bacheu-Morelini de la Pinardière, anzianu di l'OAS è di a CFR.

Eccelente, a to idea o Zeruffu di creà un situ parodicu di France-Corse. Si puderia ripiglià.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta