Accueil
Envoyer à un ami
Version imprimable
Partager

Quale hà da salvà u Sporting ?

Di dicembre scorsu, a DNCG ùn avia truvatu nunda à dì nant'à i conti di u Sporting. Sei mesi dopu, mancanu 1,2 milioni d'euro in e casce di u club...



Quale hà da salvà u Sporting ?
Oghje, u SCB hè in quarta divisione, à livellu di u GFCOA è di u CAB, ma dinù di Villemomble, Montceau-les-Mines, Montluçon o Moissy-Cramayel. À cantu, i clubs di National hè a Champion's League.

Aspettendu a famosa "réunion quadripartite" cù a CAB, u CG2B è a CTC chì duverà salvà (o nò ?) u Sporting d'una nova trafalata, i sustenidori di u CSB anu postu e so dece dumande per sapè cumu u Sporting hè ghjuntu à stu puntu.

Piuttostu ch'è di dumandà à e cullettività (dunque i nostri soldi) di pagà a debbita è e cunnerie di 15 anni di gestione puzzicosa di u Sporting, eccu unepoche di piste pè truvà un famosu "repreneur" chì tuttu u mondu aspetta.

FANFAN VENDASI : a custruzzione di u stadiu di Furiani (ancu à finì guasi 20 anni dop'à a catastrofa è degnu di a D2 di u Burkina Faso) hà custatu 30 milioni d'euro. Cosa hè un milione per Fanfan ?

Patrice Franceschi : Anni è anni ch'ellu ci pompa cù a so Boudeuse... casca bè, hà da vende u so battellacciu

A SNCM : 60 milioni pagati da a CTC per a "continuité territoriale", è manc'una baiocca pè sponsorizà u SCB. Invece, l'OM riceve i soldi di a SNCM...

A maffia russia : dapoi u tempu ch'ella hà investitu in Corsica, puderia mette appena di soldi à u Sporting.

I pippulacci : è si sti ranciconi di Séguéla, Clavier, Reno, Muriel Robin, Kouchner, Claire Chazal è cumpagnia mettianu appena di i so soldi pè salvà u club ?

A brise de mer : ùn hè forse micca una bona idea...

Jean-Paul Poletti : perchè micca ?

Pierre-Jean Luccioni : Un "Tempi Fà" vindutu, 5 euro pè u Sporting. Và bè cusì ?

Roland Magdane : Tutti i trè ghjorni hè in Corse-Matin, pò fà un gestu anch'ellu, nò ?

Jean Sarkozy : Hè corsu, hà a muneta, hà ghjucatu à u ballò cun Yvan Colonna. Trè bone ragioni di pigliallu à u Sporting.

André Rieu : In una intervista à Télé 7 jours avia dichjaratu chì u so club preferitu era u SCB.

Les Charlots : Tutte e manere facenu 30 anni ch'elli sò à e cumande di u Sporting....

Vincent Tabarani : Iè, anch'ellu pò salvà u Skeubeu !

Roger Zabel : Cunnosce bè u futbol è hè un prufessiunale.

Monsieur Propre : Per fà a pulizia à u club.

Musclor : à u puntu induve ne semu...

u 3 di Ghjugnu 2010
u webmaestru



1.mandatu da Circinelludiguagnenativupeliguagnesusosanguaversatu u 03/06/2010 09:45
L'OM TOCCA I SOLDI DA A SNCM ?!

2.mandatu da estrimei u 03/06/2010 09:49
Quale hà da salvà u Sporting ?

i solli publichi ! he una vergogna !
dopu ci serrà torna una traticchjina e si ricumencerà.
quantu ne averà manghjatu solli publichi u sporting?
e tutta sta cumeria per dà paghe scimatiche quand'elli ci so corsi chi un hanu di che campà !
s'elle' he cusi ch'avemu da salvà a Corsica he megliu a esse frencesi , turchi o ebrei!

3.mandatu da ARC u 03/06/2010 10:19
Hè verità pè i soldi tocchi dà l'OM o ghjé una macagna..,???

4.mandatu da thierry rulandu u 03/06/2010 10:34
o zitelli, basta à guardà un match di l'OM à u Vélodrome viderete i "panneaux publicitaires" di a SNCM

si cerca di sapè quantu a SNCM paga l'OM, ma d'appressu à mè so ASSAI SOLDI

soldi di a CTC, di siguru...

5.mandatu da Stantara.. u 03/06/2010 10:35
A veduva di Dreyfus ùn hè interessata dà u sporting..!!

6.mandatu da U Rossu... u 03/06/2010 10:55
O estrimei, eo à ssu stu contu qui, nanzu ebreu che turchu....!! Mà pruvemu di firmà corsi no ??

7.mandatu da Pesciu u 03/06/2010 14:36
U Presidente di l'Università ! Compra diggià u Casone in Biguglia !

8.mandatu da Anghjulu Santu u 03/06/2010 15:14
Vi site scurdati di Francis Lalanne chì li piace u sporting ancu à ellu!!!

9.mandatu da orsu u 03/06/2010 16:44
U Prete POLGE , cusi l'assicuremu di ritruvà una piazza in Cismonte, è assicuremu u Sporting d'ottene a remissione in casu di disparizione di u mondu prufessiunale.

10.mandatu da uvezzanese u 03/06/2010 18:04
Cuncernedu Mr Propre , vistu a manza di ladri è purcelli chi so passati à e cummande di u SCB , li ci vulera sigurament l'aiutu di VIGOR "Nettoyant Industriel"!

11.mandatu da mascarone u 03/06/2010 19:18
in piu di a SNCM cé à brasseria PIETRA qui "sponsorizedia" l' OM ....
a sapete què o micca ?

12.mandatu da Briseur....de mères u 03/06/2010 19:42
E i gangsters marseglieso-corsi ùn hannu mai finanzantu l'Om, ùn si so mai incaricatti di prutegge i ghjugatori...pè fà piacè à Tapie...???

13.mandatu da canada dry u 04/06/2010 21:43
Femucci aiutà da u Canada,chi u presidente di"l'association Canadienne de Soccer"ghjè Corsu (Niolu e Capi-corsu) ,si chjama Dominique Maestracci .

14.mandatu da anto u 05/06/2010 15:02
S'elli piglianu a Polansky puderanu avè l'occhiu apertu !e cusi cumè l'OM diceranu "droit au but"

15.mandatu da U paese di l'orsu... u 05/06/2010 17:03
Iè o Antò, è incu Ribery "Droit au putes"...

16.mandatu da Nadine Mouk u 05/06/2010 20:05
Perchè ùn si darebbe micca u Sporting à Alanu Orsoni, ellu truvarà i soldi e l'omi capace di diregge stu club...!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta