Accueil
Envoyer à un ami
Version imprimable
Partager

Quale hà da sorte da u Sarkò’s loft ?

Rachida Dati fate 1 / Nadine Morano fate 2 / Carla Bruni fate 3



Quale hà da sorte da u Sarkò’s loft ?
U Visu di a Francia chì cambia…

Dopu à Nadine Morano, ci tocca à parlà di Rachida Dati. Altru membre di u guvernu Sarkò, è chì membre ! Ministra di a ghjustizia ! Cum’è sempre cù quelli cumpagni di Sarkò ci sò e cacate, tamante cacate. A cunnisciamu aghjà pà u so gustu di u bling-bling, e so sirate people, i so vistiti Dior… Avia ancu bugiardatu pà i so diplomi…

Hè intruta in u chjerchju srettu srettu di Sarkò simpliciamente scrivendu li una prima lettara prupunendu li I so servizii. L’intarissatu rispundendu ci micca, a nostra Rachida ne scrisse una antra, po una antra, è torna una antra… sinu à ch’ella fussi ricivuta, infine, da Sarkò. Calchì mese dopu era guardassugelli.

Da principiu hè stata cuntistata da i so pari pà a so incumpitenza, ma sopra à tuttu pà a so riforma di a carta ghjudiziaria chì caccia par un dettu à a Corsica trè tribunali d’istanza, in L’Isula, in Corti è in Sartè.

Dipoi calchì ghjornu face l’attualità di u Web. Prima, u buzz ci hà amparatu chì dipoi ch’ella ghjunta à a Piazza Vendôme e spese di u so ministeru sò crisciute è anu palisatu chì pà u 2007 un soprappiù di 100 000 € era statu nicissariu. Dopu u buzz ci hà purtatu unepoche di videò induva ella si cappia a ministra chì ùn sà micca ch’ella hè filmata.

Nantu à una dice ch’ella da esse a ministra di u Karcher. Nantu à l’altra parla di pindoni cù una ghjurnalista-amica chì face l’intervista è in fine nantu à l’ultima dice chì Borloo puzza di i pedi
Ghjè à tempu pateticu, ridiculu è affligente.

Fighjulate li puru ssi filmucci chì n’ampararete assai nantu à a parsunalità di quella chì raprisenta a ghjustizia in u paese detti « di i diritti umani ». Face ride o pietà, sciglite da par voi.

Ssa simana femu sorte à Rachida da u Loft.
O s’ella fussi pussibule…

Da riflette ci

u 31 di Marzu 2008
A Bistuca



1.mandatu da gastone u 31/03/2008 03:44
iè ma...


ne faci sempre "sportu" ?

2.mandatu da fafalà u 31/03/2008 09:00
Quale ci hè in u loft di a A piazzetta ?
Bon, parlemu seriu, avà, fate la finita incù u guvernu francese.c Parlate ci appena d'Anna maria natali, rosa prosperi è tira avanti è tocca... Vulemu cunosce e nostre loftose!!!

3.mandatu da circinelludiguagnenativupèliguagnesusosanguaversatu u 31/03/2008 09:28
è s'è ci piace à noi stu loft pariginu ? Hein?! Eu ni so cum'è drugatu: ùn lu vogliu fighjulà ma vogliu sapè a fine ...
Bravu o Bistù, a to lingua corsa mi piaci assai, ma s'è tu mi voli fà piacè rispetta puri l'enclise chì :
1- hè una bedda regula di grammatica (duppià i cunsunali o no...)
2- rende a littura più "linda"! basta cù ssi "fate la" inveci di "fatela" è ssi "scrivendu li una prima lettara prupunendu li " eu à dilla franca, t'aghju un prublema à leghja testi scritti cusì chì sciappa u ritimu di l 'nfrasata...

4.mandatu da A Bistuca u 31/03/2008 11:40
Senza entre in li particulari di a scrittura di u corsu chì ùn hè micca u scopu di ssu blog, si pò dì ch'ella ci hè duie manere di scrive è par avà alcuna s'hè imposta :
Sia "attaccatu" sia "staccatu".
U solu affare hè chì quand'ellu si scrive attaccatu (cum'ella hè bramata da circinellu[...]versatu) ci vole à duppià e cunsunale s'ellu ci hè l'accentu tonicu nantu à l'ultima sillaba di a prima parolla chì ci vole à ritruvà u sonu forte di a cunsunale.
vene à dì : piglià la (la prendre) = piglialla
piglia la (prends-la) = pigliala
è puru = eppuru
sopra à tuttu = soprattuttu
sì nò = sinnò
più tostu = piuttostu
à puntu = appuntu
ecc ecc ecc ecc ecc.................................

Circinellu capiscu e to primure, ma mi vene megliu à mè di scrive staccatu pà cumudità di littura ghjustu à puntu, è pà abitudine. Cù a scrittura "attaccata" ti poi ritruvà cù affari tale "andemucine" o "femucila"...
Da riflette ci...
A Bistuca

5.mandatu da l'anticu fucile u 31/03/2008 13:17
100% d'accunsentu cun bistuga : ci vole à plasticà

6.mandatu da fafalà u 31/03/2008 14:09
Mì à a bistuca ! ANCU EIU VI POSSU fà una lezziò di corsu ! Ùn saristi micca prufessore di LINGUA tù ?
Da riflette ci !

7.mandatu da u 31/03/2008 14:22
buh, hè vera...

o bistuca, facci appena di cunghjucazione dinù avà ch'è tù ci si

8.mandatu da CC u 31/03/2008 15:01
in quantu à a cunghjucazioni andeti puru à visità issu situ :

http://pagesperso-orange.fr/e.garidacci/lingua-corsa/cunghjucazione/tableaux.htm

http://pagesperso-orange.fr/e.garidacci/software/cunghjucazione/cunghjucazione.htm


9.mandatu da rachida u 31/03/2008 15:05
megliu chè a cunghjucazione corsa !

http://iledere.parti-socialiste.fr/files/rachida_dati.jpg

10.mandatu da Fafalà u 31/03/2008 16:59
è u tizzone, ti piace u tizzone ?
A bistuca fuma u tizzone, a bistuca fuma u tizzone !!!!
Guardate quì!

11.mandatu da rachida u 31/03/2008 17:15
Fafalà si face e piccature, in issu mumentu ne face appena troppu.

guardate puru quì
http://www.tropfun.com/photo-big.php?numero=60976


12.mandatu da rachida u 31/03/2008 17:32
fafalà ind'è u medicu quand'ellu face troppu piccature

http://www.tropfun.com/photo-big.php?numero=60068

13.mandatu da rachida u 31/03/2008 17:38
eccu a faccia di Fafalà in traccia di fumà si un bellu tizzone

http://www.tropfun.com/photo-big.php?numero=61424

14.mandatu da Fafalà u 31/03/2008 17:49
quandu hè chì u m'ai pigliatu stu ritrattu? Sti paparazzi ! Ùn mi lasceranu mai in pace!

15.mandatu da BIG BROTHER u 31/03/2008 17:52
O Rachida, sapimu quale sì... Sì un ragnu goffu goffu, appena cum'è una Bistuca... Mi sbagliu?

16.mandatu da u 31/03/2008 18:02
o rachida, n'ai veramente ch'è què à futte ?

"da riflette ci"

17.mandatu da in cauda venenum u 31/03/2008 19:17
quant'ellu futte stu sarko canna dentru e palli fora canna dentru e palli fora canna dentru e palli fora canna dentru e palli fora canna dentru e palli fora etc etc etc etc etc e qual'he chi paca

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta