Accueil
Envoyer à un ami
Version imprimable
Partager

Quale pè rapresentà a Corsica à l'Eurovision ?

L'Eurovision cuntinuveghja à esse n'importa chè. U candidatu francese serà un... tenor chì canterà una canzona in corsu cumposta da u figliolu di Pierre Bachelet. Ci capite qualcosa ?



Quale pè rapresentà a Corsica à l'Eurovision ?
L'Eurovision, ùn fidighjate mai ma vulete sapè qualessu hè u paese chì vince. À stu cuncorsu di canzone cumplettamente kitsch (inventatu di i tempi di l'ORTF) a Francia passa regularmente à a risa, ùn hà più vintu dapoi 34 anni. Persu per persu, i Francesi anu decisu d'assucià a Corsica à sta disfatta chì s'annunzia tremenda.

Hè dunque un cantore lìricu chjamatu Amaury Vassili chì canterà una canzona inedita in corsu scritta da Jean-Pierre Marcellesi, "Sonniu". Per cuntinuvà in u grande n'importa chè, sàppiate chì a canzona hè cumposta da u figliolu di Pierre Bachelet.

V'assicuremu ch'ellu ùn hè micca una nova cunneria di A Piazzetta, ùn avemu inventatu nunda .

Ancu Megliu, hè Pierre Sled à difende a scelta d'una canzona "corsa" : « France 3 est la chaîne des régions. Nous voulions donc les mettre en valeur. Et comme le corse se rapproche de l’italien, ça conviendra très bien pour un chant d’opéra. »

Bon. À difettu d'ùn pudè utilizà u talianu, si sceglie dunque una "sottu-lingua" taliana, u corsu. Pierre Sled era più forte pè cummentà u sport ch'è a linguistica.

Per finisce stu guatru appocalìtticu, ramintatevi chì l'ultima volta ch'ellu s'era parlatu di u nostru paese à l'Eurovision hè stata cù Patrick Fiori è a so canzona di sinistra memoria, "Mama Corsica".

Ùn mancherebbi più chì stu stranu pastizzu preparatu da Pierre Sled vinci u cuncorsu. "Corsica, ten points !" Bon, è sì a Corsica participava à l'Eurovision, à quale averiamu mandatu ? Eccu qualchì pruposta.

1. Un gruppu di Heavy Metal in lingua corsa : V'arricurdate di Lordi, stu gruppu di mostri finlandesi chì anu vintu in 2006 ? Eccu un gèneru musicale chì si puderia adattà in corsu.

2. Jenifer : Hà dettu ch'ellu li piaceria di fà un album in corsu, allora perchè micca rapresentà u nostru paese à l'Eurovision ?

3. Kevin d'Aiacciu Cunniscite à stu canterinu nustrale ? Nò ? Allora andate à vede a videò di u so successu « Pourquoi tu n'es partie de moi ? », canzona "pop-romantique" di u Corsican lover mudernu. Et qui on est ?

4. Coco cumu sè ? Era u primu rap corsu, in u 1992... vi n'arricurdate ?

5. Hubert Tempête : Timpesta à l'Eurovision, attenti à i disguasti...

6. L'Impiccati : Stu gruppu mìtticu meriteghja di cunnosce un successu più grande cù a so canzona Libertà ind'a muntagna

u 7 di Farraghju 2011
U Sgaiuffu



1.mandatu da Küg u 08/02/2011 07:50
Gruppi di mostri, puru ci sò in Corsica...
A pallittate.

2.mandatu da John-Paul Paulette u 08/02/2011 09:17
Petru Guelfucci, cù a so ripresa di "le zizi" de Pierre Perret

3.mandatu da GWM u 08/02/2011 10:14
Beli Blanco (tandu Tsutone)...

http://beliblanco-officiel.skyrock.com/

Ohimè...

4.mandatu da estrimei u 08/02/2011 12:00
e chi c'avemu da fà , noi , a l ' "eurovision" ,
e se no pruvavamu a esse noi stessi in casa nostra ? mi pare ch'ellu seria un affarone!

5.mandatu da circinelludiguagnenativupèliguagnesusosanguaversatu u 08/02/2011 12:53
incridibuli ! ci assucemi sempri à i disfatti di a francia... Hè vera chì di vittoria ne hà pocu, ma bon quand même ...!

6.mandatu da mamacorsica u 08/02/2011 15:02
Soghu eiu mama corsica ! a vi cantu ?

7.mandatu da ANTO u 08/02/2011 16:29
E SI STU CANTADORE ERA CORSU ?U NOME UN SDICE MICA, E SERA SEMPRE PIU CORSU CHE PARECHJE PRODUZIONI LUCALE CUME U CASGIU E U FIGATELLU D'IMPURTAZIONE .

8.mandatu da sonnu u 08/02/2011 17:51
A me mi piace ch'elli parlinu di a lingua corsa, e mi ne impipu di quellu chi canta !
Noi andemu à piglià e nostre musiche in altro allora l'altri hanno diritti di fà listessu.
Quanti successi corsi un so micca di musica nustrale?
Per una volta un so manc'appena d'accunsentu incu a Piazzetta !

9.mandatu da batman u 08/02/2011 19:42
Perchè un mandanu micca à Lionel Jospin chi canterebbe "les feuilles mortes"

10.mandatu da Purchettu u 08/02/2011 21:14
Peghju, i siti stranieri dicenu chi u corsu hè un dialettu talianu quandu in fattu u talianu hè un dialettu corsu !

http://eurovisiontimes.wordpress.com/2011/02/05/vassili-to-sing-the-bolero-sonniu-in-germany/

http://www.janelaesc.com/2011/02/franca-amaury-vassili-levara-sonniu.html

11.mandatu da orsusantu u 08/02/2011 23:58
e vera chi era megliu un corsu pa canta nostri canzoni ma se dun ci ne pa me prifiriscu a senta canta un pinzuttu qu'a un un arabu o un lucchesu qui so piu ka no in corsica

12.mandatu da Tumasgiolu u 09/02/2011 09:52
"L'impiccati" ! Eccu un gruppu putente ! "Canta", "I chjami" è "Notte" ponu andà à chjinassi...

13.mandatu da nuit bleue u 09/02/2011 16:03
O Orsanto, i piu numerosi in Corsica so i pinzutti, 150 000 contra 100 000 corsi e 50 000 immigranti, a culunizazione hè francesa e mica araba o lucchesa, attenti a un sbagliassi di nemici, un ti scurda di a canzona di a Filetta " o Dumè o muhamè"

14.mandatu da diversitaghjèrichezza u 09/02/2011 17:19
i "rapper" di u carreghju drittu ?

ghjè a leva di dumane no ???

http://www.youtube.com/watch?v=ndiGXAc0j-Q&NR=1


http://www.youtube.com/watch?v=hUD2OrB5UC0&feature=related

15.mandatu da Sgio u 12/02/2011 11:37
I MULIZZONI (les enfoirés nustrali) chi s'aduniscenu pè cantà "A canzona di l'eletti".

16.mandatu da GWM u 13/02/2011 21:40
Vogulera cumu gruppu di mostri

17.mandatu da Pumataghju u 15/02/2011 13:51
Eiu pruponu i "Sumeri castrati" so, forti!

Novu cumentu :