Accueil
Envoyer à un ami
Version imprimable
Partager

Quale serà chì hà arrubbatu u "dossier Clavier" in tribunale ?

Averà l'ochju o chè Christian Clavier ? Ah iè, si n'hè bè risu di noi cù u so filmacciu chì l'hà permessu d'empiesi e stacche è custruisce a so villà in Cala Purcina. Hè finitu u tempu di e ricezzioni à a CTC cun Sarkozy è di e frittelle in Portivechju !



Quale serà chì hà arrubbatu u "dossier Clavier" in tribunale ?
«Un peu écœuré et fatigué », cusì hà dettu Christian Clavier dop'à i strapazzi ch'ellu hà avutu di poi st'estate. Occupazione di a so villà, ghjallu lampatu in a piscina, colpu di filu à Sarko, Rossi messu fora, mediatizazione à ùn più finì, prucessu ridiculu, è avà u cartulare arrubbatu in tribunale d'Aiacciu.

Basta di lampà un'ochjata à i gruppi nant'à Facebook per vede chì u tippu ùn pare tantu pupulare : Pour l'organisation d'une teuf géante dans le jardin de Christian Clavier (più di 9000 membri), J'en ai marre des "peoples" qui viennent bétonner la Corse (più di 2500 membri), 1 MEMBRE = 1 GIFLE A CHRISTIAN CLAVIER (più di 900), Clavier Fora ! (guasi 500), Moi aussi j'étais chez Christian Clavier Samedi 30 Aout (300 iscritti), Pour que la maison de Christian Clavier soit cloturée et qu'on l'y enferme (200 membri).

Ma dinù d'astri più stunanti, venendu da pinzuti : Pour que les Corses fassent exploser la maison à Christian Clavier (una cinquantina !) è torna pour que les nationalistes corses plastiquent la villa de Clavier !

Tremendu ! Grazia à l'amicu di Sarkò, i francesi si mettenu à sustene a lotta armata !

I guaii di Clavier parenu ùn finisce più. Avà hè u cartulare di ghjustizia chì vene di sparisce in tribunale d'Aiacciu. Ma quale serà chì l'averà chjappatu ?
- Un giurnalistu ? Tandu averanu da sorte in a stampa une pochi di puttachji nant'à "l'affare".
- Un fan di l'attore, per fassi signà u cartulare da Clavier ellu stessu ?
- Dominique Rossi, per vindicassi di u so licenziamentu ?
- I flicchi, per cuntinuvà à mette a puzza ?
- Jean Reno, chì passava pè i curridori ?
- Camille de Rocca Serra, chì in burdata ceca hà pigliatu u cartulare pensendu ch'ellu era France Football ?
- Alain Orsoni, per nunda ?
- Jean-Vitus Albertini, per vendelu nant'à ebay ?

Misteru...

u 7 di Dicembre 2008
u webmaestru



1.mandatu da in cauda venenum u 07/12/2008 10:00
SO CAPISCU BE TUTTU QUE HE A SEGUITA DI U FILMU ( l'enquète corse )
E U GRUPPU TAVAGNA A DA CANTA TORNA BOUUUUUUUUUUUUUUUU
UN FINISCE PIU STU FILMU

2.mandatu da estrimei u 07/12/2008 18:58
d'apress'a mè he Camelicchju , fiighjate u ritratu Sarkozy e Clavier so 'n tra di elli e, ellu prova a infrugnassi ma uli danu capu ; e si naziunalistacci chi so andati 'nde Clavier e micca 'nde ellu , chi sta ghjustu acantu !

3.mandatu da Cumpalliols u 07/12/2008 21:15
Per una volta, ùn so micca eiu chì l'aghju pigliatu

4.mandatu da Anto u 15/12/2008 12:45
I Muzzi di Sarko !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta