Accueil
Envoyer à un ami
Version imprimable
Partager

Quale serà u primu Corsu à entre in u Club di i 27 ?

Nò : ùn basta micca di beie Get 27 - Orezza pè fà parte di u club.



Quale serà u primu Corsu à entre in u Club di i 27 ?
N'avete siguramente intesu parlà, cù a morte d'Amy Winehouse u mitu di u "Club di i 27" si rinforza. A pagina Wikipedia hè stata digià messa à ghjornu è ricensa l'artisti di u rock o di u blues morti à 27 anni.

U club s'appoghja nant'à cinque pistelli : Brian Jones di i Rolling Stones (mortu in u 69), Jimi Hendrix è Janis Joplin listessu annu (1970), Jim Morrison (1971), Kurt Cobain (1994), è dunque avà Amy Winehouse.

Chì tazzu ch'elli devenu fà quassù !

Per avà ùn ci hè sempre nisun Corsu in u club. Bon, hè vera chì noi rockers, n'avemu pocu. Invece, ùn manchemu micca di giovani chì si sterpanu di droga è d'alcool, ma elli ùn anu micca talentu.

Ultima nutizia : tutti i membri di i Black Eyed Peas si portanu bè. U mondu hè inghjustu.

u 26 di Lugliu 2011
U Sgaiuffu



1.mandatu da U rocker di Ponte Leccia u 26/07/2011 01:12 (da un teleffuninu)
Hè vera... I nostri rockers anu trapassatu l'età. I Varans sò vechji cucchi, Tonton hè tripputu, Ange Torre hè à a ritirata, Pierre Gambini ùn face piu chè musica pè grande surface, i sumeri castrati so antichi, è u gruppu Notte... nò deccuneghju.

Finalmente, i soli rockers corsi sò i Chjami Aghjalesi

2.mandatu da KüG u 26/07/2011 09:42
Vogulera?

3.mandatu da Heliofobu u 26/07/2011 16:49
Un si pudia fà un riassuntu più ghjustu che quellu di u rocker di Ponte Leccia...

4.mandatu da ANTO u 27/07/2011 15:30
un c'hè bisognu d'esse "rocker" pè impastizzassi pè sti paesi ,e morti ancu piu giovani ci n'hè troppu nant'a e strade

5.mandatu da Michè u 27/07/2011 18:24
L'Abbrivu?

6.mandatu da Riton u 27/07/2011 19:14
U nostru "rockeur" l'avemu, ma a 160 anni....!!! Monsieur Hubert TEMPETE, in più di qué l'alcool un'gli face nunda...!!!

7.mandatu da Petru u 27/07/2011 22:10
Giabiconi, a moglia di Lagerfeld, un hà chè 22 ani

8.mandatu da gattivu u 28/07/2011 11:37
Tutti quiddi di "Blague à part" et di "Bande à part" spirendu ch'iddu fussini strippati è sbiutati capiendu mughji peghji cà a sirena di u vazziu u primu marcuri di u mesi...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta