Accueil
Envoyer à un ami
Version imprimable
Partager

Quale vole chjamà u so figliolu "Sarkozy" ?

In Libìa, u zitellu hè statu battizatu "Sarkozy" in omagiu à u presidente francese. U principiu d'una moda ?



Quale vole chjamà u so figliolu "Sarkozy" ?
In l'anni 90, a moda hè stata di dà cum'è nomi à i so figlioli quelli di e serie americane. Tandu, sò ghjunti centinaie di Kévin, di Donovan, di Jason, di Steven, di Christopher, di Brandon, di Douglas, d'Arnold... i corci.

In l'anni 2000, a moda fù quella di i nomi maschili in "o" : Théo, Mattéo, Léo, Enzo, Hugo...

Pè e zitelle ci vulia à accurtà i nomi : Emma, Lola, Eva, Zoé, Lou...

Ci hè stata dinù a moda di i nomi in "is" : Maélys, Thémis, Mathis, Loris, Yaris, Umpastis...

Nant'à France-info, avemu amparatu sta mane chì in Tripoli, i genitori d'un picculu maschju anu chjamatu u so figliolu "Sarkozy", in omagiu à u presidente francese. Iè, u nostru. Povera criatura chì principia cusì male a so vita.

Serà forse quessu u nome à a moda di l'anni 2010. Ùn hè ancu u casu ind'è noi, ma forse da quì à pocu videremu ghjunghje i picculi Sarkozy-Paulu o Francescu-Sarkozy...

Di tutte e manere, sapemu digià chì in 2012, quellu chì passa è vince, serà ellu...

u 23 di Sittembre 2011



1.mandatu da U stronzu u 23/09/2011 18:47
Oh quantu mi campu a leghje vi !!

2.mandatu da Urelianu u 23/09/2011 19:07
"Iè, u nostru"... Sarkozy un hè micca u mo presidente...

3.mandatu da U Palatinu (grossu monta sega) u 23/09/2011 19:26
È nimu chì vuleria chjamà u so figliolu "Palatinu" ?
Sò dilusu.

4.mandatu da picciaghjolu u 23/09/2011 20:30
U me vicinu à dighjà chjamatu u soiu Sarkozy...

u so sumeru !!! :-))))

5.mandatu da Linguaccia u 24/09/2011 10:20
Frankenstein -Ribery a chjamatu u soiu "Seif al islam" cume quellu di Khadaffi.....a francia è a libia saranu cusi vicine ?

6.mandatu da GWM u 24/09/2011 11:24
Hè vera chi sta moda di i nomi in -o per i maschji face cagà...Matéo, Théo, Lonzo, etc.

7.mandatu da Linguaccia u 24/09/2011 12:20
Eppo face "Talianu" o GWM..

8.mandatu da machja u 24/09/2011 13:51
Nabuleo !

9.mandatu da Nemancu Perride u 24/09/2011 15:57
Piuttustu che Sarkozy, eccu ne unu chi serebbe propiu à l'usu corsu :
Bayrou à prununcia "veru", ma verità ùn ci ne serà di più, allora serà :
Un veru scrocu, un veru catinu,un veru bugiardu è tante cusi....quantu li ne pudemu truva.

10.mandatu da Nemancu Perride u 24/09/2011 16:15
Ben intesa s'ell'è mandatu à u FMI serà tandu cum'altru : un veru verru....

11.mandatu da ANTO u 24/09/2011 17:38
U peghju hè pè u zittelluciu !

12.mandatu da Lo lop u 24/09/2011 22:09
Nicolas W Sarkozy ?

13.mandatu da Antonino Albertini u 26/09/2011 14:38
aio.. Linguaccia .. se i nomi chi finiscanu per "o" fannu tanto di Talianu.. allora megliu nomi francesi ?? Non so nomi Taliani i "Stefanu", Antoniu", francescu, florenzu ....e cosi via ??
bieatu a chi vi capisce..

:)

14.mandatu da kevin u 26/09/2011 15:14
stefanu antoniu so casate sardi!!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta