Accueil
Envoyer à un ami
Version imprimable
Partager

Quale vole parlà à Manuel Valls

Ciò chì manca à a Corsica pè Manuel Valls ùn sò micca mezi supplementarii nè pulizzeri di prima trinca. Nò, manchemu di delatori. Allora Corsi, parlate ! Site tutti culpèvuli.



Quale vole parlà à Manuel Valls
Davant'à "la spirale meurtrière que rien ne semble arrêter en Corse" (tìppica frasa giurnalìstica ch'ellu si sente dapoi 20 anni), u Statu si dumanda : "chì fà ?"

U ministru di l'internu a ci dice : "ci vole à parlà !"

Manuel Valls cerca à capisce ciò ch'ellu si passa è s'hè fattu un amicu novu ch'ellu hà invitatu : "Alain Orsoni sait des choses alors qu'il parle". I pulizzeri in Corsica seranu cusì mal infurmati ?

Jérôme Ferrari ellu hà datu a so risposta : "Pour la plupart des gens normaux, c'est-à-dire 95 % de la population, on ne comprend rien à ce qui se passe".

Bon, hè purtantu sèmplice o Jérôme. Basta à leghje Le Monde chì ci spiega tuttu grazia à sta carta tutta in animazione.

Intitulata Les dates-clés de la recomposition du grand banditisme corse, saperete tuttu nant'à tuttu :

- l'affari aiaccio-aiaccini
- a successione di Jean-Jé Colonna in u Valincu
- a vindetta Costa-Mattei
- a seguita di a Brise de Mer
- e baruffe in piaghja orientale
- è l'affari casinchesi

Stranu, i giurnalisti sanu tuttu, ma i pulizzeri ùn facenu nunda è u Statu lascia fà dapoi trenta anni...

Ciò chì n'impedisce micca Valls di rimettene una : "les Corses doivent assumer leurs responsabilités " hà dettu una volta di più à l'Assemblea.

Iè amicu Corsu. Tù, sai tuttu è ùn dici nunda. Ancu tù sì culpèvule ! Allora parla, scrivi lettere anònime, surveglia u to vicinu ! Cusì ci dice di fà u Statu.

Allora ancu di grazia, Pierre-Laurent Santelli di l'associu U Levantu hà pigliatu a so penna è scrittu à Manuel Valls. Da leghje : Oui. Moi je sais… M. Valls

Ùn dubbitemu mancu una stonda ch'ellu ùn serà micca intesu.

u 21 di Nuvembre 2012



1.mandatu da Grossu panzutu u 21/11/2012 11:19
Dunque cun u rughjone u piu pulizzatu d'europa, induve si trovanu u piu flichi u piu Rg u piu ascolte telefoniche, induve si dumandanu u piu infurmazione, induve si mette u piu micro inda ghjente annu bisognu di ghjente pè palisa! Quandu ci vulia a sbundà u fronte o a truvà l'assassini d'erignac annu arrestatu mezza Corsica e avà?

Vargogna a elli e a so murale falza cume a lusciva! A parolle cuperte ci dicenu "pudemu aiutavi ma nanzu manghjateci inda manu mettitevi a dinochji davanti a noi e tandu v'aiuteremu"

2.mandatu da Zeruffu u 21/11/2012 12:34
U Statu sà perfettamente ciò chi si passa, chi agisce, è cosa fà.
U Statu lascia fà pè distabilizà a Corsica è paralizà l'evuluzione istituzionale.

Ciò che, noi, cittadini nurmali, pudemu fà hè di ripete à tutt'inghjunu, in a stampa, à a tv, à ciascune a verità.
U pudè, a pulizia, a ghjustizia, i servizi di rinsignamenti, GHJ'HÈ U STATU CHI L'HÀ.
Quandu si hà u pudè, si hè rispunsevuli.

3.mandatu da Aziz Ume u 21/11/2012 12:45
+1 Zeruffu

4.mandatu da Linguatorta u 21/11/2012 13:11
Iè ai a ragiò Grossu panzutu ma arricorda ti chì un certu Mr Corté hà palisatu i nomi di parechji per l'affare Erignac cum´è si sà chì troppu clandestini ùn anu micca avutu abbastanza ritenuta chjappi ch´elli eranu. Oghje prima regula, micca avvicinanza cù sta ghjente. Seconda ùn aiutà li micca nè dà un soldu à i so cumercii. Chì ci vole arrestà di montà li a sega essendu cuntenti di cunosce li è ride di e so malfatte in u passatu. Ci vole à disprezzà li. I so codici di vita ùn sò micca i nostri, ùn fighjemu micca u listessu mondu, a nostra Corsica ùn hè a soia.

5.mandatu da altarocca u 21/11/2012 14:02
Ie, u pudè, ghjè u statu chi l'ha, ma simu noi i coni chi votemu per Giaccobi è per "le système et le clan".

6.mandatu da Stonclette u 21/11/2012 14:04
Simu 300 000 abitanti 4 quartieri di Marseille , cu i mezzi ch ellu ha , u statu se lu vole veramente arrestara tuttu assassini , droga, traficcu d armi ma a so vulinta hé in altro , à so vulinta hé di fa smarisce u populu corsu , svegliate vi per piace tutt ognunu po fa à so piccula révoluzione in lu so paese , lasciate Corre à ghjelusia di u vicinu e quellu chi compra un 4x4 novu, arrestate di fa cum u francese à esse individialistu

7.mandatu da aiotuttiifratelli u 21/11/2012 14:07
so d'accunsentu incu ZERUFFU !!!!!!!!!!

8.mandatu da ghjuva u 21/11/2012 14:18
ce un sollu veri slogan IFF.....a rispondelli a st omu.

9.mandatu da ANTO u 21/11/2012 17:48
Ch'elli cumencinu a mette nentru ,i merri e i prefetti qui dannu i permessi di custruisce cuntrari a à lege .Chelli facianu paga i stessi pè distruge i stabilimenti custruiti mantu a u dominiu maritimu .E po oghje u vescu di Corsica a dettu cio chi ci resta a fa :prega !

10.mandatu da Ulongu u 21/11/2012 18:21
Spergu chì tuttu u mondu l'hà capita avà chì u Statu sà tuttu dapoi un pezzu è ch'ellu ùn vole micca agisce in veru.
Di sicuru anu da ruminicà à pena, arrestà qualchì lampistu ma s'elli facenu travagliu seriu, s'anu da ritruvà subitu ind'u spechju, cù i so funziunarii o i so eletti corsi cullaburatori.
Dunque feranu pocu è micca.

11.mandatu da KüG u 22/11/2012 11:57
hè puru semplice: e "forze di l'ordine" in Corsica hanu sempre avutu cume unicu è solu scopu di mantene è assicurà l'appartenenza di a Corsica à a Francia, micca d'aduprà a lege o u dirittu.

Basta à stà à sente oghje i discorsi statali: "la Corse, c'est la France", ecc.
U Statu ùn si sente micca minaciatu da l'assassinii è e cumbricule, postu chi cuncernanu un sistema "apuliticu", senza periculu per l'ideulugia di u putere.

E postu chi oghje u Statu francese tene rittu solu da a so ideulugia...

12.mandatu da lola u 22/11/2012 13:19
Valls est un baltringue équivalent à Chevenement il ne fait que reprendre le discours de Chevènement de triste mémoire avec son prefet et ses gendarmes barbouzes qui ont essayé de porter la guerre civile en Corse.....Tiens tiens on y arrive, vive la patriotisme di u babbu di a nazione Pascale paoli, vive les idées nationaliste sans violence.
Excusez moi de ne pas m'exprimer qu'en Corse, mais le coeur y est !

13.mandatu da Pumata u 22/11/2012 15:39
+1 Kug u solu scopu di statu in corsica ghjè di mantenesi. Un difende micca a pupulazione si difende ellu!

14.mandatu da ghjuva u 22/11/2012 16:13
lola a vera viulenza di quella fattu di a francia a u populu corsu...laltre un he micca viulenza ghje una diffesa per quella certi so morti o inde e prisgio frencese..

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta