Accueil
Envoyer à un ami
Version imprimable
Partager

Quale vulia piattà a testa mora di a finale ?

Forse seremu paranòiachi (ci hè di chè...), ma s'hè passatu qualcosa di stranu durante a finale di a cuppa di u mondu di rugby.



Quelli chì anu fidighjatu a finale Francia - All Blacks dumenica matina anu tutti rimarcatu una bandera corsa tamanta appiccicata in l'Eden Park. Nant'à a testa di moru dui striscioni di a squadra neozelandesa. A filetta bianca nant'à u fondu neru è scrittu "All Blacks" ùn lascianu dùbbitu : i Corsi presenti in Auckland eranu quì pè susteni i "tutti neri" è micca i "bleu blanc rouge".

Nant'à TF1, ùn si vidia chè quessa. È forse averà dirangiatu à qualchissia ?

In u segondu tempu, più traccia di a testa mora. Trè omi incustumati s'eranu messi davanti è piattavanu a bandera. Stranu, postu chì era solu custì ch'elli c'eranu officiali, unicamente davant'à a nostra bandera.

Chì s'hè passatu ? Sapemu chì u ministru Douillet era presente quallà pè a finale. U sustegnu corsu pè i Blacks averà dirangiatu à qualchissia à a FFR ? À u ministru ?

Andate à sapè ! È forse ùn saperemu mai ciò chì s'hè passatu. Ma bon, vista cum'elli si passanu l'affari in tornu à a Corsica, ci hè di chè esse appena paranòiachi, nò ?
Quale vulia piattà a testa mora di a finale ?

u 23 d'Utrovi 2011



1.mandatu da Hank Hapumath u 23/10/2011 22:27 (da un teleffuninu)
Pensu ché a Francia sanna di l'"ovalie" si batta i cuglioni di a Corsica é di à Sò Bandera...

2.mandatu da Hank Hapumath u 23/10/2011 22:28 (da un teleffuninu)
Pensu ché a Francia sanna di l''"ovalie" si batta i cuglioni di a Corsica é di à Sò Bandera...

3.mandatu da Hank Hapumath u 23/10/2011 22:28 (da un teleffuninu)
Pensu ché a Francia sanna di l''''"ovalie" si batta i cuglioni di a Corsica é di à Sò Bandera...

4.mandatu da ghjacumu u 23/10/2011 22:40
iè, ma forse micca à Douillet o à quelli di a Federazione di rugby... l'affare he veramente stranu

5.mandatu da Francescu Néviani u 23/10/2011 22:58
Stranu per di veru , dirangia sta bandera . forza bastia

6.mandatu da perchè micca u 23/10/2011 23:23
Hank Hapumath, sì tertagliulu ? avemu capitu !!

7.mandatu da Claude, Eri gnac e dumane u 23/10/2011 23:37
un colpu di Tiriez...

pensu chi una matina m'arrizzeraghju e ci sera un muru drittu nentru u mare inc'u qualchi miradors e ci sera forse un trenu (amg 800) a direzione di dachau... arf simu mal-barati

8.mandatu da Jo Masoscista u 24/10/2011 10:09
pensu ché a francia di l'ovalie ferma a francia !
dunque ch'elli an,dessinu à fà si vede anch'elli

9.mandatu da o''connors bastiacciu u 24/10/2011 12:17
Iè ma piuttostu un battellu, un "battellu biancu", forse ancu unu giallu s'è u biancu ùn basta, un battellu ch'elli affunderanu à mezu mare. E canteranu "à mezu mare ci hè un bastimentu..." . Corsica non avrà mai bene ...

10.mandatu da giovanna u 25/10/2011 04:17
proprio non lo sopportano che non li sopportate.....

11.mandatu da ANTO u 25/10/2011 18:11
u mio "post" hè smarritu ?soga u muderatore un'avia capitu ? mi passeraghju di vène a vedevi !

12.mandatu da U webmaestru u 25/10/2011 18:45 (da un teleffuninu)
L'avemu digià detta : i cummenti ùn sò micca muderati, nisun "post" hè statu supressu.


13.mandatu da Peggy Love u 26/10/2011 11:30
Puuhhhhh... chi mansa di paranò 'ssi Piazzettinchi !!

14.mandatu da Cristofanu Filippi u 26/10/2011 14:38
Sta bandera era a listessa chè quella ch'è no' avemu vistu per Francia-Inguilterra. Tandu ùn ci era micca a rosula nantu.
Forse chì quelli chì l'anu messa si n'impippanu di u paese è ch'elli sò per a squadra più bona, simpliciamente. U sport nanzu à tuttu, u ghjocu bellu eppo u restu, lascemu corre : Trà quelli chì sò corsi ma chì campanu da francese è quelli chì francesi volenu esse corsi, a Corsica, ella, si sente ancu di più chè mai un pezzu di terra à mezu à l'onde tribulate...

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta