Accueil
Envoyer à un ami
Version imprimable
Partager

Quandu Ange Santini scappa davant'à e dumande d'una giurnalista...

A pulèmica ingonfia à prupositu di i terreni d'Ange Santini. U presidente di l'esecutivu chì hà interessi in l'immubiliare è chì gestisce a SCI U Serenu ùn hà micca vulsutu risponde à e dumande d'una giurnalista di FR3...



L'infurmazione hè stata data da u situ Amnistia.net è ùn face micca piacè à tutti. Tagliendu à l'accorta, eccu i fatti :

Ange Santini, presidente di l'esecutivu di a CTC hè à u capu d'una sucetà immubiliare : a SCI U Serenu.

U situ amnistia hà messu in avanti u fattu chì terreni appartenendu à Camille de Rocca Serra, Jérôme Polverini è Ange Santini sò prumessi à esse resi custruttibili in u PADDUC. Cumu "desantuarizà" i so propii terreni...

Ma si Camillou ùn hà mancu circatu à nigà l'infurmazione, à Ange Santini ùn l'hè micca piaciutu.

Fidighjate sta videò è u so silenziu imbarazzatu davant'à e dumande di a giurnalista di FR3. Un bellu mumentu di veru giurnalisimu à Corsica Sera ! È u presidente di l'esecutivu chì preferisce fughje ch'è di risponde.

S'hè amparatu ghjovi ch'Ange Santini hà decisu di purtà una lagnanza cont'à u situ amnistia in un cummunicatu piuttostu annerbatu...

Allora bugia o nò ? Serà à a ghjustizia di decide.

In tantu, l'affari immubiliarii di i membri di l'esecutivu di a CTC mischjatu à un PADDUC mullizzosu imbestianu di più in più i nostri capizzoni...

u 26 di Sittembre 2008
U Sgaiuffu



1.mandatu da estrimei u 26/09/2008 10:03
mi pare chi ci'ole a arricurdà chi u " patrone " di a meria di Calvi he santini.
u fattu chi marca dinnu he chi a so suciétà-stabilita 'nu a "pinede"- he stata dichjarata per pudè fà "opérazione immubiliarie" (si qualchissia ha una manera piu nustralle per dillà , ch'ellu mi curregi puru, m'accunsenterrà assai).
so chi mi cunturbeghja he chi Santini voglie andà in tribunale .
perche ? u tribunale u po dicchjarà nuscente di vullè , 'ncu tutta a so banda , lutta per caccia i corsi di casa soia , e di mette a a so piazza ghjente ch'elli sciglieranu elli-o chi li seranu imposte , chi,elli , un so che muccicosi-?

2.mandatu da estrimei u 26/09/2008 10:04
Santini voglia andà in tribunale .b[

3.mandatu da ghicciu u 26/09/2008 18:13
cio chi dirangia hè di vede chi tutti anu l'interessu in l'immubiliare : Camillou, Ange Santini, Polverini, Anne-Marie è Paul Natali, Fanfan Vendasi, è siguramente sta closcia di Stéphanie Grimaldi.

allora quand'elli parlanu d'eculugia, di rispettu di l'ambiu, di priservazione ecc... facenu tutti ride.

sò tutti qui pè Fà I SOLDI CU U TURISIMU, E BASTA

4.mandatu da chjarasginu u 28/09/2008 20:14
Hè sicuru chi Santini é l'altri sò quì pà fà i soldi cu u turismu, faceni passà i so affari nanzu quiddi di a Corsica é di corsi.

Ma u peghju, ghjè chi so i corsi (certi) chi ani vutati pà iddi, so eletti, ci hè dà esse pinserosu...

5.mandatu da servizievule u 28/09/2008 21:10
é cumu hé andata issa brava giurnalista ?

Novu cumentu :