Accueil
Envoyer à un ami
Version imprimable
Partager

Quandu Corse-Matin diventa u ghjurnatante di Mr Rodriguez è di Mr Mela...

Corse-Matin, u santissimu ghjurnale di a Corsica, pare ch'ellu diventi pianu pianu a voce di i pippoli has been, ma dinù di l'UMP, u partitu di Sarko è di e World Company...



Quandu Corse-Matin diventa u ghjurnatante di Mr Rodriguez è di Mr Mela...
Chì Corse-Matin parlessi di i prughjetti di a municipalità di Georges Mela, quessa pò, hè nurmale. Hè u so rolu. Hè un giurnale di vicinanza chì si deve di parlà à quandu di l'affaccata di Babbu Natale in Perelli d'Alisgiani, à quandu di e vacanze di Jean-Pierre Pernaut...

Eppuru, à leghje st'articulacciu, ci hè da dumandà si s'è Corse-Matin hè sempre u giurnale d'infurmazione lucale o s'ellu hè diventatu un urganisimu di prupaganda nun solu à prò di l'UMP è di i so eletti in Corsica ma dinù di e multinaziunale.

Più chè u fondu, hè a forma chì mi pare sgalabbata è malvenuta. Volens nolens, nici nicente, sottu sottu, Corse-Matin hè un giurnale indiatu.

"La nécessité de l'extension du port de plaisance aujourd'hui saturé"

Per esempiu, u titulu di l'articulu in causa, ùn hè mancu una citazione di a municipalità. Hè a pusizione ufficiale di Corse-Matin. Amparemu, cum'è un argumentu d'auturità, ch'ellu hè dinù u parè d'un certu Mr Rodriguez, un amicacciu di a Corsica chì vende i so battelloni à i ricconi di u mondu sanu. N'avete voi un Mangusta ? N'aghju cummandatu unu ma l'aspettu sempre... Cum'elli sò longhi!

Ingrandà u portu per vende i battelloni di Mr Rodriguez?

Eppò, nant'à u fondu, chì n'anu da fà i Purtivechjacci d'un portu chì possa accoglie 900 à 1000 battelli? Per u più, strazianu à buscà si un alloghju tuttu l'annu, ma i penseri di certi sò d'accoglie i spacconi di u mezu mondu... U suciale, mi diceranu, abbisogna prima di tuttu ch'omu produca ricchezze. Ma quandu veneranu i 900 battelloni venduti da Mr Rodriguez, ci volerà forse ingrandà u portu da ch'ellu possa accoglie e vendite à vene di stu sgiò...

Candide diventa giurnalista à Corse-Matin !

Tenite un antru esempiu... In i dui ultimi numeri di "Le journal de la Corse", avemu avutu l'asgiu di leghje duie interviste cumpiacente d'Ange Santini è di Georges Mela. Nisuna critica! Chì tippetti i nostri eletti ! Grazia à Corse-Matin, Candide hè sempre vivu...


u 19 d'Aostu 2008
Sbanditu (quandu pensu à què, mi vene l'azezume...)



1.mandatu da yachtclubber u 19/08/2008 03:26
Vogliu aghjustà chi u "rodriguez group" hé quelle suciétà (di merda) a quale appartenia u "land's end", batellu ch'ha pigliatu fondu in faccia di a piaghja di u Liamone 3 o 4 anni fà, e ch'un hé mai statu cacciatu... So dino elli chi dopu a issu affundamentu, anu licenziatu e lacatu in tarra senza nulla u parsunali di bordu: uni pocchi di "phillipins" disgraziati...
Eccu cume elli so bé sta ghjente di u "rodriguez group"

2.mandatu da u primu u 19/08/2008 21:27
bien vu !! (pardon de ne pas écrire en Corse, he troppu longu per me...)
porto-Vecchiais que je suis, j'ai relevé ce bel article pas signé. sur la mm page on remarque que les pauvres citoyens de la ville, ils doivent payer d'avance les frais de garderie dans les écoles et cantines...avant la rentrée. beau rapprochement à côté des plus grosses fortunes qui n'ont cure de notre vie au quotidien! ô sgio Mela e cumpania, aspeta un pocu ! on va s'occuper de vous très vite ! Vergonia a te !

3.mandatu da baygon vert u 20/08/2008 23:43
bon allora, chi face l'oposizione ? Jean-Chri, Marie-Claude è l'astra narpia di "campà", cosa fate ????

4.mandatu da u corsu u 22/08/2008 17:12
A calvi aussi il faut payer la garderie, la cantine et aussi le centre aéré d'avance : santini mela et rocca-serra c'est la meme merde.

5.mandatu da Cardone u 25/08/2008 16:17
Pruverbiu greccu pà u batellu arrubattu in Portivechju


Celui qui pille avec un petit vaisseau se nomme pirate ; celui qui pille avec un grand navire s'appelle conquérant.

6.mandatu da w a corsica libera u 27/01/2009 14:16
Sono italiano, amo a corsica l'estate sono sempre li' co a mia barca. Un caro saluto a questa magnifica terra e ai suoi figli Bambini Francesco

Novu cumentu :