Accueil
Envoyer à un ami
Version imprimable
Partager

Quantu ci hà da mancà, Dumè Gallet...

Si n'hè andatu Dumè Gallet, puntellu è voce tremenda di Canta u Populu Corsu.



Eccu, si n'hè andatu Dumè Gallet.

Chì si pò dì, quandu tuttu hè statu dettu nant'à u militante puliticu è puntellu di Canta u Populu Corsu. Hè statu interratu eri in A Riventosa.

Era a voce di Vogliu scrive u to nome, Quandi a terra move, L'Odore di i nostri mesi, Amicu ci sì tù, Mal Cunsigliu, Lettera à Nicoli... Tutti sti capi d'opera di u gruppu mìticu di u settanta.

Tutti dicenu u so impegnu, a so integrità, u grande militante ch'ellu era.

Chì si pò dì di più, fora chì in sti tempi pessimi pè a Corsica, a so voce ci mancherà.

Chì si pò dì di più, fora chè no ùn avemu micca u dirittu di calà e bracce ?





u 22 d'Aprile 2013



1.mandatu da Massimu u 22/04/2013 17:42
Pocu à pocu si ne vanu tutti...

Oghje i canterini corsi "post-riacquistu" ùn sò mancu capaci di tene una cunversazione sana in lingua corsa. A maiò parte ùn sanu mancu fà una frasa. D'altronde si sente, quand'elli cantenu, ùn riescenu mancu à fà una funetica curetta...
Hè per quessa chì a generazione di i culturali chì si piglienu pè militanti di prima trinca perchè sò capaci à cantacciulà trè paghjelle, m'ingonfianu in veru. E dopu anderanu à diciulà, dà lezzione di pulitica, ecc...
A l'epica, cultura, stintu è pulitica eranu liati. Mai averebbenu devutu spiccassi.

2.mandatu da Ricordu... u 22/04/2013 17:59
Vérità!! Mà ghjustu una dumanda : Hè più curettu di di "Pè a Riventosa" o "in a Riventosa" , mi pare ch'ellu si dica " Pè à Croce (ampugnani) o "Pè u Viscuvatu" o Pè u "Cateraghju" .......

3.mandatu da Casata u 22/04/2013 19:47
"ùn avemu micca u dirittu di calà e bracce".

Eccu. Hè dettu tuttu.

4.mandatu da Heliofobu u 22/04/2013 22:07
Salute O massimu, socu à pocu pressu d'acunsentu incù lu to puntu di vista... Fora di a fine. Pensu chi, sè oghe ne simu a sta caricatura di cultura, hè ghjustu à puntu chi a spressione artistica ùn hà possutu spiccassi di a pulitica(ccia). L'artisti di u setttanta, elli, in più d'una cuscenza, avianu una vera appertura di spiritu culturale.
U putentissimu Dumenicu avia principiatu a so carriera ind'u gruppu "Rialzu", d'ispirazione "jazz-rock nanzu-guardistu psichedelicu", una dimarchja artistica guasi futurista per l'epica ; ùn hà righjuntu Canta che più tardi... Tuttu què per dì chi, una spressione culturale chi ferma impastughjata à u militantisimu và direttu ind'u muru. Un c'hè che da vede oghje, a creazione à u livellu zeru ! Un viotu artisticu passeistu ; ùn avemu possutu sorte di e tematiche di u (cusì chjamatu) riacquistu (cuncettu mitomanescu) è l'azzezi stichiti in camisge nere chi ughjuleghjanu "libertà libertà" incù una ghitaraccia anu rimpiazzatu i sirinati napulitani cù manduline di tandu : una caricatura hà cacciatu l'altra...

5.mandatu da henry smart u 22/04/2013 22:52
Avedeci o dume,
una voce magnifica
un omu indiatu
un omu generosu
un omu sinceru
un patriottu di a libertà, di i diritti cullettivi di u populu corsu è di i diritti individuali universali !!
un artistu chi ha vere qualità umane ricunnisciute he un veru artistu !
Toccu à i pueti d'impenna ava ....

6.mandatu da naziunali u 22/04/2013 23:27
riposa in pace caru fratellu firmara in prima ligna issu corsu di bella sterpa
chi ghje cum'a rimigna piu si strappa e piu rinceppa

7.mandatu da saveriu u 22/04/2013 23:42
Chi si pò di?Chi ghjè una disgrazia di più per u nostru Paese, e per un puntu più persunale, sò i mio ricordi di zitéllu e di ghjùvanotu quandu stava à sente ore sane 'ssi canti chi m'hanu fattu sunnïà d'una Corsica mitica.

8.mandatu da antone u 23/04/2013 03:01
Chi si po di ? Ch'ellu hà suminatu, che no simu ingrandati cu e so canzone, e chi avà tocca a noi à piglià a seguita. Riposa in pace.

9.mandatu da buzz a saetta u 23/04/2013 14:18
QUANDI A TERRA MOVE d'amparà nutizia cusì cattiva . AMICU CI SÌ TÙ chì ci manchi oghje è per via di què chè VOGLIU SCRIVE U TO NOME in una LETTERA À NICOLI per dilli chè L'ODORE DI I NOSTRI MESI ùn saranu più i listessi è ch'ellu ti fessi una piazza accant'à ellu in Paradisu.

10.mandatu da lola u 24/04/2013 15:03
Ripose in pace caru Fratè cu Natale Luciani é tutti i patriotti chi so cascadi

A prestu

Dumé sempre vivu !

11.mandatu da caterraghjacciu u 25/04/2013 21:33
à Ricordu :
si dice piuttostu "andà à U Caterraghju .. e listressu per tutti i nomi di paesi cu un articulu (u o a ) da nanzu ... avà à a tv o a radio mettenu andà "in " davant'à tuttu e ghje un grossu sbagliu ..
ps : ancu "andà per " hè ghjustu ma un cunvene à u sensu di tutte e infrasate

12.mandatu da petru maria u 26/04/2013 10:34
Chì tù possi ripusà in pace, avvedaci o amicu !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta