Accueil
Envoyer à un ami
Version imprimable
Partager

Quist'annu, fate una merendella goffa

"Luni piacè, luni di Pasqua, di sole è di festa"... "Corse, île de beauté"... Lasciate cascà i clichés, i belli lochi di muntagna o di mare. Quist'annu, u tempacciu hè previstu (cum'è sempre), allora scambiate è pruvate una merendella goffa.



Quist'annu, fate una merendella goffa
Tutti l'anni, hè a grande dumanda di u luni di Pasqua. Induve fà a merendella ? S'è vo n'avete una techja di u luni piacè, di sole è di festa cum'elli cantavanu I Muvrini, prufittate per scopre l'altra Corsica, a goffa.

Tighjime : Site in brama d'erba verde è fresca ? Cullatevine in Tighjime, l'anzianu ruminzulaghju hè pulitu avà. Serete soli è ùn ci serà manc'una croce per dirangiavvi. È sott'à i vostri pedi, cinquant'anni di mullizzu...

U parking d'un centru cummerciale: A Corsica hè a regione chì hà a prupurzione di centri cummerciali a più forte di Francia. Catramu, bettonu, insegne culurite, caddies è strada naziunale, site à u core di a Corsica chì vince.

U giratoghju di Ponte Leccia : Vulete vede a campagna ma avete a paura d'esse dirangiatu da u pastore ? Nunda di megliu chè u rond-point di Ponte Leccia. Puderete ancu fà arustisce u vostru figatellu discount.

Andate in Francia senza francà u mare : Amatore di sensazione forte, fatevi paura ! In Portovèk (l'antica Portivechju) ùn ci hè più nunda di corsu. Andà in cuntinente senza avè à pagà u bigliettu di trasportu, ci vulia à truvalla. S'è vo truvate qualchissia chì parli corsu o chì hà l'accentu corsu, hè ch'ellu s'hè persu.

A casa naziunale di i CRS in Furiani : Site passiunati di turchinu, di custumi di pulizzeri, di camiò di CRS ? Allora una merendella vicina di l'imbasciata di i CRS in Furiani hè per voi. Dop'à duie o trè buttiglie di vinu, vi feranu fà un girettu in camiunetta sin'à u cummissariatu.

U Vaziu : Nò, u Vaziu ùn hè micca solu una centrale stumagante chì lampa u so fume puzzicosu chì dà u càncheru. Hè dinù una di e più grande è di e più belle mullizzerie di Corsica. François Tortos ci face scopre stu bellu ruminzulaghju.

A basa di Sulinzara : Si trova in U Travu ma si chjama "base de Solenzarà" o megliu : "Zara". Postu ch'ellu ci vole à sceglie un lucacciu, pigliatene unu cun l'armata nentru. S'è vo ci la fate à stacci più di 15 mn, site più forte chè Chuck Norris.

U bellu cantieru : A sapete bè, a Corsica hè u paese di e grues (l'àrgani), l'avemu detta parechje volte. Ùn mancanu micca i cantieri è i casali goffi in custruzzione. U prublema hè chì quand'elli sò finiti, hè ancu più goffu.

A zona industriale di Purettone, in Borgu : Semu i più forti pè e rumenzule lampate n'importa induve. Ancu Anne-Marie Natali trova ch'ella hè goffu. Per divvi...


Bone feste di Pasqua à tutti !

Messu in linea u 30/03/2013
Messu à ghjornu u 21/04/2014
[

Portivechju, capitale di a Corsica diventata goffa.
Portivechju, capitale di a Corsica diventata goffa.

Quist'annu, fate una merendella goffa

Quist'annu, fate una merendella goffa

Los Angeles ? Marne la Vallée ? Nò, Corsica.
Los Angeles ? Marne la Vallée ? Nò, Corsica.

Nanzu, a Balagna era in Corsica.
Nanzu, a Balagna era in Corsica.

What else ?
What else ?

u 21 d'Aprile 2014
U Webmaestru



1.mandatu da Massimu u 30/03/2013 14:04
S'è vo vulete, ci hè dinù u terrenu di u stadiu Armand Cesari. St'erba hè cusì mal'tagliata è tufunata ch'ella pare naturale !

2.mandatu da ghjuva u 30/03/2013 14:19
bonna pasqua a tutti..tenimu a mente stu ghjornu magnificu per noi catolighi

3.mandatu da semprazezu u 30/03/2013 14:29
Bastiacci state puru in villa chi in centru cità avete 2 lochi di prima trinca: u parcu sopr'à a prefettura, ma venite cù u vostru cane cusì si puderà fà una bella cacata chi mancanu(e cacate)!!!Parcu dettu u cacatoghju di a caneria bastiaccia(à quandu un impositu à quelli chi anu u cumpagnu "cacu dapertuttu è u mo maestru n'hè fieru"!!! vi pudete stallà dinù sopr'à stu bellu parcu, anu messu digià e tuvaglie bianche chi v'aspettanu...si custì ùn vi schjattate micca ghjè ch'avete un veru prublemu...! bona Pasqua è bella merendella tra MERDA è TIGLIU

4.mandatu da Yannka u 30/03/2013 14:40
Ci hè dinu micca tanti paesi strangeri ma u parking di quick in Mezzavia è Furiani per tutti i quelli di a corsica suttana o suprana...
"Nanzu (a corsica) era in corsica"
Bonne feste

5.mandatu da pseudonimu u 30/03/2013 15:46
Furiani : u so Quick, u so Flunch, a plus belle pelouse d'Europe, la rocade, u bowling, super souk e lotissements.

A Corsica d'oghje...

6.mandatu da Capra corsa u 30/03/2013 15:56
eiu ne cunnoscu chì facenu a merendella in a machja...accant'à vechje tombe. omancu ùn ci hè micca à strazià per truvà un tavulinu...

7.mandatu da Calvoise u 30/03/2013 17:33
D'altre idee : http://www.baccarelli.fr/actualite_2010_04.html

8.mandatu da sbavacciulò u 31/03/2013 09:00
Bone feste di Pasqua à tutti fora di i pinzuti è di i scrucconi assassini

9.mandatu da Ghjuda u 31/03/2013 11:18
a scelta ci hè cù stu ventu:
- u Pignu, cù stu ventu, forse pudite falà in Bastia in vinti seconde, cù a merenda nanzu à voi.. Eviva u regime..
- i sanguinarii, "les iles sans retour"... cù "una planscia "à voile...
- l'aviò: partite da Bastia per Parigi è manghjate in Aiacciu o in Olbia, o cù i pesci ..
- in Tallone, cù a puzza per ciumpagna, l'acule marine è i topi
- in Prunelli di Fiumorbu, cù listessi...
- in casa, à l'appossu ...

-

10.mandatu da babbo u 31/03/2013 12:48
A macagna mi piace anc'a me,ma perche vi ne state ind'un paese cusi brutu ?
Andate a campà in su paradisu chi si chjama "la fronce",andarette a fà a merendella nant'a a Tour Eiffel

11.mandatu da ghjuva u 31/03/2013 13:35
ie ai rasgio andate per sta franciaccia e legadi a vostra piazza a tutti sti furesteri

12.mandatu da GIACOMONI u 31/03/2013 14:59
Ùn ci sò micca chè 'ssi lochi mintuati. Ancu ind'è i nostri paesi à a natura cusì bella, ghjettanu dapertuttu.
Aghju trovu, falendu à u mo ortu in campagna, pezzi d'acquaghjolu o di bagnarola lampati in u terrenu sottu ripa. Vergogna. Quandu ùn si sà duve ghjittà !

Luigi G.

13.mandatu da ANTO u 31/03/2013 16:59
Ci steremu tutti in casa chi l'acquà a da falà a sechje !

14.mandatu da Posati qui u 31/03/2013 17:34
Fattevi una merendella in piazza di a casa cumuna in ognunu paese di corsica ,legate puru sopra a piazza un mulizzu ,mettite u focu é chjamata a gendermeria s'ellu ci né sé una, ossino legate puru brusgia ma u piu vicinu di a casa cumuna ;
Quessa po u si face tra corsi ???
Luni di pasqua ci hé sempre in corsica??? ava sera luni di u PLU??

15.mandatu da marie Do Vittori u 31/03/2013 21:31
Chantier AMIANTE MANDEVILLA route de ville à Bastia....

On repositionnera les bâches qui se sont envolées pendant le week end

16.mandatu da Diego de Toga u 01/04/2013 09:14
Da Montesoru à Casamozza, incù sta piaghja infillata da i "hangars" ci serà un bellu locu pè a merendella oghje !

17.mandatu da bastiacciu stortu u 21/04/2014 10:20
Si po fa dinu nanta a piazza santu nicoula in Bastia , ma micca u luni di Pasqua , a Dumenica nenzu ... Cusi omu si crèdè a u souk di Marrakech ....

18.mandatu da babbò u 21/04/2014 17:39
Bonna " merdandella " a tutti!!!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta