Accueil
Envoyer à un ami
Version imprimable
Partager

RCFM lancia una chjama

Di regula, à u forum di RCFM, ci n'hè sempre unu chì "lancia una chjama". Sta volta, hè a radio chì dice ch'ella hà bisognu di noi tutti.



Ùn strappa più a greva à Radio France. Guasi trè settimane, è sempre u listessu missaghju à l'antenna :

"En raison d’un appel à la grève par plusieurs organisations syndicales portant sur les difficultés budgétaires et la défense de l’emploi à Radio France, nous ne sommes pas en mesure de diffuser l'intégralité de nos programmes habituels."

Allora ci n'hè chì sò diventati fanatichi di a playlist di a greva, d'altri chì ùn a supportanu più.

Radio France si trova di pettu à una di e crise e più massicce dapoi a so creazione. Si tratta di truvà 50 milioni d'euri per equilibrà i conti. U so presidente Mathieu Gallet s'hè messu tuttu u mondu à dossu è u persunale teme un grande colpu di kärcher. Si parla di 300 o 350 impieghi supressi.

Tandu, ci seranu dinù cunsequenze pè RCFM. Digià, un raportu di a "Cour des comptes" dice chì a radio corsa hà troppu giurnalisti è troppu mezi... è si parla avà d'un postu di tecnicu minacciatu.

Mezi in menu pè RCFM, chì vole dì ? Menu giurnalisti, menu emissioni lucali è di più "naziunali" di a rete France Bleu (vi n'arricurdate quandu avianu messu à l'antenna u disgraziatu di Patrick Sabatier ?), è menu lingua corsa dunque, postu ch'ellu ci vulerà à fà scelte.

Per tuttu què, perchè ch'è no avemu bisognu più ch'è mai d'un serviziu publicu forte, d'impieghi per i giovani corsi, di giurnalisti è tecnichi di quì, d'emissione è d'infurmazione fatte quì (è dinù perchè ch'è no avemu bisognu di l'azezi chì chjamanu a matina u Forum, di e scrianzature di Petru Mari è di i mughji di Jean Pruneta per i macci di Bastia), pudete sustene à RCFM.

Ci serà un'addunita mercuri nant'à a piazza Santu Niculà in Bastia, ci hè una petizione in linea è pudete seguità e pagine Facebook è Twitter create à posta.

RCFM lancia una chjama

u 6 d'Aprile 2015



1.mandatu da Ivan Drago u 07/04/2015 08:46
RCFM un smarirera micca. So 44 o ghjente. Creite da veru chi l'avvene di RCFM hè minacciatu cu 40 impieghati è micca 44 ? In altro, si parleraghju di clientelismu cu ssu rapportu di a Cour des Comptes. Ma hè RCFM, allora anu ragio, ancu quand'elli dicenu bugie.

U piu bellu hè u sindicalistu chi un futte guasi piu nunda a RCFM. He troppu occupatu a travaglia pe a communicazione di un omu puliticu assai cunusciutu in Bastia.

Cio chi si passa hè u risultatu di una pulitica d'impieghi irrespunsibule di a direzzione di RCFM. Anu pigliatu un pacchetu di CDD, anu fattu crede a tutti 'ssi ghjuvanotti ch'averanu un CDI da qui a pocu. A direzzione sapia ch'un sera micca pussibule ma l'anu fattu quantunque. Que hè u veru scandalu. È un parlemu micca di u DU di giurnalismu, avemu u tempu, ma sera un fiascu di l'altru mondu. È micca per a qualita d'issi ghjuvanotti chi so tutti boni.

Mi pare chi ghje una sola radio chi hè corsa a ogni mumentu, si chjama Alta Frequenza. Arricurdatevi, RCFM un hè micca una radio corsa, ma una radio francese (FRANCE BLEU) cu 14 ore di prugrammi fatti in Corsica ( si po di chi i Fous d'Opera, detta Radio Francs-Macs, hè un prugrammu chi fa pro a a cultura corsa ? A stessa cu è ricette di cucina o radio rumenzulaghji ch'elli chjamanu u Forum) .

2.mandatu da filippu u 07/04/2015 09:07
ahè ! ne ci vulia unu di criticone, l'avemu trovu...

sustegnu à u persunale di RCFM.

3.mandatu da filippu u 07/04/2015 09:08
e po Alta Frequenza s'ellu he per fà a prumuzione di closce cume "Vivian de Secret Story" mi parenu piu vicini di NRJ12 che d'una radio corsa.

4.mandatu da Ghjuvanluca u 07/04/2015 09:15
Sostegnu a Frequenza Mora....e Forza Petru!!!!

5.mandatu da guagnu u 07/04/2015 09:24
Forza Petru

6.mandatu da don camolliou u 07/04/2015 09:58 (da un teleffuninu)
Basta ch''elli caccessinu arrivée d''air chaud, u foru è ma sai.
Hé quantunque una radiu per i vechji ripublicani di pettu à Alta Frequenza

7.mandatu da ernestu u 07/04/2015 10:35
Si tratta d'impieghi per i giovani corsi o ghjente. ùn vi ne sminticate.

Curagiu RCFM !

8.mandatu da Antone u 07/04/2015 11:11
Ghjè benissimu stu DU di giurnalisimu bislingu. ma ne ci vuleria di più, e tutti l'anni. Attenti à "l'alibi".

A Alta Frequenza ci hè Andreani chi parla benissimu corsu, ci vole à incuragì stu ghjovanu. Ghjè u veru piacè di sentellu.

A Via Stella un ci n'hè micca abbastanza bislingui, più và più hè un scumpientu. Diventa "Via Stèle". perchè micca "Via cimiteriu" dinù nò ?

Sustene RCFM ghjè dinù sustene a lingua corsa à l'antenna. ci volerebbe ancu una radio di serviziu publicu chi sia 100% lingua corsa.

9.mandatu da Ghjuvanluca u 07/04/2015 11:17
100% lingua corsa......unica via.

10.mandatu da paoli Laurenzu u 07/04/2015 11:23 (da un teleffuninu)
A ghjente di rcfm, cume l''animatori o certi "ghjurnalisti"(cume u disgraziadu di Muracciole, un si capisce mancu stampa ) facenu 35 ori, u mese !! Fraticelli, da 6 ore a 9 ore ,e dopu, chi face, a ùn altru mistieru. ???

11.mandatu da Mazza u 07/04/2015 12:04
ma perche site cusi gattivi ?

12.mandatu da luntanu u 07/04/2015 14:20
ghjè vera chì alta hà emissione interessentissime chì trattenu di veri sugetti corsi ma ferma altà frequenz
c'hè u bè è u menu bè in e duie radio
ùn ghjova à nunda d'opponele, si cumplettanu
è c'hè a piazza per tutt'u mondu
sustegnu à rcfm è ch'ella campi alta frequenza

13.mandatu da Mazza u 07/04/2015 16:26
Eccu o luntanu. eiu ascoltu e 2.
Alta Frequenza hà un situ praticu per l'infurmazione
RCFM di più mezi, di più ghjurnalisti

i 2 si cumplettanu bè mi pare

14.mandatu da Andreucci u 07/04/2015 17:34
Parchi sustene sta ghjente ?
Un facenu mai inchieste o analise, sò sempre superficiale ,à ciò chi tocca I ghjurnalisti ....

15.mandatu da Ghjuvanluca u 07/04/2015 19:29
Parchi sustene sta ghjente ? Parchi di sti tempi perde ù travaghjiu è una tragedia,.....parchi oggi a loro dumane a te,,,,parchi ogne travaghjiadore disinpiegatu è una famiglia chii perde ù pane.....parchi a sulidarietà è segnu di civiltà e adunisce ù populu ,,,,,parchi issa radio tene una storia e ella merita rispettu (piaccia o micca)

16.mandatu da un amicu u 07/04/2015 21:51
FORZA BASTIA

17.mandatu da un amicu u 07/04/2015 22:14
SCUSATE MI SO SBAGLIATU, FORZA RCFM

18.mandatu da Mambrini u 08/04/2015 09:40 (da un teleffuninu)
Un soli a salva e Petru Mari

19.mandatu da cristu u 08/04/2015 10:29 (da un teleffuninu)
Che cosa è rcfm ,una radio !??? No ,micca pussibule ? Aio ,è una macagna.

20.mandatu da stumacatu u 08/04/2015 19:02
RCFM.

Radio Corse Folklore et Mandoline ?

21.mandatu da stumacatu u 08/04/2015 19:07
Di sicuru ricevenu u mè sustegnu, mà c'hè tantu à di...

Cume sobra à "Voie (Voix ?) des Etoiles" e à FR3 "insulaire"...

22.mandatu da lonzu pilutu u 09/04/2015 04:50
Aghju intesu l'accordéon di Armand Paoli nant'a piazza, mi ne so scappatu in fretta. Se a nostra cultura sicondu RCFM include u sosie di u fan club corsu di u puvarettu André Verchuren, forse un avemu micca a stessa definizione di a cultura corsa.

23.mandatu da Keursika u 09/04/2015 20:25 (da un teleffuninu)
Corsica Libera chi sustene Radio France. U naziunalismu di l'anni 2000 o ghjente !

24.mandatu da tra stumacatu u 11/04/2015 17:30
cumu aghju da difende sti tichjoni chi "travaglianu" (digià ci vurria à spiecàli u sensu di a parola) 15 ore a settimana per 3500 euro (certi di piu) ? e i ghjorni di 'consgè" si ne parla (un sprepositu) ? aio chi ne colla a puzza à u cellu .. e in quante à a lingua , stroppiata à ogni seconda e chi face ghjunghje u vomitu 'à i piu ben disposti (for che "dite a vostra" ma grazi'à l'auditori) vulete sapè ? quandu i sentu aghju a voglia di sciappà u postu ..
corsica libera sustenerà u rispunsevule d'antena ch'he grant'amicu di jean guy ..

25.mandatu da J G u 08/07/2015 15:41
Cume sempre , più critiche che solidarità , ma hé vera chi u parlà corsu per mumenti da a voglia di piglali a pumatate

26.mandatu da stumacatu u 08/07/2015 16:58
Si un n'era che u parlà, JG, mà c'hè dinu u spiritacciu du licca culi...

Novu cumentu :