Accueil
Envoyer à un ami
Version imprimable
Partager

Rambo contr'à Les Bidasses

Cunnisciamu u filmu "Alien vs. Predator". Ind'è noi, avemu "Rambo vs. Les Bidasses".



Rambo contr'à Les Bidasses
Certi ghjorni, a lettura di Corse-Matin vale tutti i blockbusters di Hollywwood. L'articulu di l'annu si pò leghje in l'edizione di u 13/6 : Trois ans de prison pour le "Rambo" qui a braqué 23 bidasses en goguette, un capu d'opera.

A storia si passa in Sulinzara. Un omu originariu di Marseglia ùn ci la face à dorme per via di u tazzu fattu in a casa à cantu da un gruppu di suldati tutte e notti. Alcool, mughji, musica à tappu :

« Avec l'arrivée des militaires, c'était le bordel depuis quinze jours, ils faisaient tous les soirs la fête avec de l'alcool, de la musique à fond ; il y en avait même qui se baladaient à poil ».

Allora, dopu à parechje notte bianche, l'omu decide di passà à l'azzione. « Ce soir, c'est moi qui fous le bordel ! », ma cù una vera operazione commandò

À 2h50, spunta cù u so fucile ind'è i militari. Durante 3 ore, l'omu di 48 anni, solu solu, terrorizeghja u gruppu di 23 militari. U contu resu di u prucessu hè degnu di La Grande Vadrouille : « Vous les avez réveillés avec une arme, giflés, puis menacés pour ne pas qu'ils portent plainte... Un raconte avoir eu le canon sous le cou en guise de réveil. »

U Rambo di Sulinzara hè dinù un malignone : Tous affirment que le braqueur a hurlé que des hommes étaient postés à l'extérieur armés de AK-47, en cas de rébellion.

Nanzu di parte, si face rimette 50 € à chjocca. « Un militaire tenait le fusil pendant que je comptais les billets ».

Trè anni di prigiò per quessa, hè forse appena dura. Ma l'armata francese pò inchietassi pè u livellu di e so truppe...

u 13 di Ghjugnu 2012



1.mandatu da ucutulesuculuapesu u 13/06/2012 15:45
Gloria a ellu....

2.mandatu da fc u 13/06/2012 16:14
3 anni , a pena dura?????? ghjè una vargogna ! sera a pena liatoghju Rambo ma se no cumminciemu a cumpara cun tuttu cio chi si passa inde noi, 3 anni , a mè , mi parenu sprupusitati! Un n'avera ne soldi ne amichi per torcia u nase a sta "ghjustizia"...

3.mandatu da Pumata u 13/06/2012 17:41
Aio chi vergogna 3 anni di prigio pè un affare cusi! E sti militari chi invece di vergugnassi in silenziu li ne vene! Vannu a purtà lagnaza!

Pinzuti cun pinzuti si capisceranu sempre...

4.mandatu da Pseudonimu u 13/06/2012 17:44
Quantu ha pigliatu Christine Guerini ?

5.mandatu da Kim jong di papa u 13/06/2012 18:13
Vale una medaglia micca carceru!

6.mandatu da STRANPALATU u 13/06/2012 22:57
u corciu.....s'ellu né avissi tombu qualchi unu di si briagoni,quantu averbbé pigliatu anni di priggio su disgrazziatu?????

7.mandatu da Stalloni u 13/06/2012 23:26
Hà fattu bè ! Sulidarità ! I militari sburgnoni fora !

8.mandatu da Ulongu u 14/06/2012 10:33
Quessi quì i militari ancu di grazia per elli ch'elli ùn sò andati in Afganistanu (è ch'elli ùn ci anderanu micca). In tutti casi per vutà Front National sò boni (cf i resultati di a cumuna di Ventiseri chì ci vole à sapè chì a basa di Sulinzara ùn hè in Sulinzara).

9.mandatu da Ulongu u 14/06/2012 10:35
A sapete cum'ella a chjamanu a basa di Sulinzara in militari ?
A chjamanu ZARA. Nentru ci hè ancu scritta : Bienvenue à Zara.
No astru comment.

10.mandatu da Lisandru u 14/06/2012 11:19
Ha ha ha, ao o zitelli, s'ellu c'hè una guerra dumane un ci vole micca à cuntà nant'à l'armata francesa. Un c'era micca Jean Lefebvre è Henri Guybet cun elli no?

11.mandatu da Stumacate u 14/06/2012 12:35
Una pensera dinó per tutti i CRS chi meritanu listessu sorte, amicizia per stu bravu omu.

12.mandatu da u tontu u 15/06/2012 15:59
a basa preziozi di vintiseri-sulinzara un pezzu di ghadaffi in corsica

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta