Accueil
Envoyer à un ami
Version imprimable
Partager

Reset !

Ci serebbe u bisognu avà o ghjente ch’è no pènsamu à sgaggià di sta gabbiaccia rughjinosa ch’ella hè a Frància ! Ci anu muntatu a sega cù a so Palatina per tèneci zitt’è muti cù i so « cent’anni » di merda à stà « sottu à a somma » ! Ma avà ci n’hè abbastanza, è ancu troppu !



Reset !
Cinque argumenti da sviluppà per dumandà l’Indipendenza :

A prima di e cose, hè chì sta ghjente custì, hè direttamente rispunsevule ind’è noi di u pòveru nome di Vix. Spiecàtemi appena s’è n’avìamu da dà noi un nome di bumbò (chì d’altronde pare piuttostu un nome di cappotte) à un paese ? Aù, ci anu vulsutu ficcà u so nasu ancu custì… Pare chì ghjè una famiglia pinzuta (i Vix (aiò!)) chì era venuta à stallassi quì è chì averebbe lacatu u so nome à u locu : Vix ! Aiò aiò, ùn vi pare micca un scàndalu nò !? A prova l’anu fatta tandu à di per elli chì ghjente sìmile ùn ci ponu arricà nunda di bè ! Figuràtevi i disguasti s’ella cuntinueghja cusì, incù a culunizazione di pupulamentu chì ùn vole piantà. Da quì à qualch’annu per falà da Bastia in Portivechju s’hà da passà pè Bouflard, Legland, Bombeck, Donjon, Gourdin, Poiraud, Radar di Vix, Chibre, Clavier… Aiò pocu spaventu nò ?!

A segonda è chì, per un pòpulu fieru quant’è u nostru, ùn ci pudemu micca permette di mustracci à braccetta cun ste ghjente chì in la so sturiaccia di ciavatte ùn anu pigliatu ch’è chjibbe indilocu. Induv’ella hè passata a Frància, l’armate di tutti i paesi si ne sò tichjati. Di a ligne Maginot pare chì ne fàcenu cartuline pustale è filmi di culu sempre avà in Alemagna ! Ancu noi, poveri disgraziati, l’avìamu sciaccata in Borgu ! U macciu ritornu ci serebbe vulsutu à fallu in Furiani è micca in Pontenovu, tandu sì chì l’affari ùn èranu più in Fràncese !

A terza ragione
hè Pascal Sevran, a quarta hè Eddy Mitchell.

Infine, ùn li possu più sente eiu i Régis, Gontrand, Raoul, Herbert, Rigobert, Dagobert è Polux. VI VÀ CUSÌ !?!?

Allora, fate u piacè, femu cum’è s’è nunda ci fussi statu è ripigliemu a Storia à u 1768 dopu à a battaglia di u Borgu, alè : RESET.

…Induve ne èramu ? Ah, iè, cullava à pigliammi una sborgna à u Palazzu Naziunale in Corti, pare chì ci hè una serata cù u gruppu Custituzione è Cabulò pè festighjà a vittoria. Aaaaah, ùn simu bè cusì ?!

l'8 di Farraghju 2009
Ussamà Ben Lazezu



1.mandatu da Heliofobu u 08/02/2009 11:13
Eccu un Ussama Ben Lazezu in piena forma ! Bien jouA !

2.mandatu da estrimei u 08/02/2009 11:51
o Ussamà Ben Lazezu ,
st'articulu, u presenti cume so che vo chjamate in Bastia, una macagna , ma , a mè ,mi pare , propriu, a a so piazza, 'nu u casellu di l'attualità corsu.
a disgrazia he chi a 'inclica per rimette tuttu a zeru un sò 'induv'ella hè!

3.mandatu da circinelludiguagnenativupeliguagnesusosanguaversatu u 08/02/2009 19:47
Erisera una famiglia di francesi si hè stallata in Aiacciu... L'emu accolti bè, u babbu a mamma è i so trè figlioli. So fughjitu da a francia chì l'imperatori sarkosy 1u - ch'avia curunnatu a moglia duranti chì millai di citadini manifestavani davant'à a cattedrali di pariggi - purtava u so paese à caternu !
So brava ghjenti ssi pinzutti è po ùn so tanti numarosi in Corsica postu chì dopu a vittoria di Furiani, i rilazioni trà i dui paesi so stati pessimi duranti 200 anni. sopr'à tuttu chì "u tigru di u miditarraniu" a li sciacca in parechji settori di l'ecunumia: novi tecnulugii, pesca, turisimu di natura, trasportu marittimu ecc... Allora i francesi bìscani è amazzani i so truppi in Marseglia è Nizza, ma visti i rivisti ch'eddi si so pigliati un pocu da partuttu ùn si so ancora lanciati ind'una nova guerra contr'à noi !
Enfin, bref ! a famiglia hè stata scritta subitu subitu à l'accademia di lingua corsa da amparà a nostra lingua. U babbu farà u muradori è a moglia... ciò ch'eddi sani fà i donni francesi.
u prublema hè piutostu: chì faremi s'edda ci hè un'imigrazioni in massa di pinzutti... u travagliu l'avemi, certa, ma bon: ùn pàgani mai a soia !!!
uskeubeu

4.mandatu da un si po cambia un porcu ancu puru s ella he autunumista a F u 10/02/2009 22:33
cume l a dicia in i tempi a mo minnana a tempu di a baie di i cochon
micca quella di roccasera e clavier in purti vechju heinnnnnnn
se no simu indipendenti dumane a da sbarca i russi cu e so kalasnikov
cusi sia
ieeee ma un so micca sbarcatu dipoi chi anu avutu a paura di carlu pieri po po po
aspettanu che a bella zitella mera di a porta paese di i voyou e respunsevule di u padduc
piglia terreni sopra u littorale per custruisce una basa nucleare cume in sardegna

Novu cumentu :