Accueil
Envoyer à un ami
Version imprimable
Partager

Rientrata è rinfriscata

Site deprimatu da u tempacciu ? Ùn andate micca in i centri cummerciali...



Rientrata è rinfriscata
U tempacciu v'impedisce d'andà à u mare è ùn sapete chì fà ? Allora ùn andate micca in i centri cummerciali.

Di sti tempi, e nostre amiche e "grandes surfaces" ci danu l'affanu.

Quallà, l'assassini chì s'occupanu di i "rayons" anu decisu di caccià tuttu ciò chì face riferenza à l'estate per mette a rubbaccia di a rientrata.

Addiu serviette, spechjetti di sole, creme à brunzà, tongs, palme è tuba, ghjaccere è barbecue...

Ùn si trovanu più ch'è sacchi, cartine, criò, stylo bic, gomme, parka, doudounes, cunnerie "hello kitty", piloni, paracqua è robba pè a scola.

S'è vò pensavate prufittà torna appena di l'estate, l'orrore di a sucetà di cunsumazione hè quì pè ramintavvi chì à mumenti a cumedia hè finita. I sgiò Leclerc, Super U è Casino ci preparanu digià psicologicamente à affruntà l'orrore di a fine di e vacanze è di a rientrata.

È quelli chì si compranu cartine è parka d'agostu, ùn sò micca da chjode in Sant'Ornellu ?

u 14 d'Aostu 2010
U Sgaiuffu



1.mandatu da estrimei u 14/08/2010 11:26
zittu ch'he bon segnu ,
'ncu a rinfriscata , rinfrescanu ancu i cierbelli. so menu numerosi nantu a e strae e i paesi si viotanu di tutta sta ghjente chi un ha che una voglia: facci campà a mou soiu.

2.mandatu da Santa Regina... u 14/08/2010 11:49
Rinfriscata è Santa Maria si perdenu...mà oghje 30000 corsi facenu u Ramandan "modernité quand tu nous tient"...

3.mandatu da anto u 14/08/2010 16:30
Mi dumandu in duve ghjè a rinfriscata ,qui face 34 gradi ????

4.mandatu da Ghjanma u 15/08/2010 13:03
Pensate puru à i studenti staghjunali cume me chi so dentru à mette 'sse cunnerie di a rientrata dapo u principiu di u mese...

5.mandatu da Cumpalliols u 18/08/2010 09:30
À mè ùn mi disrangia manc'appena chì u tempu sì rinfreschessi.
À u cuntrariu, mi piace ancu, chì simu prestu techji di u sole.
Eviva i nuli d'agostu chì prefigureghjanu quelli di vaghjine.

Novu cumentu :