Accueil
Envoyer à un ami
Version imprimable
Partager

Ritrattu di a vera tonfia

Dopu à u ritrattu di u veru montasega, eccu quellu di u so echivalente feminile : a "tonfia de luxe". Da Bastia à l'Acapulco, d'Aiacciu "à la Via Notte", l'avete siguramente cruciata centinaie di volte...



U disegnu hè l'opera di Boemiana, andate à vede u so blog.

Cliccate nantu pè ingrandà a fiura.

Pocu suciale, esce ma ride pocu, riserva i so sguardi è i so surrisi à persone di u so rangu.

Spessu si ricunnosce cù :
Ritrattu di a vera tonfia

U bigliettu di u cuncertu di U2 in Londra (a so canzona preferita hè « With or without you »... o forse hè quella chì passa u più spessu à e serate di u bar...? Hè a listessa, tandu ùn capisce micca e parole...)

A frangia cumu Kate Moss, bè nant'à l'ochji : u peghju serebbe di fà vede u so sguardu ipnoticu à un scunisciutu!

A maschera pè andà sott'acqua o spicchjetti integrali. Servenu à mascà e spressione chì a frangia ùn piatta.

A bocca sempre azeza. Chì una donna di rangu chì si rispetta ùn ride cù nimporta quale... u disprezzu hè naturale è u misteru hè priservatu.

Saccu Vuitton. Hè una tradizione di famiglia (cumu Natale in paese) nant'à 4 generazione.
Ogni donna di famiglia lascia bè pè scrittu st'eredità. Spessu hè in indivisione.

Tacchi à « acu ». Cumu ùn esse azeza s'ellu si marchja una ghjurnata sana nant'à un acu di 12 cm ?! Hè quantunque un investimentu di 400 euro (senza cuntà u « kiné » è u podologu...).

E chjave di l'Audi « à papa » (di u so cumpagnu u veru montasega) o di a so Cinquecentu nova nova (pagata da u divorziu cù u so « ezzzz »). A Cinquecentu pò esse rimpiazzata dà a Mini .

A cuppetta. Chì e bolle facenu prò ad ogni ora ! Tchin !

Fularu Hermès : 7 mesi di creditu à a cunsumazione pè 20 cm di seta fatta da un chinesinu chì anderà à a ritirata à 8 anni...

U chihuahua...sorta d'animale à puru usu decurativu. Segue cù grazia a so patrona è hè sempre assurtitu à ella. U nome ch'ellu porta hè impurtante è assai carcu di sensu (« Princesse », « Carrie », « Chanel », « Dior »...).

iPhone Burberry : « fashion » è mudernu pè una donna chì sà quant'ella vale.

È infine, a carta d'abbunamentu di a sala di musculazione. Carta VIP pè e so seenze Power Plate è i so corsi cù « Jimmy » u so coatch spurtivu (povaru montasega curnutu...).

u 9 di Ghjugnu 2010
Boemiana



1.mandatu da olive & tom u 09/06/2010 22:40
È sapemu che e tonfie ùn chjavenu micca.. Lampemule in mare

2.mandatu da PEPETRU u 10/06/2010 00:32
D'accordu cù tecu o olivetò :)

3.mandatu da à donf les tonf u 10/06/2010 00:41
inno o zitè ! e tonfie chjavanu... ma sempre cun l'altri !

4.mandatu da closciasemprescloscia u 10/06/2010 12:15
ié, chjavanu contr'a pena di coke o un girettu in cayenne. (ùn posa micca u so culu ind'è vitturaccie a menu di 30 000 euri)

5.mandatu da Boemiana u 10/06/2010 13:28
Parlate, parlate ma u montasega è a tonfia sò u mudellu di a nostra sucietà! ;))

6.mandatu da mascarone u 10/06/2010 13:44
U peghju ghjé chi tutte e zitelle si né ridenu di e tonfie , ma oghje in Corsica , guasi tutte so cume ella .

7.mandatu da orsu u 10/06/2010 15:28
caccia puru i to spicchjetti o Katsumi, t'avemu ricuniscuta.

8.mandatu da PEPETRU u 10/06/2010 17:44
A BOEMIANA NE HA FATTU A FIURA , MA HE ELLA STESSA UNA TONFIA.....

VERGUGNOSA ! :(

9.mandatu da WHAT A FAIR FOOT u 11/06/2010 00:19

A tonfia...a cunniscimu tutti, com'è u montasega. Ma chì femi par faddi abbassà u so "caquet"?

I masci li corrinu impressu à a tonfia, o nò? Micca solu i "veri montasega".

ugnunu di no t' hà un pocu d'issi i dui barnacali, o nò?

I valori sò à l'arringuarciu. A colpa à quali? Sempri à l'altri? hum

10.mandatu da tumasgiu magnum u 11/06/2010 01:20
veru o WHAT !

a tonfia a critichemu, ma tutti li curremu appressu... cumu e zitelle correnu apressu a i montasega, i mafiosi e i mitomani....

11.mandatu da ginette u 11/06/2010 09:53
Ma simu tutti appena tonfie è montasega no?
Ci hè qualcosa di noi in sta manera d'esse puntu è basta. U tuttu hè di sapè ride appena di sè stessu no?

12.mandatu da ohimesinveti u 11/06/2010 11:21
U iphone Burberry, ba ba , un sapiu mica !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta