Accueil
Envoyer à un ami
Version imprimable
Partager

Rond-Point Academy 2009 : quale pò batte à Fanfan Vendasi ?

Cuntinuveghja a guerra di i giratoghji da Casamozza à Bastia ! Fanfan Vendasi rimette in ghjocu u so titulu vintu annu passatu. Quale serà quist'annu u king di a RN 193 ?



Cum'è di solitu à Natale, riprincipia a tradizione di i giratoghji decurati. Da Casamozza sin'à Bastia, e cumune facenu tuttu pè decurà a nostra cara è cusì bella RN 193.

Annu passatu, Furiani avia messu u pacchettu. Fanfan Vendasi ci avia impressiunatu cù u so rond-point. Chjamatu da certi "a maraviglia di a strada naziunale", u so giratoghju attirava i turisti, giovani è chjuchi, per fassi ritrattà davanti à "le rond-point à Fanfan". C'era di tuttu : persunagi, neve artifiziale, culori, fiamme, dinosauri, fusee, ometti di neve in polystyrène... A grossa classa !

Ma hè ora di turnà à mette u titulu in ghjocu. Fanfan ci la ferà à fà megliu ch'è annu ? I voti di l'internauti a decideranu...

Femu u giru di i candidati.

BIGUGLIA
Sauveur Gandolfi-Scheit hà fattu in u soft quist'annu. Subrietà pè u giratoghju. Hè vera chì u sforzu hè statu fattu in quant'à a statua di Vincentellu d'Istria, eroe di a nostra storia è capimachja di a lotta contr'à Genuva à u seculu XV. Micca Papa Noël quist'annu ma si face appena di storia.
Rond-Point Academy 2009 : quale pò batte à Fanfan Vendasi ?

U BORGU
Paupaul & Anne-Marie anu flambatu quist'annu pè u so giratoghju. Belli culori turchini chì cinnuleghjanu. U rond-point si vede da luntanu è i Burghisgiani sò cuntenti. A cuncurrenza hè seria quist'annu pè Vendasi...
Rond-Point Academy 2009 : quale pò batte à Fanfan Vendasi ?

LUCCIANA
José Galletti, l'outsider. Quellu chì vole chjamà u centru archeologicu di Mariana "Rainier III de Monaco; (è ùn hè mancu una magagna...) hà menu originalità quand'ellu ci vole à decurà u so giratoghju. Micca surpresa dunque. Decurazione Classica. O Albert de Monaco, pagaci un rond-point !
Rond-Point Academy 2009 : quale pò batte à Fanfan Vendasi ?

CASAMOZZA
José Galletti si richjappa cun stu giratoghju, sempre situatu nant'à a cumuna di Lucciana. Sta volta hà vistu grande : spètaculu "jeux d'eau et de lumière". Ùn manca più ch'è Jean-Michel Jarre. Spots, lumi, funtane... è una spezia di "soucoupe volante" appena inchietante. Casamozza più forte ch'è Versailles !
Rond-Point Academy 2009 : quale pò batte à Fanfan Vendasi ?

BASTIA
Bastia ùn hà micca una tradizione di giratoghji forte cum'è in Furiani. Ci vole à dì chì durante parechji anni e decurazioni di Natale eranu ghirlande ricuperate in Albania. Giratoghju senza surpresa dunque. Ancu u "pace è salute" hè statu cacciatu per mette un "joyeuses fêtes". Chjamemu à Valérie Damidot di D&CO pè quist'annu chì vene ?
Rond-Point Academy 2009 : quale pò batte à Fanfan Vendasi ?

FURIANI
Fanfan Vendasi, u sceffu di i rond-point di l'Universu ci hà abituatu durante anni è anni à cose di l'altru mondu cù u so giratoghju, spezia di Disneyland trà a Rocade et u Bar des Quatre Chemins. Tutti l'anni chjuchi è grandi aspettavanu chì Tonton Fanfan li decurassi u giratoghju è st'appettava ancu à Michael Jackson è à Johnny Hallyday pè l'inaugurazione.

Ma in Furiani cum'è in altrò, quist'annu "ghjè a crisa". Induve sò passati i giratoghji spampigliulenti di tandu ? O forse semu noi chì semu troppu techji ? Assai sò stati dillusi. Cum'è in futbol, Furiani impressiuneghja menu quist'annu. U tema hè dunque "u cìrculu". Speremu chì Fanfan mette da cantu i so soldi per metteli in u Sporting, è micca in e prussime elezzioni...

Rond-Point Academy 2009 : quale pò batte à Fanfan Vendasi ?

Eccu, avà tocca à voi à vutà. Fanfan tenerà u so titulu di campione di u mondu di u rond-point ? Vutate puru, ùn ci serà froda...
Rond-Point Academy 2009 : quale pò batte à Fanfan Vendasi ?


Dumenica 20 Dicembre 2009
U Sgaiuffu



1.mandatu da manenti u 2009-12-20 17:16
vendasi sur

2.mandatu da PIEVE u 2009-12-20 18:22
votu pe u giratroghju di u borgu

3.mandatu da PIEVE Francoise u 2009-12-20 18:23
votu pe u giradoghju di BASTIA

4.mandatu da Urelianu u 2009-12-20 18:31
Per Casamozza!!!!! Oh, ghjè a prima volta chi mettenu ancu l'acqua!!

5.mandatu da PIEVE SERGE u 2009-12-20 18:32
votu pe u giradoghjiu di u borgu

6.mandatu da Alanu u 2009-12-20 18:50
Pè Casamozza !!! Forza Casamozza .. !!!

7.mandatu da Little Drac, le petit vampire u 2009-12-20 18:55
Votu pà quellu di Zuccarelli, cusì puderaghju forse suchjà u so sangui !
Ma avemu in fini un ilifenti, in Furiani...

8.mandatu da Cécile u 2009-12-20 19:16
Pè Disnèlandu ! Forza a giraffa !

9.mandatu da estrimei u 2009-12-20 19:20
o chi piece !
ma tutti sti solli ghjietti , da induve vennenu ?
a cridite voi ch'elli sortenu di e stacche d' "Anne Marie" , "José ", "Fanfan", "Sauveur ", o "Milou"?

10.mandatu da Little Drac, le petit vampire u 2009-12-20 19:38
estrimei, hè mortu Rigalinu ... Ma micca Milou !

11.mandatu da Casamuzza u 2009-12-20 23:29
CASAMOZZA!!! ùn manca piu ch'a RAEL!

12.mandatu da francis raël u 2009-12-21 00:35
casamozza mette a concia à Furiani quist'annu

13.mandatu da john parkinson u 2009-12-21 01:17
di tutte manere Fanfan Vendasi si hè digià scurdatu ch'ellu avia vintu annu

14.mandatu da Bustanicazione di i cerbelli u 2009-12-21 10:36
I giratoghji sò i nostri minarets, nimu i vole ma facenu parlà...
Eiu votu per l'anziana meria di Bastia cù a so bella bandera francese. Hè a sola chì mantenghi e so tradizioni.

15.mandatu da Anto u 2009-12-21 11:45
Votu pà quessu di Casamozza, pà mè u più peghju ghjè quessu di Bastia. Forza Zucca ! (modu : macagna)

16.mandatu da Alanu u 2009-12-21 11:57
aiò o zitelli .. dighjà Casamozza ghjè u piè bellu "paese" di Corsica suprana é di più stu giratoghju hè una maraviglia .. acqua , lumi , a so pignatta vulante .. un c'hè micca fottò VUTATE CASAMOZZA !!

17.mandatu da focauculu u 2009-12-21 14:06
casamozza un viaghja piu e stat'un fiarabatulata e bastia !!!! forza fanfanu' !!!!!!!!!!!

18.mandatu da focauculu u 2009-12-21 14:06
e basta bella sicura e no bastia

19.mandatu da miccaèbastiacciuinizza u 2009-12-21 14:57
forza u borgu ! paupaul e annemarie so i piu belli !

20.mandatu da u webmaestru u 2009-12-21 15:02
Eccu u sundame viaghja (nant'à a pagina d'accogliu, in cima à diritta).

Vutate !

21.mandatu da fora di strada u 2009-12-21 15:41
Eiu vòtu per quellu di Ponte-leccia.

22.mandatu da Ciucciarella u 2009-12-21 17:32
Casamozza a pichjatu fortu!! O Fanfan azingati puru!!

23.mandatu da in cauda venenum u 2009-12-21 18:47
TANTA MISERIA E TANTI SOLDI GHJETTI PER CUNNERIE I SVERGUGNATI DI A SUCETA SI CAPPIANU A FA U N'IMPORTA CHE N'IMPORTA CUME PER U PIU GRANDE PIACE DI A TONTERIA UMANA E A SCIMITA DI QUALCHI MANGHJA MERDA A PENA DI POLVERA A L'OCHJI CUN TRE LUMI CI FACENU INGOLE E FA PASSA E SO PURCIATE VIDEREMU DI MARZU SI U POPULU CAPISCE

24.mandatu da estrimei u 2009-12-21 20:03
"VIDEREMU DI MARZU SI U POPULU CAPISCE "
si u Populu capia , averiamu canditati piu rispettevulli ! e i " ghjurnalisti " si rispetterianu apena di più !........

25.mandatu da Mariadumenica u 2009-12-21 20:09
Eiu votu pà u missaghju subliminali di Milù....Chì putenza (o chì disgraziatu?).

26.mandatu da Fiddola NATALI u 2009-12-21 20:27

Zuccarelli si sturzaria cù "Paci è Saluta" ? ELIMINATU , eccu!

U più beddu hè quiddu di Vandasi, sicura, ma ùn aghju da cuddà par vedalu...Ch'hà scrittu? Pace è Salute o Noyeux Joel? Pudaria aiutà a scelta...
È Casamozza?

27.mandatu da pianellacciu anonimu u 2009-12-21 22:00
eo votu pè A sumenta , e più belle buccie di natale l'hà ella ...

28.mandatu da sumenta anonima u 2009-12-21 22:26
hai dà tastà e mo boccie dà quì à pocu o pianellacciu anonimu...hai dà "clignotà" di tutti i lati...

29.mandatu da tutta a verita he bonn'a dicce u 2009-12-21 22:26
forza a deco nanta a piazza d'arme o in san ghjise haha bon annu 1454 amdoulah !

30.mandatu da pianellacciu anonimu u 2009-12-21 22:31
a deco di a piazza d'a dinò hè di sumenta , infine for che e buccie chi clignotteghjanu (quesse so e mee ...)

31.mandatu da fiumorbaccia anonima u 2009-12-22 08:37
votu per Casamozza

32.mandatu da la place du marché u 2009-12-22 13:10
votu per casamozza ! troppu bellu incu e funtane !!!!

33.mandatu da pinder u 2009-12-22 13:47
Fanfan per u so giratoghju chi riprisente u Sporting !

34.mandatu da Ghjuventu u 2009-12-22 23:31
VUTATE PER U BORGU !!!

35.mandatu da GWM u 2009-12-23 11:00
stu filmettu...

36.mandatu da ciuccia u 2009-12-23 11:44
Votu per Casamozza !

37.mandatu da Cumpalliols u 2009-12-23 19:25
Quanti soldi spenti per nunda !
http://appuntamentu-corsu.forums-actifs.net/

38.mandatu da Bustanicator u 2009-12-26 01:31
Haddaway

39.mandatu da pepe u 2009-12-26 12:30
O Popol, per me di sicuru sera Biguglia. Ma aspetemu per 2010 a participazione di Ghjiseppu Castelli per Fulelli.

40.mandatu da casper2 u 2009-12-29 13:28
U BORGU !!!!!!u[

41.mandatu da Antò u 2009-12-29 22:07
pè Lucciana !!!!

42.mandatu da FEC u 2009-12-30 11:14
Indubitabilmente CASAMOZZA

43.mandatu da Turchinu u 2010-01-01 21:48
U Borgu i piu bellu !!

44.mandatu da U Fenneccu u 2010-01-06 21:49
A Casamozza!

45.mandatu da Ghjuventu turchina u 2010-01-09 15:22
U Borgu !

46.mandatu da PUPPADULELLA u 2010-02-09 23:49
per mè sera Fanfan

47.mandatu da Ghjuventu SCB u 2010-02-11 22:50
U Borgu !

48.mandatu da Pisularossa u 2010-03-04 23:38
Votu pe...Fanfan ! What eslse! ;-)

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter