Accueil
Envoyer à un ami
Version imprimable
Partager

S'hà da passà in 2011... o micca

Hè un'esclusività di A Piazzetta : eccu e nostre predizzioni pè l'annu 2011. Ùn vi scurdate chì u peghju hè davant'à noi.



S'hà da passà in 2011... o micca
Dopu à l'affare di i preservativi di u CG2B, i cunsiglieri di Giacobbi piglianu a machja è fughjenu à u Paraguay. "Je suis effaré" conta u sgiò presidente à 24 Ore.

U Sporting finisce primu di National ma a FF caccia 12 punti à u Sporting pè "raisons diverses" è ùn colla micca in L2.

In l'affare di a manghjeria di u Cunsigliu Generale, hè finalmente un charter di 144 persone chì parte à a machja à u Paraguay.

Jenifer esce un discu in lingua corsa è vince un discu d'oru. A so ripresa di "Clandestinu" in duo cun Gilbert Montagné hè un successu.

A CTC finanza a pruduzzione di filmi X in Corsica. Tuttu u mondu hè cuntentu : "ça va créer des emplois" dice Marc Dorcel chì face custruisce a so casa in Zuani.

Justin Bieber hè annunziatu à e "Nuits de la guitare" in Patrimoniu.

A pulizza mette a manu nant'à un tràfficu internaziunale di droga in Aiacciu. A cuccaina era traspurtata in a vittura di u prefettu. A so prima riazzione hè stata di felicità i pulizzeri.

TF1 lancia un'emissione di telè realità "Qui veut sa villa en Keurse ?" presentata da Benjamin Castaldi. I candidati : Laurent Romejko, Dorothée, i Bogdanov, Lio, Jean-Marie Bigard è Fadela Amara. Hè Bigard chì vince.

Quick lancia u "Corsican Burger" cun "saucisson d'âne 100% corse".

Hè fattu u telefilmu "Traquenard à la cave Depeille" nant'à l'evenimenti d'Aleria in 75. Hè un scumpientu, hè Johnny Halliday chì tene u rollu d'Edmond Simeoni. Fred Testot (quellu d'Omar & Fred) ghjoca u rollu d'un militante di u Fronte. Télérama scrive : "une pure merveille"...

Nicolas Sarkozy dà u so accordu pè a creazione di trè casino in Corsica. A ghjente hè cuntenta, si sente "ça va créer des emplois".

Stéphane Usciati rimpiazza à Thierry Beccaro è presenta u ghjocu "Motus" nant'à France2.

Un omu puliticu corsu ferà u so coming-out è casca u tabou di l'omossessualità in Corsica.

U ghjudice Duchaine scopre l'esistenza d'un tràfficu maiò à u Cunsigliu Generale : i soldi pè u RSA ghjuvavanu à cumprà 4x4. "Je suis effaré" dice Giacobbi.

Una lege hè vutata pè rende custruttìbile tutte e terre agrìcule di Corsica : "ça va créer des emplois" dicenu a ghjente.

Raymond Domenech vene à stallassi in Corsica è diventa militante di Femu a Corsica.

Gilles Simeoni participeghja à Fort Boyard. Jean-Guy Talamoni passa infine u so permessu è participeghja à u Paris-Dakar.

Nasce u cullettivu "Bastà la langue corse : contre l'enseignement du corse à l'école".

Hè lanciatu u prugettu di u più grande centre cummerciale d'Auropa in Furiani. "Les Corses adorent consommer" dice u capimachja di u prugettu è di siguru "ça va créer des emplois".

In a stagione 4 di "Mafiosa" Jean-Luc Delarue ghjoca u rollu d'un maffiosu corsu hè serà stinzatu da Jean-Paul Luciani chì ghjoca quellu d'un scruccone.

Bona nutizia : Camille de Rocca Serra arresta a pulitica è diventa ghjucadore prufessiunale di poker.

Fanfan Vendasi participeghja à "Des chiffres et des lettres" è riparte cù un dizziunariu.

u 21 di Ghjenaghju 2011
U Sgaiuffu



1.mandatu da in cauda venenum u 21/01/2011 05:37
TREMENDI CUME SEMPRE, FELICITAZIONI A PIAZZETTA, ABBOCCATEVI E UN CAPPIATE

2.mandatu da estrimei u 21/01/2011 08:46
dicenu dinnù chi
- a presidenza di u cunsigliu generale di Corsica suttana seria spiezzata in Cala Purcina
- Tati ha da fà una dumanda a u prefettu per chi a dnat sie piu rispettuosa di a ghjente e di e case e chi a televisiò un sie piu mischiata a l'operazioni di pulizza.
- chi a ctc ha decisu di rispettà u sollu publicu: finite e "subventions "a laziu . una cummissione assai seria ha da cuntrullà tutte e dumande.

3.mandatu da U Palatinu u 21/01/2011 10:11
U Paraguay ? Scelta bonissima !
Stu paese ùn hà signatu nisun accordu d'estradizione cun nisun paese. Hè per quessa chì tanti anziani nazì si fussini scappati quallà dopu à a guerra.

Impurtante à sapè.

4.mandatu da U Palatinu u 21/01/2011 10:12
E vostre predizione sò incumplette.
Ùn si dice micca s'e i mio siti, è in particulare l'Appuntamentu Corsu di a Tela, anu da cunosce una crescita di a friquentazione, o micca.
Allora ? A sapete ?

5.mandatu da ANTO u 21/01/2011 11:07
Uministru di a cultura s'ha da cumpra una casa in corsica ,a soga intesu di chi c'erranu di piu in piu in....i qui e poi hè piu vicinu che a Tunisia !

6.mandatu da Ben edetti u 21/01/2011 15:48
E Ben Ali manda un avio in corsica per piglià mimi viola e dume domarchi : courage fuyons!

7.mandatu da Cernobigliu u 21/01/2011 17:27
1) Per a prima volta, a CTC hà da caccià e cappotte (i famosi "preservativi") messe nant'à i sciffri (i veri ben'intesu) di a ghjente "imbusciata" à u cunsigliu generale di Corsica Suprana dipoi e cantunale di Venacu (elezzione di Mezzadri à usu tunisianu) è prima di e cantunale di marzu, i sciffri di i "chargés de mission" (incaricati di missione) di a CTC è di l'uffizii. Cusì seremu noi "l'effarés" è micca Giacobbi.
2) dopu à un charter per u Para què, un battellu per u Para custì, cù 1200 passageri (cuntemu e famiglie) è 600 vitture (cù i famosi 4 x 4).
3) U fronte cundanna tutti l'assassinamenti di i corsi, dumandendu à i corsi di fà i figlioli à buzeffu, dumandendu dinù a cundanna di u corciu Olmeta per via di a so azzione negativa in a campagna di pupulamentu di l'isula.
4)

8.mandatu da Cernobigliu u 21/01/2011 17:30
4) u sporting rende 800.000 euros à a corsica è cambia di presidente ...

9.mandatu da ghjiseppa u 22/01/2011 05:26
MAGNIFICU cume sempre

10.mandatu da Linguaccia u 22/01/2011 15:27
Si dice chi Renucci farebbi un Pacs incu Delanoe....è chi Pacou piglierebbi una carta à u FN....

11.mandatu da Gjunvan'Marcu u 23/01/2011 11:27
U "canton" di Venacu cambia di nome, si chjama ava "Village's Popaul"

12.mandatu da cernobigliu u 23/01/2011 14:21
è Popol Giacobbi si face battizà "popol Emploi"

13.mandatu da MARCUCCIU u 23/01/2011 16:37
si dicé ancu chi aGhisunaccia adda essé a capitalé di a corsica,in cu cammeddu presidenté .....

14.mandatu da nuit bleue u 23/01/2011 17:25
A Piazzetta ha da divintà u primu ghjurnalu corsu

15.mandatu da ziu santu u 24/01/2011 11:00
U country Burger di Lupinu attacca u Quick pè u nome di u so Hamburger u Corsican Burger. Esiste digià dapoi parechji anni

16.mandatu da Nostradamous.... u 24/01/2011 12:12
L'Isula di Corsica sarà distrutta dà u terribule terramotu è solu i suttanacci saranu salvi...... mà ghjè pè 2012

17.mandatu da Assassina... u 24/01/2011 13:25
Gilles è J-Cri diventeranu veri Naziunalisti ......

18.mandatu da panoplì u 24/01/2011 22:58
è i veri naziunalisti d'oghje parleranu corsu...

19.mandatu da panoplì u 24/01/2011 22:59
è i "veri naziunalisti" d'oghje parleranu corsu

20.mandatu da figateddu u 25/01/2011 08:48
attinzione si more a u quick francese o tinutu da i francesesi cume cuisti di bastia o ajacciu

21.mandatu da pinzuttu u 25/01/2011 08:54
carlotti ha dettu chj ci vulia corsizza a pulizza e aumenta l ghjunditicci .he difficiule a siguita !!!
induve hemu da truva i corsi per mette in a pulizza postu chi un c'ha da esse piu
l'hemu a fa vene da pariggi :pasqua tiberi dominati ceccaldi raynaud ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta