Sai ch'è tù sì per u Sporting quandu...

Ti piace u sonu dolce è putente di e bombe agrìcule.

Furiani ùn hè micca una cumuna di Corsica Suprana, ma un munumentu, un tempiu di u futbol chì hà vistu una finale di cuppa d'Auropa.

Sai dinù chì Furiani hè una di e più grosse manghjerie di tutti i tempi è chì u stadiu ùn hè mancu degnu di a segonda divisione albanese. Sai dinù chì certi si sò tichjati durante anni è anni nant'à u club...

Per tè "Sò Elli" hè a canzona officiale di l'entrata di i ghjucadori nant'à u terrenu, megliu ch'è a musica di a Champion's League.

Sai chì hè un cumplottu di a FFF, a LNF, Thiriez, l'arbitri, Sarkozy, Thierry Roland è TF1 è ch'elli volenu tutti a morte di u Sporting.

U mese di maghju hè un mese maladettu per tè (5 maghju 92, falata in National, disfatta in finale di a Cuppa di Francia 2002, Ponte Novu...)

Sai chì Laurent Casanova avia i capelli.

Sai chì Pascal Chimbonda hè un mittomanu è un catinu finitu.

Sai chì RCI, I Chjami Aghjalesi, L'An 2000 è Les Poulets Bastiais sò stati "sponsors maillot".

Sai chì in 1992 ci hè statu u spiazzamentu u più surrealistu di i sustenidori corsi, in Nizza.

Quandu sì in paese strangeru (in Parigi o Marseglia per esempiu) è ch'è tù vedi una maglia turchina cù a Testa di Moru o un fanion di u SCB, ti vene u batticore.

Sai chì in Timizzolu, "on-est-chez-nous !!! on-est-chez-nous !!!"

Sì scatinatu quand'è tù faci un spiazzamentu.

Nunda ch'è di pensà à Bernard Casoni, Salim Arrache, Pascal Chimbonda, Mamadou Niang è Jean-Claude Darcheville, Frédéric Thiriez, ti vene u vòmitu.

Sai chì à a fine, ùn vinceremu mai.

In un locu di a casa, ai a bandera di l'epupea cù i logos di i clubs ch'è no avemu battutu

Ùn sai più si Angelo Hugues hà veramente ghjucatu à u Sporting.

Cunnosci i nomi di i canacci di Capone.

Rigretti l'ambianza di l'anzianu Furiani, di l'antica tribuna Est, di i barbelés rughjinosi è di l'odore di e merguez.

T'arricordi di i catini chì u Sporting hà pigliatu è cù l'amichi ai fattu u cuncorsu di u peghju : Paulo Alves, Piekarski, Deblock, William...

Flavio Donizete Camargo firmerà un misteru per tè

Ai pensatu chì Ermin Siljak saria un bon ghjucadore.

Ùn ai mai suppurtatu u look di Wilfried Gohel.

Ùn supporti micca di sente musicaccia à a sonò di Furiani è insulti vulinteri u speaker.

T'annerbi contr'à Corse-Matin quand'ellu ùn ci hè nunda nant'à u Sporting è scimisci quand'ellu ci hè una pagina nant'à l'OM.

Vai 50 volti à ghjornu à piglià e nutizie nant'à camperemu.com

Ci hè peghju ch'è un supporter di l'OM : un supporter di l'OGC Nizza.

Ùn ai mai capitu cumu Fabrice Jau è Nicolas Dieuze anu pussutu fà una carriera prufessiunale.

Nanzu ch'ellu venga in Bastia, ùn pudiate pate à Tony Vairelles.

Ùn ai mai capitu perchè ùn avemu pussutu tene à Modesto, Bérenguer, Palmieri, Coulibaly, Paul Marchioni...

Sai chì hè periculosu d'abbraccià à Jo Bonavita, risicheghja di crepatti un ochju cù a so nappa.

Preferisci quandu hè Jean Pruneta chì cummenta i macci.

Tore-André Flo è Ivan Zamorano à u Sporting, ci ai cridutu.

Ùn ai mai capitu perchè avemu ghjucatu 10 anni cù a listessa maglia Reebok.

Ai una cosa in cumunu cun Mickael Essien : dinù tù sì andave à l'Apo Beach.

Ai cridutu in Faruk.
Sì statu malatu dopu à Bastia - Vannes.
Sì statu in depressione dopu à a falata in National.
Dopu si statu cuntentu di vede chì Strasbourg dinù fala cun noi in National.
Finalmente, ti campi ancu in National...

Sai chì u Sporting hè u più forte per rilancià e squadracce è i ghjucadori guizzi.

Compri sempre e banane "SCB premium Côte d'Ivoire".

Cunnosci pienu di marche appena guizze di maglie di ballò : MT65, Kronos, Salf, Corfatex...

Yves Mangione hè u più grande attaccante di l'anni 90, dopu à Eugène Kabongo.

Sai bè chì tutti l'arbitri di u mondu ùn ci ponu pate.

Michel Moretti ferma per tè cum'è a voce di u scagninu di "L'épopée di 78", u più bellu filmatu nant'à u SECB.

Seguiteghji i risultati di i u Sporting Lisbona, Torino, Newcastle è i Grasshopers pè nustalgia. Invece u PSV Eindhoven, ti ne infutti.

Nunda ch'è di sente a musica di "Chariots de Feu" di Vangelis ti dà a carne pullina, è pensi à Krimau chì và à marcà solu in Torino...

"Et Castellini n'en revient pas..."

Ah, s'ellu ùn avessi piossu à l'andata contr'à u PSV...

Per tè i ghjucatori i più boni ùn sò micca Messi, Ronaldinho o Rooney, ma quelli chì mènanu è chì mettenu i colpi è facenu falà.

Testa Mora 92 rapresenta più ch'è un semplice gruppu di sustenitori.

Sunnieghji d'una squadra chì mette i pattoni, cum'è Bianconi, Rool, Valery, Burnier, Moracchini è Swierczewski.

D'altronde per parlà di Swierczewski, dici "Piotr", hè più faciule.

Preferisci un grossu tacle assassinu à un bellu but.

Preferisci mughjà è insultà ch'è di cantà

Sai chì Wilfried Gohel s'hè fattu scuzzulà à l'Apo è chì Cherrad hà finitu in u Vechju Portu.

Ai un rispettu tremendu pè René Exbrayat, Morlaye Soumah, Lubomir Moravcik, Eric Durand, Antò Drobnjak, Xavier Pentecote, Ismael Triki, Antoine Di Fraya...

Johnny Rep, Claude Papi, Merry Krimau, Dragan Dzajic, Roger Milla ùn sò micca umani, sò dii.

Sai chì cù u micro-climat di Furiani, face 10 gradi di menu ch'è in altrò.

Finalmente, era veramente forte Frédéric Antonetti, nò ?

Ùn ai mai capitu ciò ch'elli eranu i "Cop's bastiais".

Ùn appia paura di dilla : Philippe Lalanne t'hà fattu sunnià (Nantes-Bastia 1995, 0-1

Ai vulsutu vince à u lottò unicamente per salvà u Sporting.

Sì qualchissia di normale, di calmu è di bravu in a vita, ma in Furiani, ti metti à insultà tutti quelli chì ùn anu micca una maglia turchina.

Face dece anni ch'è tù mughji "DEMISSION".

Ai scuzzulatu un grillage almenu una volta in a to vita. Sta cosa si pò fà solu à u stadiu. Imaginate di falla à u cutitianu...

Iena ùn hè micca una vittoria di Napuleò ma di u SECB.

Ùn vale a pena di bugiardà, ancu tù ai mughjatu almenu una volta "oh gaulois !"

Ai mughjatu canti à a gloria d'Antoine Difraya, Pierrot Bianconi, Pascal Camadini è ancu Jean-Luc Bernard.

Sai chì u Sporting ùn puderà mai more.

Siti da vede :
Bastia 78
Ultras Bastiacci
Spiritu Turchinu
Bastia 1905
Maglie di u Sporting

Forum :
Camperemu
Bastia è basta